დროა კოსმოპოლიტენით ხელში, ჩვენი საყვარელი ნარატორის, ქერი ბრედშოუს მოთხრობილი ნიუ-იორკული ამბებისთვის მოვემზადოთ. Sex and the City-ს სპინოფი And Just Like That მესამე სეზონით ბრუნდება და მანჰეტენის თავგადასავლებში ჩათრევას გვიპირებს. თუმცა, წინააღმდეგი არც არავინ ვიქნებით, არა?!
ახალი სეზონის პრემიერა 29 მაისს პლატფორმა Max-ზე შედგება. წინ გველის 12 ეპიზოდი — სავსე ზაფხულის ცხელი დღეებითა და უფრო ცხელი ღამეებით, რთული სასიყვარულო ურთიერთობებითა და ოჯახური დრამებით.
მეორე სეზონი ოდნავ სევდიან ნოტაზე დასრულდა. ქერიმ მეგობრებისთვის გამოსამშვიდობებელი „ბოლო ვახშამი“ მოაწყო, რადგან პერსონაჟმა Upper East Side-ის ლეგენდარული ბინა დატოვა. თუმცა უფრო დიდი გულისტკივილი მისი ეიდენთან (ჯონ კორბეტი) დაშორება იყო. მიუხედავად იმისა, რომ წყვილის გზები წლების შემდეგ კვლავ გადაიკვეთა, ეიდენმა ურთიერთობისგან შესვენების აღება გადაწყვიტა, რადგან ვირჯინიაში მცხოვრები უმცროსი შვილისთვის მეტი დრო დაეთმო.
ქერი ისევ მარტოხელაა, თუმცა ერთგული მეგობრები კვლავ მის გვერდით არიან და მწერლობის კარიერაც წინ მიიწევს.
ახალი ტრეილერი მიგვანიშნებს, რომ ეიდენი ჯერ კიდევ ქერის ცხოვრებაშია — ნაწილობრივ მაინც. ის ჩნდება ქერის ახალ სახლში (რომელიც სხვა უბანში მდებარეობს და თაგვებითაა სავსე...) და ვირჯინიიდან საფოსტო ბარათებსაც აგზავნის.
ქერის ახალი მეგობარი სიმაც რომანტიკულ თავგადასავალშია. ტრეილერში ჩანს, თუ როგორ ემზადება ის ყოველ დღე ახალ-ახალი პაემნისთვის. მირანდა ახლად გაცნობილ ქალთან ურთიერთობისა და გრძნობების გარკვევას ცდილობს, შარლოტი კი მოზარდების დრამებშია გახვეული.
შოუს შემქმნელის, მაიკლ პატრიკ კინგის თქმით, სეზონის საკვანძო სიტყვაა „ახალი“. ამიტომ ველით ახალ ურთიერთობებს, ახალ სახეებსა და ახალ ენერგიას. რამდენიმე ნაცნობი სახე ამ სეზონში აღარ გამოჩნდება. მაგალითად, სარა რამირესმა (ჩე დიაზი) ოფიციალურად დატოვა შოუ და კარენ პიტმანიც (ნაია უოლესი) გამოაკლდა მესამე სეზონს.
ახალ სახეებს შორის კი არიან როზი ო’დონელი, კრისტენ შაალი, მეჰკად ბრუკსი, ჯონათან ქეიქი და ლოგან მარშალ-გრინი. ბროდვეის ლეგენდა პატი ლაპონი სეზონში პერიოდულად გამოჩნდება, ხოლო როზმარი დევიტი კვლავ ეიდენის ყოფილი ცოლის როლს ითამაშებს. ტრეილერში არსადაა ნახსენები კიმ კარტელის სამანთა ჯონსი და შესაძლოა ის საერთოდ ვერ ვიხილოთ.
ტრეილერის მიხედვით, მესამე სეზონში ტემპერატურა იწევს — პირდაპირი და გადატანითი მნიშვნელობით. პირველი სერიის ნახვა 29 მაისს იქნება შესაძლებელი, ეპიზოდები ყოველკვირეულად გამოვა, ფინალი ki 14 აგვისტოსაა დაგეგმილი.
ტეილორ სვიფტისა და ტრევის კელსის ქორწილი Madison Square Garden-ში გაიმართა. ორდღიანმა ღონისძიებამ ნიუ-იორკი ვარსკვლავური სტუმრებისა და გულშემატკივრების ყურადღების ცენტრში მოაქცია.
2026 წლის ნახევარი თითქმის გასრულდა და დიდ ეკრანებზე უკვე ვიხილეთ ისეთი ფილმები, როგორებიცაა The Devil Wears Prada 2 თუ Toy Story 5. ახლა კი, როდესაც წლის პირველი ნახევარი თითქმის დასრულდა, გადავხედოთ იმ ყველაზე მნიშვნელოვან კინოპრემიერებს, რომლებიც 2027 წლამდე გველოდება.
11-12 ივლისს კიკეთის ფერმა „მუსიკალურ დღეებს“ უმასპინძლებს. ცოცხალი მუსიკის, ბუნების, გემრიელი კერძებისა და გასართობი აქტივობების წყალობით, ფესტივალი საუკეთესო მიზეზია, უქმე დღეები კიკეთის ფერმის სიმწვანეში გავატაროთ.
