ჰოლივუდის გამორჩეული მსახიობი სელმა ბლერი საქართველოს ფილმის გადაღებებისთვის სტუმრობს. "Stay Forte" ასე ჰქვია ფილმს, რომლის სიუჟეტიც 2023 წლის 7 ოქტომბრის მოვლენებზეა აგებული. ამ ტრაგიკულ დღეს, მსოფლიო ახალ, საშინელი ქაოსის რეალობას შეეჩეხა, როცა ყველა ომმა და უბედურებამ მოიცვა.
@thediary.ge სელმა ბლერი საქართველიში გადაღებულ კადრებს გვიზიარებს ❤️🇬🇪 ჰოლივუდელი მსახიობი თბილისს კინო გადაღებებზე ეწვია. #stayforte ♬ sonido original - 𝕱𝖊𝖗𝖈𝖍𝖎𝖘 𝕸𝖊𝖏í𝖆
ფილმი ღაზას მიწისქვეშა გვირაბებში სამი მამაცი ბიჭის 52 დღიან ტყვეობას აღწერს. ეს არის ისტორია რეალურ ამბავზე, სადაც გმირები წარმოუდგენელი პირობებისა და სიკვდილის შიშის მიუხედავად, გადარჩენისთვის იბრძვიან. ამბის ნამდვილი გმირები ტყვედ ჩავარდნილი ებრაელი Alon Shamriz-ი, Samer Talalka და Yotam Haim-ი არიან, რომლებიც გასული წლის 15 დეკემბერს IDF-ის გახსნილი ცეცხლის შედეგად დაიღუპნენ. ებრაული პრესის მიხედვით, "Stay Forte" იქნება პირველი ფილმი ისრაელი-ჰამასის ომის შესახებ.
ფილმის რეჟისორი დორონ ერანია. ებრაელი კინორეჟისორის ანგარიშზე ისეთი ნამუშევრებია, როგორებიცაა "Melting Away', "Stalin's Disciples" და "God's Sandbox".
თბილისში "Stay Forte"-ის გადაღებები ძირითადად მიწისქვეშა გვირაბებში მიმდინარეობს, რაც ფილმის სიუჟეტისთვის შესაბამის ატმოსფეროს ქმნის.
ფილმიდან გაზიარებული კადრებიდან ვხვდებით, რომ რთული და ემოციურად მძაფრი სიუჟეტისთვის მზად უნდა ვიყოთ. ფილმზე უცხოელ კოლეგებთან ერთად, ქართველმა პროფესიონალებმაც იმუშავეს. ფილმში სავარაუდოდ ქართველი მსახიობი, ვიქტორია ბოკერიაც მიიღებს მონაწილეობას.
ფილმის აღწერიდან ჩანს, რომ „Stay Forte“-ს ისტორია ომის სირთულეებს ამხელს და თან ადამიანური გამძლეობის, თანაგრძნობისა და ერთიანობის ძალასაც უსვამს ხაზს. ეს ფილმი ერთგვარი შეხსენებაა, რომ ტკივილისა და გაჭირვების დროს თანადგომასა და სიყვარულზე ძვირფასი არაფერია.
ქასთის და განსაკუთრებით სელმა ბლერის თბილისში ვიზიტი დიდ ყურადღებას იმსახურებს. სელმა ბლერს ისეთ საკულტო ფილმებში აქვს მონაწილეობა მიღებული როგორებიცაა "Cruel Intentions" და "Legally Blonde". ჰოლივუდის ვარსკვლავი აქტიურად საუბრობს სოციალურ და ჰუმანიტარულ საკითხებზე და ცდილობს უამრავი თემის ირგვლივ საზოგადოების ცნობიერება აამაღლოს. მას შემდეგ, რაც მსახიობს გაფანტული სკლეროზი დაუდგინდა, გარკვეული პერიოდის განმავლობაში კარიერული პაუზა ჰქონდა აღებული. 2021 წელს გამოვიდა ფილმი "Introducing, Selma Blair", რომელშიც სელმა თავისი დიაგნოზის, ამ დაავადების გამოწვევებისა და მასთან ბრძოლის შესახებ საზოგადოებას უყვება. "Stay Forte"-ის თბილისური გადაღებები კი ცხადყოფს, რომ ის თავის საყვარელ საქმიანობას ნელ-ნელა უბრუნდება.
2025 წლის ოსკარების ყველაზე მნიშვნელოვანი გამარჯვებები და დაუვიწყარი მომენტები – Anora-ს ტრიუმფი, მაიკი მედისონის და ედრიენ ბროუდის გამარჯვებები, ტექნიკური კატეგორიების ლიდერი Dune: Part Two და სხვა საინტერესო დეტალები.
თებერვალი სერიალების მოყვარულებისთვის საუკეთესო თვე გამოდგა. სტრიმინგ პლატფორმებზე გამოჩნდა დრამა, კომედია, საკულტო შოუების ახალი სეზონები და საინტერესო ეკრანიზაციები. ამ სტატიაში საუკეთესო პრემიერების სია მოგიმზადეთ, რომლებიც არ უნდა გამოტოვოთ.
წლევანდელ SAG Awards-ზე „Lifetime Achievement“-ის ჯილდო ჯეინ ფონდამ დაიმსახურა. პრიზების გარეშე არ დარჩენილან ტიმოთი შალამე, დემი მური თუ ზოი სალდანა. წაიკითხეთ დაჯილდოების მთავარ მომენტებზე ჩვენს სტატიაში.
