ჯუდ ლოუ თანამედროვე მსოფლიოს ერთ-ერთი ყველაზე დიდი ბოროტმოქმედის, რუსეთის პრეზიდენტის, როლისთვის ემზადება. ვლადიმერ პუტინის როლს ინგლისელი მსახიობი ფრანგი რეჟისორისა და სცენარისტის, ოლივიე ასაიასის , პოლიტიკურ ტრილერში შეასრულებს.
ოსკაროსან ჯუდ ლოუს მეორეხარისხოვან როლში ვიხილავთ. ფილმს The Wizard of the Kremlin ჰქვია და პოსტსაბჭოთა პოლიტიკური სამყაროსა და პუტინის აღზევებაზე მოგვითხრობს. ჯუდ ლოუს ჯერ არ დაუწყია როლისთვის მზადება და ამბობს, რომ ეს გამოწვევა „ევერესტის დალაშქვრის ტოლფასია“. ფილმი ძირითადად ჯულიანო და ემპოლის ამავე სახელწოდების ბესტსელერს ეფუძნება.
სიუჟეტი 1990-იან წლებში, საბჭოთა კავშირის ნგრევით გამოწვეულ ქაოსს მიუყვება. სათაურში ნახსენები „ჯადოქარი“ წიგნის პროტაგონისტია და ის არა პუტინი, არამედ ვადიმ ბარანოვი გახლავთ.
ფილმისა და წიგნის მთავარი გმირი ვადიმ ბარანოვია, რომლის როლშიც პოლ დანოს ვიხილავთ.
ახალგაზრდა ბარანოვი პუტინის მრჩეველი ხდება და ახალ პოლიტიკურ ფიგურას საჯარო იმიჯის ჩამოყალიბებაში ეხმარება. ამ მისიის შესასრულებლად, ბარანოვი სიმართლეს ომს უცხადებს და ხალხის პროპაგანდით „გამოკვება“ მისი დირიჟორობით იწყება.
ვადიმ ბარანოვი ფიქციური პერსონაჟია, თუმცა მას ბევრი საერთო აქვს რუს პოლიტიკოს ვლადისლავ სურკოვთან. მისი უცნაური პროფილი და წარსული ხშირად გამხდარა დისკუსიის საგანი. The New York Times-მა მას რუსეთის „ყველაზე დამაინტრიგებელი ფიგურა“ უწოდა.
ფილმი მძიმე პოლიტიკური ტრილერი იქნება, რომელშიც ძალაუფლებასა და მორალურ სიმართლეს შორის გაჭედილ ადამიანებს ვიხილავთ. ჯუდ ლოუსა და პოლ დანოს გარდა ეკრანზე გამოჩნდებიან Alicia Vikander-ი, Zach Galifianakis-ი, Tom Sturridge-ი.
ჯუდ ლოუსთვის ეს არ იქნება პირველი შემთხვევა, როცა მსოფლიოში ცნობილი ლიდერის როლს მოირგებს. მისი კარიერა უკვე მოიცავს პაპ პიუს XII-ისა და ჰენრი VIII-ის განსახიერებას.
The Wizard of the Kremlin-ის გამოსვლის ოფიციალური თარიღი ჯერ უცნობია, თუმცა თამამად შეგვიძლია ვივარაუდოთ, რომ უახლეს მომავალში ეს ფილმი ერთ-ერთი ყველაზე განხილვადი გახდება.
მაისის სამი დღის განმავლობაში აზერბაიჯანის დედაქალაქი იქცევა მოდის, ხელოვნებისა და ტექნოლოგიების საერთაშორისო პლატფორმად, სადაც დიზაინერები და კრეატიულ ინდუსტრიებთან დაკავშირებული ადამიანები შეხვდებიან ერთმანეთს.
Sex And the City-ს სპინოფი And Just Like That მესამე სეზონით ბრუნდება და მანჰეტენის თავგადასავლებში გვეპატიჟება. სეზონის პრემიერა 29 მაისს პლატფორმა Max-ზე შედგება. წინ გველის 12 ეპიზოდი — სავსე ზაფხულის ცხელი დღეებითა და უფრო ცხელი ღამეებით, რთული სასიყვარულო ურთიერთობებითა და ოჯახური დრამებით.
ჰარი პოტერის სერიალის პირველი ვარსკვლავური შემადგენლობა უკვე ცნობილია. ნახეთ, ვინ შეასრულებს დამბლდორის, სნეიპის, ჰაგრიდისა თუ მაკგონაგელის როლებს ახალ ეკრანიზაციაში.
