პეკინში, ზამთრის რიგით 24-ე ოლიმპიურ თამაშებზე, საქართველოს სახელით მოასპარეზე ერთადერთმა მოციგავემ საბა ქუმარიტაშვილმა ასპარეზი დაასრულა. საბამ, სამი დაშვების შემდეგ 31-ე ადგილი დაიკავა, თუმცა ოლიმპიურ თამაშებზე გამოჩენით ოცნებაც აიხდინა და ტრაგიკულად გარდაცვლილ ბიძაშვილის - ნოდარ ქუმარიტაშვილის ხსოვნას პატივი ღირსეულად მიაგო.
2010 წელს, საქართველო ტრაგიკულმა სიახლემ შეძრა, ვანკუვერში, ოლიმპიურ დებიუტამდე ერთი დღით ადრე, მე-13 მოსახვევზე 21 წლის ნოდარ ქუმარიტაშვილი დაიღუპა. 12 წლის შემდეგ, ახლა უკვე 21 წლის საბა ქუმარიტაშვილმა გადაწყვიტა ოჯახური ტრადიცია გაეგრძელებინა და ბიძაშვილის დაწყებული საქმე ბოლომდე მიეყვანა.
ნოდარზე ვფიქრობ, სულ მასზე ვფიქრობ. ჩემს ოჯახში ყველა მოციგავეა, არ მინდოდა საქართველოში ეს სპორტი მომკვდარიყო, მე მისი გაგრძელება დავისახე მიზნად - განაცხადა საბა ქუმარიტაშვილმა.
ქუმარიტაშვილების ოჯახი ციგით რბოლას 1970-იანი წლებიდან ეწეოდა, ჯერ კიდევ მას შემდეგ, რაც ოჯახის უფროსმა ალეკო ქუმარიტაშვილმა საქართველოში პირველი ტრასის მშენებლობაში შეიტანა წვლილი, შემდეგ კი ეროვნული მწვრთნელის მოვალეობა იკისრა. საბა ქუმარიტაშვილის თქმით, ვანკუვერში მომხდარ ტრაგედიას მისთვის ხელი არ შეუშლია, პირიქით, მშობლებმა ის წაახალისეს, რათა ოჯახური ტრადიცია გაგრძელებულიყო და ოლიმპიურ თამაშებზე ქუმარიტაშვილს ეასპარეზა.
მაისის სამი დღის განმავლობაში აზერბაიჯანის დედაქალაქი იქცევა მოდის, ხელოვნებისა და ტექნოლოგიების საერთაშორისო პლატფორმად, სადაც დიზაინერები და კრეატიულ ინდუსტრიებთან დაკავშირებული ადამიანები შეხვდებიან ერთმანეთს.
Sex And the City-ს სპინოფი And Just Like That მესამე სეზონით ბრუნდება და მანჰეტენის თავგადასავლებში გვეპატიჟება. სეზონის პრემიერა 29 მაისს პლატფორმა Max-ზე შედგება. წინ გველის 12 ეპიზოდი — სავსე ზაფხულის ცხელი დღეებითა და უფრო ცხელი ღამეებით, რთული სასიყვარულო ურთიერთობებითა და ოჯახური დრამებით.
ჰარი პოტერის სერიალის პირველი ვარსკვლავური შემადგენლობა უკვე ცნობილია. ნახეთ, ვინ შეასრულებს დამბლდორის, სნეიპის, ჰაგრიდისა თუ მაკგონაგელის როლებს ახალ ეკრანიზაციაში.
