შეიძლება ოლივია უაილდი და ჰარი სტაილსი 2021 წლის „ცხელი" წყვილებს შორის პირველია, მაგრამ უკანასკნელი ნამდვილად არა. ამჯერად Hollywood-ური მედია Divergent-ის ვარსკვლავისა და NFL-ის ათლეტის რომანზე ალაპარაკდა. E! იუწყება, რომ 29 წლის შეილინ ვუდლი 37 წლის აარონ როჯერსს ხვდება. ურთიერთობა შორ მანძილზე მიმდინარეობს, რადგან აარონს საფეხბურთო სეზონის გატარება ვისკონსინში უწევს, შეილინი კი Misanthrope-ის გადაღებებზე მონრეალში იმყოფება.
წყაროს ცნობით წყვილი მოვლენებს არ აჩქარებს. ორივე მათგანი კარიერულ წინსვლაზეა ორიენტირებული, მაგრამ დაკავებული გრაფიკის მიუხედავად, ერთმანეთისთვის თავისუფალ დროს მაინც პოულობენ.
როჯერსს წარსულში ურთიერთობა შეილინის კოლეგასთან - ოლივია მანთან ჰქონდა, ვუდლის კი ყოფილ შეყვარებულთან 3 წლიანი რომანი აკავშირებს. მსახიობი 2017 წლიდან ცნობილ მორაგბეს - ბენ ვოლავოლას ხვდებოდა. შეილინმა მოგვიანებით ერთ-ერთ ინტერვიუში მორაგბესთან დაშორების მიზეზებიც განმარტა:
ჩვენ უკვე ოჯახის შექმნაზე ვფიქრობდით, მაგრამ მივხვდი, რომ ჩემს თავს ოჯახს 100%-ით ჯერ ვერ დავუთმობდი.
რაც შეეხება NFL-ის ვარსკვლავს, წყაროს ცნობით აარონი ურთიერთობას ძალიან უფრთხილდება, ამიტომ არ ჩქარობს და საყვარელ ქალთან რაც შეიძლება მეტი დროის გატარებას ცდილობს.
Stranger Things-ის მეხუთე და საბოლოო სეზონის ტრეილერი უკვე გამოვიდა. ტრეილერში ჩანს, რომ ჰოკინსი სამხედრო კარანტინის ქვეშაა, ქალაქი ქაოსსა და შიშს აქვს მოცული, ხოლო პერსონაჟებს ვეკნასთან გადამწყვეტი ბრძოლა ელით.
Victoria’s Secret-ის 2025 წლის შოუ ნიუ-იორკში, 15 ოქტომბერს გაიმართება. ფერადი ფრთებით, ნოსტალგიური ელემენტებითა და ახალ ენერგიით სავსე პოდიუმზე ვიხილავთ ლეგენდარულ მოდელებსა და ახალ სახეებს, მათ შორის მატილდა გვარლიანს.
ლეგენდარული Ocean’s Eleven-ის ვარსკვლავები ეკრანებზე ბრუნდებიან. ჯორჯ კლუნი ადასტურებს, რომ Ocean’s 14-ის გადაღებები რამდენიმე თვეში დაიწყება. ამასთან, Warner Bros-ი Ocean’s-ის პრიქველზეც იწყებს მუშაობს, სადაც მარგო რობისა და ბრედლი კუპერს ვიხილავთ.
