ჩვენს გულებში გიორგი მამარდაშვილი უკვე გახდა წლის და მეტიც, საუკუნის საუკეთესო მეკარე. ქართველი ფეხბურთელის ნიჭი უკვე მსოფლიომაც აღიარა. დღევანდელი საღამო კი, მამარდაშვილის კარიერაში მორიგი ისტორიული მოვლენაა, რადგან ქართველი სპორტსმენი წლის საუკეთესო მეკარის წოდებისთვის იბრძვის.
დღეს საღამოს, პარიზში, Ballon D'or-ის დაჯილდოება გაიმართება. საუკეთესო მეკარის ტიტულისთვის მებრძოლ ნომინანტებს შორისაა გიორგი მამარდაშვილი. დაჯილდოება 22:00 საათზე დაიწყება და მოვლენებისთვის თვალის დევნება Setanta Sport-ის პლატფორმაზეა შესაძლებელი.
პარიზშია უკვე საბა საპანაძეც, aka Geo Team, რომელიც მამარდასთან ერთად მოვლენების თანამონაწილეს გაგვხდის.
მანამ, სანამ მეკარეებისთვის ცალკე ნომინაცია დაწესდებოდა, "ოქროს ბურთი" მხოლოდ ერთ მეკარეს, ლევ იაშინს ჰქონდა მოპოვებული, შესაბამისად, გუნდის კარის მცველების წვლილისა და ღვაწლის აღიარებისთვის, სპორტულმა გამოცემა France Football-მა ახალი ნომინაცია დააწესა, რომელიც ლევ იაშინის სახელს ატარებს. Yashin Trophy-ს წლის საუკეთესო მეკარე აიღებს.
2024 წლის ნომინანტთა სიაში საქართველოს ეროვნული ნაკრების წევრი რეალის, პარი სენ-ჟერმენის, ატლეტიკოს, მილანის და სხვა წამყვანი კლუბის მეკარეების გვერდით საპატიო ადგილს იკავებს. სხვათა შორის, 2019 წელს პირველი Yashin Trophy ლივერპულის მეკარემ, ბრაზილიელმა ალისონ ბეკერმა დაიმსახურა.
ჟიურის წევრები ყურადღებას მიაქცევენ მეკარის ტექნიკურ უნარებს, რეფლექსებს, არეალის კონტროლს და რა თქმა უნდა, სეივებს, რომლებმაც მეკარის გუნდი გადაარჩია.
ფოტოები: ეროვნული ნაკრები/ გიორგი მამარდაშვილი.
2025 წლის ოსკარების ყველაზე მნიშვნელოვანი გამარჯვებები და დაუვიწყარი მომენტები – Anora-ს ტრიუმფი, მაიკი მედისონის და ედრიენ ბროუდის გამარჯვებები, ტექნიკური კატეგორიების ლიდერი Dune: Part Two და სხვა საინტერესო დეტალები.
თებერვალი სერიალების მოყვარულებისთვის საუკეთესო თვე გამოდგა. სტრიმინგ პლატფორმებზე გამოჩნდა დრამა, კომედია, საკულტო შოუების ახალი სეზონები და საინტერესო ეკრანიზაციები. ამ სტატიაში საუკეთესო პრემიერების სია მოგიმზადეთ, რომლებიც არ უნდა გამოტოვოთ.
წლევანდელ SAG Awards-ზე „Lifetime Achievement“-ის ჯილდო ჯეინ ფონდამ დაიმსახურა. პრიზების გარეშე არ დარჩენილან ტიმოთი შალამე, დემი მური თუ ზოი სალდანა. წაიკითხეთ დაჯილდოების მთავარ მომენტებზე ჩვენს სტატიაში.
