ამ სურათით, რომელიც 2020 წლის აგვისტოშია გადაღებული, 19 წლის მარია ზაიცევა გავიცანით - გოგონა, რომელიც ბელარუსის სისხლიან რეჟიმს ღიად უპირისპირდებოდა. მარია ავტორიტარული სისტემის წინააღმდეგ მებრძოლი ბელარუსი ხალხის სიმბოლოდ იქცა. სურათი პრეზიდენტ ლუკაშენკოს წინააღმდეგ გამართულ საპროტესტო აქციაზეა გადაღებული, სადაც მან ძლიერი დაზიანებები მიიღო.
როდესაც რუსეთმა 2022 წლის თებერვალში უკრაინაში სრულმასშტაბიანი ომი დაიწყო, მარია უკრაინელი ხალხის მხარდასაჭერად მოხალისეობრივ საქმიანობაში ჩაერთო. თავდაპირველად, ის ჩეხეთში ჩასულ უკრაინელ ლტოლვილებს ეხმარებოდა. 2023 წლის გაზაფხულზე კი უკრაინის საგარეო ლეგიონს - უცხოელი მოხალისეებით დაკომპლექტებულ უკრაინული სამხედრო სისტემის ნაწილს – შეუერთდა.
"ის ისეთი პატარა იყო, იარაღიც კი არ ჰქონდა, სად უნდა წასულიყო?" - იხსენებს ალეს პეტრუსკი, ლეგიონის უფროსი ექიმი. ბელარუსი გოგონა სამედიცინო განყოფილებაში დაასაქმეს და სხვა მოხალისე ექიმებთან ერთად სანგრებში, ცეცხლის ქვეშ, ეხმარებოდა უკრაინელ მებრძოლებს. ამასთანავე, მარია თარჯიმნის ფუნქციასაც ასრულებდა - ინგლისური ენა კარგად იცოდა და Foreign Legion-ის წევრებს კომუნიკაციაში ეხმარებოდა.
This is utterly heartbreaking. Maria Zaitseva, an icon of our revolution, was killed at just 24 years old while defending 🇺🇦. Gravely injured during the 2020 Belarus protests, she gave her life for freedom. My deepest condolences to her family & friends at this unimaginable loss. pic.twitter.com/i7G7wAITrQ
— Sviatlana Tsikhanouskaya (@Tsihanouskaya) January 17, 2025
მარიასთვის უკრაინის ბრძოლა ბელარუსის ბრძოლაც იყო, რადგან ორივე ქვეყნის მოსახლეობა და მათთან ერთად ქართველი მებრძოლებიც საერთო მტრის – რუსეთის წინააღმდეგ იბრძვიან. ამიტომაც, მარიასთვის უკრაინის თავისუფლება ბელარუსის თავისუფლებას უდრიდა. ბრძოლის ფრონტზე მარიამ მრავლობითი დაზიანება მიიღო - ყუმბარის აფეთქების შემდეგ სერიოზულად დაიჭრა და მარცხენა ყურში სმენა სრულად დაკარგა. ის ჩეხეთში გადაუდებელი ოპერაციის ჩასატარებლად დაბრუნდა. თუმცა, როგორც კი ძალები აღიდგინა, მეორედ წავიდა უკრაინის ფრონტზე.
მედიაში გავრცელებული ინფორმაციით, მოხალისე მებრძოლი ბახმუტის მახლობლად, 17 იანვრის დილას დაიღუპა. მისი სახელი თავისუფლებისთვის მებრძოლი ქალების რიგებში სამუდამოდ ჩაიწერება და დადგება დღე, როდესაც მარიას ოცნება ასრულდება - მსოფლიო რუსეთის წინააღმდეგ საუკუნოვან ომში გაიმარჯვებს.
2025 წლის ოსკარების ყველაზე მნიშვნელოვანი გამარჯვებები და დაუვიწყარი მომენტები – Anora-ს ტრიუმფი, მაიკი მედისონის და ედრიენ ბროუდის გამარჯვებები, ტექნიკური კატეგორიების ლიდერი Dune: Part Two და სხვა საინტერესო დეტალები.
თებერვალი სერიალების მოყვარულებისთვის საუკეთესო თვე გამოდგა. სტრიმინგ პლატფორმებზე გამოჩნდა დრამა, კომედია, საკულტო შოუების ახალი სეზონები და საინტერესო ეკრანიზაციები. ამ სტატიაში საუკეთესო პრემიერების სია მოგიმზადეთ, რომლებიც არ უნდა გამოტოვოთ.
წლევანდელ SAG Awards-ზე „Lifetime Achievement“-ის ჯილდო ჯეინ ფონდამ დაიმსახურა. პრიზების გარეშე არ დარჩენილან ტიმოთი შალამე, დემი მური თუ ზოი სალდანა. წაიკითხეთ დაჯილდოების მთავარ მომენტებზე ჩვენს სტატიაში.
