2026 წელს, „ოსკარის“ 98-ე დაჯილდოებაზე, საქართველო გიორგი სიხარულიძის ფილმით „პანოპტიკონი“ წარდგება. ფილმი 16 სექტემბერს გამართული ფარული კენჭისყრის შედეგად შეირჩა. კონკურსში ორი ნამუშევარი მონაწილეობდა: მერაბ კოკოჩაშვილის „ტერცო მონდო“ და გიორგი სიხარულიძის „პანოპტიკონი“.
ფილმის სიუჟეტი მოზარდის, სანდროს ირგვლივ ვითარდება, რომელიც მას შემდეგ, რაც მამამ მონასტერში წასვლა გადაწყვიტა, ხოლო დედა ემიგრაციაში, სრულიად მარტო რჩება. ახალგაზრდა ინტროვერტი თვითშემეცნების გზას ადგება, რომელსაც ის ულტრამემარჯვენე რადიკალ ლაშასთან მიჰყავს. ამის პარალელურად სანდრო საკუთარ სექსუალობას იკვლევს. ფილმი თანამედროვე პოსტსაბჭოთა საქართველოს შესახებ უმნიშვნელოვანეს საკითხებზე საუბრობს.
ეს არის კვლევა იმისა, თუ სად გადის ზღვარი დამკვირვებელსა და დაკვირვების ობიექტს შორის, როგორ ეძებს ქვეყანა ბალანსს რელიგიურ კონსერვატიზმსა და ნაციონალიზმს, თავისუფლებისა და მოდერნიზაციის სურვილს შორის. ფილმში მთავარ როლს დათა ჩაჩუა ასრულებს, ასევე თამაშობენ ია სუხიტაშვილი, მალხაზ აბულაძე, ვახო კედელაძე.
გიორგი სიხარულიძის ფილმმა საერთაშორისო კინო საზოგადოების ყურადღება უკვე დაიმსახურა. მთავარი როლის შემსრულებელი, დათა ჩაჩუა, აზია-წყნარი ოკეანის აკადემიის (APSA) სპეციალური ჯილდოს მფლობელი გახდა და „აზიური ოსკარის“ სახელით ცნობილ დაჯილდოებაზე საქართველოს პირველი გამარჯვებული მოუტანა.
ფილმისთვის წარმატებული აღმოჩნდა სხვა ფესტივალებიც: Giffoni Film Festival-ზე საუკეთესო ფილმის კატეგორიაში იყო ნომინირებული, ასევე გაიმარჯვა Montpellier Mediterranean Film Festival, Palic Film Festival და ბათუმის საავტორო კინოს საერთაშორისო ფესტივალზე.
ფილმის გამოსვლის შემდეგ, დათა ჩაჩუას The Diary-ს რედაქცია ესაუბრა. ჩვენთან ინტერვიუში დათასთან საუბარი ამ კითხვით დავასრულეთ:
„და თუ პირველად საქართველომ „ოსკარი“ მოიგო, იქნებ სწორედ თქვენ იყოთ ის, ვინც ეს შეძლო?“
დათა: დიდი იმედი მაქვს.
ჩვენც დიდი იმედი გვაქვს, რომ საქართველოს პირველ ოსკარს სწორედ „პანოპტიკონი“ მოუტანს.
Stranger Things-ის მეხუთე და საბოლოო სეზონის ტრეილერი უკვე გამოვიდა. ტრეილერში ჩანს, რომ ჰოკინსი სამხედრო კარანტინის ქვეშაა, ქალაქი ქაოსსა და შიშს აქვს მოცული, ხოლო პერსონაჟებს ვეკნასთან გადამწყვეტი ბრძოლა ელით.
Victoria’s Secret-ის 2025 წლის შოუ ნიუ-იორკში, 15 ოქტომბერს გაიმართება. ფერადი ფრთებით, ნოსტალგიური ელემენტებითა და ახალ ენერგიით სავსე პოდიუმზე ვიხილავთ ლეგენდარულ მოდელებსა და ახალ სახეებს, მათ შორის მატილდა გვარლიანს.
ლეგენდარული Ocean’s Eleven-ის ვარსკვლავები ეკრანებზე ბრუნდებიან. ჯორჯ კლუნი ადასტურებს, რომ Ocean’s 14-ის გადაღებები რამდენიმე თვეში დაიწყება. ამასთან, Warner Bros-ი Ocean’s-ის პრიქველზეც იწყებს მუშაობს, სადაც მარგო რობისა და ბრედლი კუპერს ვიხილავთ.
