„სევდის დედოფალი“ - ლანა დელ რეი კრიტიკის საპასუხოდ ახალ ალბომს გამოუშვებს

ცნობილი ამერიკელი მომღერალი, „სევდის დედოფალი“ - ლანა დელ რეი ამოსუნთქვის საშუალებას არ გვაძლევს, ახალი ალბომის Chemtrails Over the Country Club-ის გამოსვლიდან სულ რამდენიმე დღეში, ლანამ სიახლე შემოგვთავაზა და 2021 წლის კიდევ ერთი ახალი ალბომისთვის შეგვამზადა.

დელ რეიმ ახალი ალბომის Rock Candy Sweet-ის გამოსვლის შესახებ სიახლე სოციალური ქსელის მეშვეობით გაგვიზიარა, მომღერალმა ახალი ფოტოსურათი გამოაქვეყნა, რომელშიც მას კონფეტების ყელსაბამი ამშვენებს, ახალი ალბომის სახელწოდების წარწერის ფონზე. ლანას ანონსს წინ, მისი უახლესი ალბომის Chemtrails Over the Country Club-ის კრიტიკა უძღოდა, Harpers Bazaar-ის სტატიას სახელწოდებით„ლანა დელ რეი არ არის მზად, საკუთარ თავზე პასხუისმგებლობა აიღოს“, რომელიც მომღერალს კულტურულ მისაკუთრებაში სდებდა ბრალს, დელ რეიმ Instagram-ის მეშვეობით გასცა პასუხი:

„კიდევ ერთხელ მადლობა მინდა გადაგიხადოთ ასეთი სტატიებისთვის, რომლებიც შემახსნებენ, რომ ჩემი მუსიკალური კარიერა კულტურული მემკვიდრეობის მისაკუთრებასა და სასტიკად მოპყრობაზეა აგებული. ვეცდები, გამოწვევებს ჩემს ახალ ალბომში Rock Candy Sweet-ში გავცე პასუხი, რომელიც 1-ელ ივნისს გამოვა“.

მართალი ხართ, ეს ყველაფერი უმნიშვნელო იქებოდა ალბომის გამოსვლისთანავე ყველაფერი რომ არ გაგეკრიტიკებინათ, ახლა სამაგიეროს გადახდა მსურს

როგორც ჩანს, მედიის წარმომადგენლებმა ლანა დელ რეის გაბრაზება მოახერხეს და მომღერალიც ტკბილ-მწარე შურისძიებისთვის ემზადება, თუმცა მანამ სანამ ლანას ახალ ჩანაწერებს ვიხილავთ, გირჩევთ რეის ახალი ალბომის რჩეულ სიმღერებს მოუსმინოთ და ორშაბათი დილის განწყობაც შეიქმნათ.