პოპვარსკვლავი და მსახიობი ლედი გაგა სერიალ Wednesday-ის მეორე სეზონში მიიღებს მონაწილეობას. სეზონი ორ ნაწილად გამოვა: პირველი ნაწილის ნახვა 6 აგვისტოდან, ხოლო მეორის 3 სექტემბრიდან იქნება შესაძლებელი. ლედი გაგა მოწვეული მსახიობია, თუმცა მისი პერსონაჟის შესახებ დეტალები ჯერ არ გახმაურებულა.
სიახლე Netflix-ის ფანებისთვის განკუთვნილ ღონისძიებაზე გახდა ცნობილი, რომელიც ლოს-ანჯელესში გაიმართა. ლედი გაგამ სცენაზე Wednesday-ის თემატიკის პერფორმანსი დადგა. პოპ არტისტმა იმღერა Zombieboy თავისი ბოლო ალბომიდან Mayhem, ასევე Abracadabra და The Cramps-ის Goo Goo Muck-ზე დადგმული ქორეოგრაფიაც შეასრულა.
ლედი გაგასა და სერიალს შორის კავშირი ჯერ კიდევ პირველ სეზონში გაჩნდა, მას შემდეგ, რაც ჯენა ორტეგას გმირის ცეკვა ინტერნეტში ვირუსულად გავრცელდა. ამ ცეკვის ერთ-ერთ პოპულარულ რემიქსში ლედი გაგას სიმღერა Bloody Mary იყო გამოყენებული.
ამ სიახლესთან ერთად, Netflix-მა ასევე გამოაქვეყნა მეორე სეზონის პირველი 6 წუთიც, სადაც ჩანს, რომ უენსდეი სერიულ მკვლელს სარდაფში ჰყავს გამოკეტილი.
რაც შეეხება ლედი გაგას, მისი სამსახიობო კარიერა მუსიკალურზე არანაკლებ მდიდარია. ის ბრედლი კუპერთან ერთად მონაწილეობდა ოსკაროსან ფილმში A Star Is Born, გაგა ასევე ვიხილეთ Joker: Folie à Deux-ში, House of Gucci-ში და სერიალ American Horror Story-ში. მალე კი Netflix-ის ერთ-ერთ ყველაზე წარმატებულ შოუში ვიხილავთ.
Wednesday-ის პირველი სეზონი 2022 წელს გამოვიდა და მაშინვე Netflix-ის ისტორიაში ყველაზე პოპულარულ ინგლისურენოვან სერიალად იქცა. ლედი გაგას გამოჩენა კი, სერიალის მეორე სეზონს კიდევ უფრო გამორჩეულს გახდის და მას ზაფხულის ერთ-ერთ ყველაზე მნიშვნელოვან პრემიერად აქცევს.
ტეილორ სვიფტისა და ტრევის კელსის ქორწილი Madison Square Garden-ში გაიმართა. ორდღიანმა ღონისძიებამ ნიუ-იორკი ვარსკვლავური სტუმრებისა და გულშემატკივრების ყურადღების ცენტრში მოაქცია.
2026 წლის ნახევარი თითქმის გასრულდა და დიდ ეკრანებზე უკვე ვიხილეთ ისეთი ფილმები, როგორებიცაა The Devil Wears Prada 2 თუ Toy Story 5. ახლა კი, როდესაც წლის პირველი ნახევარი თითქმის დასრულდა, გადავხედოთ იმ ყველაზე მნიშვნელოვან კინოპრემიერებს, რომლებიც 2027 წლამდე გველოდება.
11-12 ივლისს კიკეთის ფერმა „მუსიკალურ დღეებს“ უმასპინძლებს. ცოცხალი მუსიკის, ბუნების, გემრიელი კერძებისა და გასართობი აქტივობების წყალობით, ფესტივალი საუკეთესო მიზეზია, უქმე დღეები კიკეთის ფერმის სიმწვანეში გავატაროთ.
