ქართველ დიზაინერს, დემნა გვასალიას, საფრანგეთის კულტურის მინისტრმა რაშიდა დათიმ პრესტიჟული წოდება - „ხელოვნებისა და ლიტერატურის ორდენის რაინდის“ ტიტული მიანიჭა. ცერემონია პარიზში, ისტორიულ Palais de la Porte-Dorée-ში გაიმართა.
დემნა, როგორც Balenciaga-ს კრეატიული დირექტორი და Vetements-ის თანადამფუძნებელი, თანამედროვე მოდის სფეროს ერთ-ერთი ყველაზე გავლენიანი ფიგურაა. მისი ინოვაციური დიზაინები და უნიკალური ხედვა საერთაშორისო დონეზეა აღიარებული.
ქართველ დიზაინერს უკვე მიღებული აქვს არაერთი ჯილდო, მათ შორის: CFDA Fashion Awards-ის საერთაშორისო ჯილდო Vetements-ისა და Balenciaga-სთვის (2017) და Fashion Awards-ის წლის აქსესუარების დიზაინერის ჯილდო (2018). 2021 წლის სექტემბერში, საქართველოს საზღვრებს გარეთ პოპულარიზაციის საქმეში შეტანილი განსაკუთრებული წვლილისთვის, საქართველოს პრეზიდენტმა სალომე ზურაბიშვილმა დემნას ღირსების ორდენიც მიანიჭა.
საფრანგეთის კულტურის სამინისტროსგან მიღებული ჯილდო დემნასთვის განსაკუთრებულ მნიშვნელობას ატარებს.
„ამ ქალაქში ჩამოვედი ოცნებით, რომ გავმხდარიყავი დიზაინერი. ვერ წარმოვიდგენდი, რომ პარიზი ჩემი სახლი გახდებოდა. ხშირად მიფიქრია, რომ ჩემი შემოქმედება ან არ ესმოდათ, ანდაც არასწორ ინტერპრეტაციას უკეთებდნენ მას, მაგრამ დღეს ეს იცვლება და ძალიან ბედნიერი ვარ",- დემნა გვასალია.
დემნას ეს ჯილდო Balenciaga-ს კრეატიული დირექტორობის 10 წლის იუბილეს დაემთხვა. უდავოა, რომ ამ დროის განმავლობაში, დემნამ ბრენდის იდენტობა სრულიად გარდაქმნა და თავისი ხედვითა და ინოვაციებით გაამდიდრა.
დემნამ მთელი მსოფლიო ქართული თემატიკის სამოსში გამოაწყო და არც ერთი გლობალური ცერემონია ისე არ ჩაივლის, რომ Balenciaga-ს ან Vetement-ის ნამუშევრები წითელ ხალიჩაზე არ ვიხილოთ. ის პირველი ქართველი დიზაინერია, რომელიც საფრანგეთში ასეთი მნიშვნელობის ჯილდოს მფლობელი გახდა.
ტეილორ სვიფტისა და ტრევის კელსის ქორწილი Madison Square Garden-ში გაიმართა. ორდღიანმა ღონისძიებამ ნიუ-იორკი ვარსკვლავური სტუმრებისა და გულშემატკივრების ყურადღების ცენტრში მოაქცია.
2026 წლის ნახევარი თითქმის გასრულდა და დიდ ეკრანებზე უკვე ვიხილეთ ისეთი ფილმები, როგორებიცაა The Devil Wears Prada 2 თუ Toy Story 5. ახლა კი, როდესაც წლის პირველი ნახევარი თითქმის დასრულდა, გადავხედოთ იმ ყველაზე მნიშვნელოვან კინოპრემიერებს, რომლებიც 2027 წლამდე გველოდება.
11-12 ივლისს კიკეთის ფერმა „მუსიკალურ დღეებს“ უმასპინძლებს. ცოცხალი მუსიკის, ბუნების, გემრიელი კერძებისა და გასართობი აქტივობების წყალობით, ფესტივალი საუკეთესო მიზეზია, უქმე დღეები კიკეთის ფერმის სიმწვანეში გავატაროთ.
