პარიზში მოდის კვირეული მიმდინარეობს, სადაც მსოფლიოში ცნობილი მოდის სახლები მამაკაცის სამოსის უახლეს კოლექციებს წარადგენენ. ყურადღების ცენტრში კი Louis Vuitton-ი აღმოჩნდა, რომლის კოლექციაც ფარელ უილიამსის ხელმძღვანელობით ტრადიციულ მაღალ მოდასა და თანამედროვე ქუჩის სტილს შორის ბალანსის შესანიშნავ მაგალითს წარმოადგენს.
ჩვენება 90 წუთით გვიან დაიწყო, რადგან LVMH-ის გენერალური დირექტორი, ბერნარ არნო, მისი ქალიშვილი დელფინი (Dior-ის თავმჯდომარე) და ვაჟი ალექსანდრე (LVMH-ის ღვინისა და სპირტიანი სასმელების განყოფილების დირექტორის მოადგილე) ჯერ კიდევ ტრამპის ინაუგურაციას ესწრებოდნენ. პარიზში დაბრუნებისთანავე, მოდის დედაქალაქში შეკრებილ საზოგადოებასთან ერთად, მათ პირველი რიგიდან ფარელ უილიამსისა და იაპონელი დიზაინერის, ნიგოს, გასაოცარი კოლექცია იხილეს.
მოდელებმა სამი მუსიკალური ნაწარმოების ფონზე წარადგინეს კოლექციას. მათ შორის იყო სამხრეთ კორეული ბენდის, "Seventeen"-ისა და ფარელ უილიამსის კოლაბორაციით შექმნილი სიმღერა "Bad Influence". ასევე ფარელისა და The Weeknd-ის ერთობლივი შემოქმედება "Timeless''. ჩვენებაზე შედგა სამხრეთ კორეელი არტისტის, J-Hope-ისა და ფარელ უილიამსის ნამუშევრის "LV Bag"-ის პრემიერაც.
ნიგომ და ფარელ უილიამსმა კიდევ ერთხელ დაამტკიცეს, რომ ტრადიციული მაღალი მოდა და თანამედროვე ქუჩის კულტურა შეიძლება სრულყოფილად შეერწყას ერთმანეთს. უილიამსი, რომელიც 2023 წლიდან Louis Vuitton-ის მამაკაცის ხაზის კრეატიული დირექტორის პოზიციას იკავებს, უკვე წლებია მეგობრობს ნიგოსთან. 2003 წელს მათ ერთად დააარსეს ქუჩის მოდის ცნობილი ბრენდები – Billionaire Boys Club & ICECREAM, რაც მათი შემოქმედებითი კავშირის დასაწყისად შეიძლება ჩაითვალოს.
დუოს ახალი კოლაბორაცია, რომელიც პარიზის მოდის კვირეულის სცენაზე ვიხილეთ, ახალი ფურცელია მოდის სამყაროში.
ჩანთებზე წარწერები „Pont Neuf“ და „Since 1854“ პარიზის კულტურასა და ბრენდის ისტორიას ეხმიანება. ამ კოლექციამ კიდევ ერთხელ დაამტკიცა, რომ Louis Vuitton-ის მიზანი მხოლოდ მაღალი მოდის სფეროში ლიდერობა არაა. ის ქუჩის კულტურასთან ინტეგრაციით ქმნის მომავლის მოდას, სადაც მდიდრული სტილი ყოველდღიურობისა და ქუჩის სამოსის ელემენტებს იდეალურად იხდენს.
ტეილორ სვიფტისა და ტრევის კელსის ქორწილი Madison Square Garden-ში გაიმართა. ორდღიანმა ღონისძიებამ ნიუ-იორკი ვარსკვლავური სტუმრებისა და გულშემატკივრების ყურადღების ცენტრში მოაქცია.
2026 წლის ნახევარი თითქმის გასრულდა და დიდ ეკრანებზე უკვე ვიხილეთ ისეთი ფილმები, როგორებიცაა The Devil Wears Prada 2 თუ Toy Story 5. ახლა კი, როდესაც წლის პირველი ნახევარი თითქმის დასრულდა, გადავხედოთ იმ ყველაზე მნიშვნელოვან კინოპრემიერებს, რომლებიც 2027 წლამდე გველოდება.
11-12 ივლისს კიკეთის ფერმა „მუსიკალურ დღეებს“ უმასპინძლებს. ცოცხალი მუსიკის, ბუნების, გემრიელი კერძებისა და გასართობი აქტივობების წყალობით, ფესტივალი საუკეთესო მიზეზია, უქმე დღეები კიკეთის ფერმის სიმწვანეში გავატაროთ.
