3 ივნისს დედაენის პარკში ექსტრემალური სპორტის ფესტივალი კიდევ ერთხელ გაიმართა, თუმცა, ბევრად უფრო მასშტაბურად, ვიდრე გასულ წელს. Extreme Fest Tbilisi-ის მთავარი მესიჯი "სპორტი გვაერთიანებს" გახლავთ. ფესტივალის ორგანიზატორები არსენ მამიტოვი და შმაგი სამხარაძე არიან. არსენი არის ოსი, წარმოშობით ცხინვალიდან. მისი მიზანია საქართველოში განავითაროს ექსტრემალური სპორტის სახეობები და ქართველ ახალგაზრდებს მისცეს შესაძლებლობა საკუთარი ქვეყანა სხვადასხვა საერთაშორისო პლატფორმებზე ღირსეულად წარადგინონ.
შეჯიბრის პროგრამა, ადგილობრივი რაიდერებისთვის, შემდეგ დისციპლინებს მოიცავდა: Skateboard, BMX, Aggressive Inline და Kickscooter.
ფესტივალს ყველა ასაკის, თუ ინტერესების მქონე მაყურებელი ჰყავს. ამჯერად სტუმრებს შორის ახალგორიდან დევნილი ბავშვებიც იყვნენ. ახალაგზრდების უსაფრთხო და კომფორტულ გადაადგილებაზე კი კომპანია Bene Exclusive-მა იზრუნა.
ქართველი და ოსი ახალგაზრდები, რომლებიც Extreme Fest Tbilisi-ის ირგვლივ გაერთიანდნენ, მიზნად ისახავენ საკუთარი საქმიანობით ხელი შეუწყონ შერიგებისა და ნდობის აღდგენის პროცესს.
მე მჯერა, რომ ჩვენი სლოგანი - „სპორტი აერთიანებს“ ჭეშმარიტებაა და სპორტის ამ სახეობებით ბევრი კარგი რაღაცის გაკეთება და მიღწევაა შესაძლებელი, - არსენ მამიტოვი
❝ მივესალმები TheDiar-ს მკითხველს. მე ვარ არსენ მამიტოვი ვარ, წარმოშობით ცხინვალის რეგიონიდან. ექსტრემალური სპორტის ამ სახეობების განვითარება იმიტომ გადავწყვიტე, რომ საქართველოში ძალიან დიდ შესაძლებლობებს ვხედავ. ამიტომ, მჯერა რომ რამდენიმე წელიწადში შევძლებთ ისეთი ლოკალური რაიდერები გავზარდოთ საქართველოში, რომლებიც საერთაშორისო დონის ჩემპიონატებზეც მიიღებენ მონაწილეობას, მათ შორის ოლიმპიადებზეც კი. მე მჯერა ამის და ყველაფერს გავაკეთებ, რომ მიზანს მივაღწიო. მე ასევე მჯერა, რომ ჩვენი სლოგანი - „სპორტი აერთიანებს“ ჭეშმარიტებაა და სპორტის ამ სახეობებით ბევრი კარგი რაღაცის გაკეთება და მიღწევაა შესაძლებელი.
❝ წინა შეჯიბრის პრიზიორი და ამავდროულად ტრენერიც ვარ. თუკი მეტი შესაძლებლობა მოგვეცემა, ევროპისა თუ სხვა საერთაშორისო კონკურსებზე ღირსეულად შევძლებთ ასპარეზობას. დედაენის პარკში სხვადასხვა ასაკისა და ეროვნების ხალხი იკრიბება, ვუზიარებთ ერთმანეთს გამოცდილებას, ვუმეგობრდებით ერთმანეთს. სპორტი ნამდვილად აერთიანებს, - დავით მეტრეველი, Extreme Fest 2023-ის ფინალისტი კატეგორიაში "აგრესიული გორგოლაჭები".
სპორტი არის ის კულტურა, რომელიც აერთიანებს ყველას, სხვადასხვა ეთნოსის, მრწამსისა თუ შესაძლებლობების ადამიანებს. ეს არ არის ის სივრცე, სადაც შეიძლება ადამიანები რაიმე ნიშნით დაყო, გარდა სპორტული უნარ-ჩვევებისა, - მარიამ სანოგო, ტელეწამყვანი
გასული წლის შემოდგომაზე დედაენის პარკში ექსტრემალური სპორტის ფესტივალი საქართველოსა და კავკასიის მასშტაბით პირველად ჩატარდა და მას შემდეგ, ყოველ ახალ ღონისძიებაზე, ექსტრემალური სპორტის მოყვარულების სულ უფრო და უფრო დიდ რაოდენობას აერთიანებს.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
