Netflix-ზე ჩვენი საყვარელი ნერდები ბრუნდებიან. Stranger Things-ის მეხუთე და საბოლოო სეზონის ტრეილერი უკვე გვაქვს და პრემიერამდე სულ რამდენიმე კვირა გვაშორებს. ყველაზე უცნაური ქალაქი, ჰოკინსი, ახლა სამხედრო კარანტინის ქვეშაა – ყველგან კამერები, ჯარისკაცები და სრული ქაოსია, ჰოკინსის სკოლის მოსწავლეებს კი ჯერ კიდევ უამრავი თავსატეხი აქვთ ამოსახსნელი.
მეხუთე სეზონის მოქმედება 1987 წლის შემოდგომაზე ვითარდება. ქალაქი ჯერ კიდევ წინა სეზონის ტრაგიკული მოვლენების ტკივილს ებრძვის, ხოლო გმირები ერთი მიზნის ირგვლივ ერთიანდებიან – იპოვონ და საბოლოოდ დაამარცხონ ვეკნა.
წინა სეზონებისგან განსხვავებით, ამჯერად პერსონაჟებს მშვიდი დღეები აღარ აქვთ, სკოლა და უდარდელი ყოველდღიურობა წარსულს ჩაბარდა. ისტორია პირდაპირ ქაოსით იწყება: ჰოკინსი მკაცრი კონტროლისა და მეთვალყურეობის ქვეშაა, გადაადგილება შეზღუდულია, ხოლო საფრთხე ყველგან იგრძნობა.
ამას დამატებით, მთავრობა ილევენის აქტიურ ძებნას აგრძელებს, რის გამოც მილი ბობი ბრაუნის პერსონაჟი იძულებულია კვლავ მიმალვაში იყოს. ამასთან ერთად, უილის გაუჩინარებიდან ერთი წელი გადის და ქალაქში ძველი შიშები და დაძაბულობა ბრუნდება. გმირებს წინ ყველაზე მნიშვნელოვანი ბრძოლა ელით და ეჭვი გვაქვს, უმტკივნეულო გამარჯვება არცერთ მხარეს არ ერგება.
Stranger Things-ის მეხუთე სეზონის პირველი ნაწილი Netflix-ზე 26 ნოემბერს გამოვა, 3 ეპიზოდი – 25 დეკემბერს, ფინალური სერია კი ახალი წლის დღეს. სერიალი ეპიკური დასასრულისკენ მიდის, ჰოკინსის ბედი კი ბოლო ბრძოლაზეა დამოკიდებული.
ტეილორ სვიფტისა და ტრევის კელსის ქორწილი Madison Square Garden-ში გაიმართა. ორდღიანმა ღონისძიებამ ნიუ-იორკი ვარსკვლავური სტუმრებისა და გულშემატკივრების ყურადღების ცენტრში მოაქცია.
2026 წლის ნახევარი თითქმის გასრულდა და დიდ ეკრანებზე უკვე ვიხილეთ ისეთი ფილმები, როგორებიცაა The Devil Wears Prada 2 თუ Toy Story 5. ახლა კი, როდესაც წლის პირველი ნახევარი თითქმის დასრულდა, გადავხედოთ იმ ყველაზე მნიშვნელოვან კინოპრემიერებს, რომლებიც 2027 წლამდე გველოდება.
11-12 ივლისს კიკეთის ფერმა „მუსიკალურ დღეებს“ უმასპინძლებს. ცოცხალი მუსიკის, ბუნების, გემრიელი კერძებისა და გასართობი აქტივობების წყალობით, ფესტივალი საუკეთესო მიზეზია, უქმე დღეები კიკეთის ფერმის სიმწვანეში გავატაროთ.
