“მე ჩვეულებრივი ადამიანი ვარ, ისევ სამშენებლო მუშა” - ეს სიტყვები UFC-ს სუპერმსუბუქი წონის ჩემპიონს, მერაბ დვალიშვილს ეკუთვნის. მერაბმა დაპირება შეასრულა და ლას-ვეგასში, Sphere-ის არენაზე შონ ო'მალის ჩემპიონის ქამარი ჩამოართვა.
ეს ის მებრძოლია, რომელსაც საქართველოს დროშის ფრიალი აუკრძალეს და მკერდზე ქართული დროშის ტატუ გაიკეთა, რომელმაც ამერიკაში მარტომ ცხოვრება დაიწყო და სამშენებლო სამუშაოს პარალელურად, რინგზე უფასოდ იბრძოდა. დაუღალავი შრომითა და საკუთარი თავის რწმენით კი, დღეს მე-11 ბრძოლა მოიგო და ჩემპიონის ტიტულიც დაიმსახურა. ახლა თქვენ გადაწყვიტეთ, რამდენად “ჩვეულებრივი” ადამიანია ქართველი მერაბი?!
ბრძოლა ზუსტად ისე წარიმართა, როგორც მერაბს წარმოედგინა. ზეწოლისა და დაძაბულობის ფონზე, ო'მალის ქართველმა მებრძოლმა ამოსუნთქვის საშუალება არ მისცა, მთელი ბრძოლის განმავლობაში ყოველ წამს ქართველი აკონტროლებდა.
"სიგიჟეა. თავი სიზმარში მგონია. დღეს მე ვარ საუკეთესო მებრძოლი UFC-ში. მე ეს დავამტკიცე"
მერაბმა ბრძოლაში უკვე ყოფილი ჩემპიონი დამახასიათებელი სისხარტითა და კონცენტრაციით დაამარცხა. "შემიძლია ასეთი კიდევ 15 რაუნდი ჩავატარო. ქამარი ჩემია... ყველამ იცის, რომ ამ ბიჭზე [შონ ო'მალიზე] გავიმარჯვე".
ჩემპიონობამდე მერაბის მიერ განვლილი გზა გამძლეობის, წარმატების წყურვილის, შრომისა და თავდაჯერების საუკეთესო მაგალითია. მან პირველი გამოჩენისთანავე მთელს საქართველოს შეაყვარა თავი, ეს ტიტული კი, მსოფლიოსთვისაა შეუპოვრობის დამამტკიცებელი საბუთი, თორემ მერაბი ჩვენთვის ყოველთვის ჩემპიონი იყო.
ქართველი მებრძოლის წარმატების ფორმულა დაუოკებელი სულისკვეთება და სისტემატური შრომის ეთიკა გახდა. მისთვის ცხოვრების დაუნდობელი სახე პატარა ასაკიდან გახდა ნაცნობი, მაგრამ საკუთარ თავში ძალა იპოვა, რომ არ დანებებულიყო და ბედისწერა თავად ემართა, მომავალი კი საკუთარი ხელით დაეწერა.
ეს გამარჯვება ყველა გაღებული მსხვერპლის, გათენებული ღამის, წაგებული ბრძოლისა თუ ეჭვ ქვეშ დაყენებული მომავლის კულმინაცია იყო. თავისი რთული გზით, მან მსოფლიოს აჩვენა, რომ თავდადებით, გამძლეობითა და საკუთარი თავის ურყევი რწმენით, ყველაზე რთული ოცნებების მიღწევაც კი შესაძლებელია.
2025 წლის ოსკარების ყველაზე მნიშვნელოვანი გამარჯვებები და დაუვიწყარი მომენტები – Anora-ს ტრიუმფი, მაიკი მედისონის და ედრიენ ბროუდის გამარჯვებები, ტექნიკური კატეგორიების ლიდერი Dune: Part Two და სხვა საინტერესო დეტალები.
თებერვალი სერიალების მოყვარულებისთვის საუკეთესო თვე გამოდგა. სტრიმინგ პლატფორმებზე გამოჩნდა დრამა, კომედია, საკულტო შოუების ახალი სეზონები და საინტერესო ეკრანიზაციები. ამ სტატიაში საუკეთესო პრემიერების სია მოგიმზადეთ, რომლებიც არ უნდა გამოტოვოთ.
წლევანდელ SAG Awards-ზე „Lifetime Achievement“-ის ჯილდო ჯეინ ფონდამ დაიმსახურა. პრიზების გარეშე არ დარჩენილან ტიმოთი შალამე, დემი მური თუ ზოი სალდანა. წაიკითხეთ დაჯილდოების მთავარ მომენტებზე ჩვენს სტატიაში.
