ქართველი ჯეილო, ასე უწოდა ლუკ ბრაიანმა ნუცა ბუზალაძეს, მოსმენის შემდეგ და არ შეგვიძლია არ დავეთანხმოთ. ნუცას ქარიზმა, უშრეტი ენერგია და საქმის მიმართ აბსოლუტური თავდადება მართალაც რომ მოგვაგონებს, მეგავარსკვლავ ჯენიფერ ლოპესს, თუმცა დღევანდელი დღე არა მსგავსებას, არამედ ნუცა ბუზალაძის ოცნების ასრულებას და ერთ-ერთ ყველაზე პოპულარულ შოუში American Idol-ში მოხვედრაზეა.
უკანასკნელი 8 წლის განმავლობაში, ნუცა ბუზალაძე ამ მიზნისკენ მიიწევდა და როდესაც დარწმუნდა, რომ ამ დიდი გამოწვევისთვის უკვე მზად იყო, American Idol-ში მოსმენაზეც გავიდა. მეგაპროექტის 21-ე სეზონის ჟიურის წევრების: ლიონელ რიჩის, ქეითი პერისა და ლუკ ბრაიანის წინაშე ნუცა ბუზალაძემ ორი სიმღერა შეასრულა. La Belle-ს Lady Marmalade-ს პერფომანსის შემდეგ, რომელშიც ნუცამ მთელი თავისი ვოკალური სიმდიდრე და ცეკვის ელემენტები ჩააქსოვა, ქეითი პერი ფეხზე წამომდგარი უკრავდა ტაშს, თუმცა მეორე სიმღერისთვის თავად ქეითიმ ურჩია, რომ ამჯერად ნუცას, მათთვის ბუნებრიობა დაენახებინა, და ნუცამაც იმღერა...
Lady Marmalade ოვაციებს ნამდვილად იმსახურებდა, მაგრამ ის თუ როგორ შეასრულა ნუცა ბუზალაძემ უიტნი ჰისტონის უკვდავი და ერთ-ერთი ყველაზე რთულად შესასრულებელი ჰიტი Greatest love of all, ეს უკვე სხვა შესაძლებლობებზე მიგვითითებდა. ჟრუანტელის დავლის შემდეგ, ნუცამ ჰოლივუდისკენ მიმავალი ოქროს ბილეთიც დაიმსახურა და კონკურსის შემდეგ ეტაპზეც გადავიდა.
ჰოლივუდისკენ მიმავალი ბილეთი! ცხოვრებაში მხოლოდ ამაზე ვოცნებობდი! ღმერთი არსებობს და ის სასწაულებს ახდენს, უბრალოდ გჯეროდეთ ამის!
American Idol-ის შესარჩევი ტურის დასრულებისთანავე, შესაძლებლობა გვექნება, კიდევ ერთხელ ვუგულშემატკივროთ ნუცა ბუზალაძეს ეკრანებიდან. სიახლეებს, ამერიკული მეგაპროექტის პირველი ქართველი მონაწილის შესახებ კი გზადაგზა გაგიზიარებთ.
მაისის სამი დღის განმავლობაში აზერბაიჯანის დედაქალაქი იქცევა მოდის, ხელოვნებისა და ტექნოლოგიების საერთაშორისო პლატფორმად, სადაც დიზაინერები და კრეატიულ ინდუსტრიებთან დაკავშირებული ადამიანები შეხვდებიან ერთმანეთს.
Sex And the City-ს სპინოფი And Just Like That მესამე სეზონით ბრუნდება და მანჰეტენის თავგადასავლებში გვეპატიჟება. სეზონის პრემიერა 29 მაისს პლატფორმა Max-ზე შედგება. წინ გველის 12 ეპიზოდი — სავსე ზაფხულის ცხელი დღეებითა და უფრო ცხელი ღამეებით, რთული სასიყვარულო ურთიერთობებითა და ოჯახური დრამებით.
ჰარი პოტერის სერიალის პირველი ვარსკვლავური შემადგენლობა უკვე ცნობილია. ნახეთ, ვინ შეასრულებს დამბლდორის, სნეიპის, ჰაგრიდისა თუ მაკგონაგელის როლებს ახალ ეკრანიზაციაში.
