ყველგან და ყოველთვის, დეტალები ძალიან მნიშვნელოვანია. ადამიანები ნებისმიერ გამოცდილებას დიდი ყურადღებით ვაკვირდებით და იმ მომენტშივე ვხვდებით, დავბრუნდებით თუ არა ამ ადგილას მომავალში. პრემიუმ ბრენდებმა ეს ყველაზე კარგად იციან და შესაბამისადაც მოქმედებენ. ამის მაგალითია ფრანგული მოდის სახლისა და ავიაკომპანია Air France-ის საგაზაფხულო კოლაბორაცია.
Air France-მა ახლახან წარადგინა La Première-ის, ანუ პირველი კლასის კაბინები, სადაც მგზავრებს მოდის სახლ Jacquemus-ის მიერ შექმნილი უნიკალური პიჟამები დახვდებათ. პიჟამები სტანდარტული ერთი ზომის ნაცვლად, ოთხ ზომაშია (S-დან XL-მდე) წარმოდგენილი და მგზავრებს ორი ფერის – ფრანგული წითელი და ლურჯი – სამოსის არჩევანი აქვთ. სამოსზე ამოქარგულია Air France-ისა და La Première-ის ემბლემები, ხოლო პიჟამების ჩასადებად წითელი პოპლინის ჩანთაა შექმნილი.
მგზავრებს ასევე დახვდებათ Dumas Paris-ის ბალიშები და გადასაფარებლები, Sisley-ის პროდუქტებისგან შემდგარი ნაკრები და ექსკლუზიური კოქტეილები, რომლებიც სპეციალურად Air France-ისთვის მატიას ჟირუმ შექმნა.
ეს ინიციატივა Air France-ის პრემიუმ სერვისების გაუმჯობესების ნაწილია. განახლებული La Première კაბინა 5 ფანჯრიან სიუიტებს მოიცავს, კომფორტული სავარძლითა და ლოგინით. ცენტრში მდებარე სიუიტებს აქვთ ელექტრონული ტიხრები, რომლებიც სრულ სიმშვიდესა და ინტიმურ გარემოს უზრუნველყოფენ.
მოდის სახლებისა და ავიაკომპანიების კოლაბორაციები სიახლე არ არის. ჯერ კიდევ 1962 წელს Dior-მა Air France-ის ეკიპაჟის ფორმები შექმნა, ხოლო 1960-იანი წლების ბოლოს Cristobal Balenciaga-მაც წარადგინა საკუთარი დიზაინი. თუმცა, 2025 წელს Jacquemus ქმნის სრულიად ახალ ისტორიას, რადგან პირველად ხდება, როცა მაღალი მოდის სახლი მგზავრებისთვის კომფორტულ სამოსს კერავს. ეს არის პირველი შემთხვევა, როდესაც ავიაკომპანია საკუთარ მგზავრებს ასეთი მაღალი ხარისხის სამოსს სთავაზობს.
ოსკაროსანი რეჟისორი სემ მენდესი ბრიტანული როკ ჯგუფის ისტორიის მოყოლას ოთხი დამოუკიდებელი ფილმის მეშვეობით გეგმავს. საინტერესო კინო მარათონისთვის მზადება უკვე დაწყებულია და მთავარი როლის შემსრულებლების სიაც ცნობილია.
ფრანგული მოდის სახლი შარლოტ პერიანის ოთხ გამორჩეულ დიზაინს აცოცხლებს. ავეჯის ლიმიტირებული კოლექცია 8-13 აპრილს მილანის დიზაინის კვირეულზე იქნება გამოფენილი.
თბილისის წიგნის ბაზრობა 10-13 აპრილს ექსპო ჯორჯიაში გაიმართება. გამომცემლობა „ინტელექტი“ წიგნის მოყვარულებისთვის საინტერესო სიახლეების მზადებაშია.
