ქართველი მოდელი, მომღერალი და ტელეწამყვანი, თიკა ფაცაცია მსმენელს 20-წლიანი შემოქმედებითი პაუზის შემდეგ უბრუნდება. ახალი სიმღერის პრემიერა 7 ივლისს, 18:30 საათზე, „კავეა სითი მოლშია“ დაგეგმილი.
სიმღერის სახელწოდებაა „ბედნიერების მჯერა“. „ეს არის ჩემი მთავარი სათქმელი და ასეც დაერქვა სიმღერას“, – თიკა ფაცაცია.
პროექტზე მომღერალი ბოლო ერთი წლის განმავლობაში მუშაობდა. სიმღერის ავტორი კომპოზიტორი რუსა მორჩილაძეა, ტექსტი კი ირინა სანიკიძესა და თიკა ფაცაციას ეკუთვნის. არანჟირებასა და ორკესტრირებაზე ნიკოლოზ რაჭველმა და ევგენი მიქელაძის სახელობის ეროვნულმა სიმფონიურმა ორკესტრმა იმუშავეს.
7 ივლისს გაიმართება სიმღერის კლიპის პრემიერაც, რომლის რეჟისორი მახო ყიფშიძეა, კოსტიუმების მხატვარი – სალომე ტყაბლაძე, ხოლო კრეატიული დირექტორი არჩილ სოლოღაშვილი გახლავთ.
დღეს თიკა ფაცაციას მაყურებელი იცნობს როგორც მოდელს, მომღერალს, მეგაშოუების წამყვანს, მათ გამარჯვებულსა თუ ჟიურის წევრს. თიკა სცენაზე პირველად 14 წლის ასაკში გამოჩნდა, როცა მუსიკალური კარიერა ჯგუფ „სუპერ გოგონებში“ დაიწყო. მოგვიანებით მან შექმნა ჯგუფი „სეთი“, რომელიც 1997-1999 წლებში დიდი პოპულარობით სარგებლობდა. თიკას სოლო კარიერაში იწერება ორი ალბომი – „თქვი რას აპირებ“ და „გზა მომავლის“. დღეს თიკა როგორც სოლო არტისტი მოღვაწეობს და ამავდროულად, არჩილ სოლოღაშვილთან ერთად ბენდ „კაი ტიპების“ წევრია.
ნიუ-იორკის ფედერალურ სასამართლოში ნაფიცმა მსაჯულებმა რეპერი შონ კომბსი, იგივე Puff Daddy, წარდგენილი ხუთი ბრალდებიდან მხოლოდ ორში ცნეს დამნაშავედ. ეს იმას ნიშნავს, რომ მას სამუდამო პატიმრობა აღარ ემუქრება და მაქსიმუმ 20 წელი შეიძლება მიესაჯოს.
ოფიციალურად დადასტურდა, რომ საკულტო ფილმის „ეშმაკს აცვია პრადა“ სიქველის გადაღებები 30 ივნისს დაიწყო. ფილმის ვარსკვლავური შემადგენლობა სრულად ბრუნდება.
ხვალ, ზეგ და მაზეგ თბილისი მსოფლიოს სხვადასხვა ქვეყანაში მოღვაწე მწერლებს, მეცნიერებს, ჟურნალისტებს, ხელოვანებსა და აქტივისტებს უმასპინძლებს. წლის ერთ-ერთი ყველაზე მნიშვნელოვანი ფესტივალი იწყება, რომელიც ამბების თხრობაზე, გამოცდილებების გაზიარებასა და დიალოგის წამოწყებაზეა ორიენტირებული
