Hugo Boss-ის შემოდგომა-ზამთრის სარეკლამო კამპანიას დევიდ ბექჰემი წარადგენს.
მაისში ბრიტანელმა ფეხბურთის ლეგენდამ Hugo Boss-თან მრავალწლიანი პარტნიორობის კონტრაქტი გააფორმა. Hugo Boss-ის განცხადების თანახმად, მომავალი სეზონების განმავლობაში დევიდ ბექჰემის შექმნილ კოლექციებს უნდა ველოდოთ. კურატორის ამპლუაშიც ბექჰემი მოგვევლინება. მომავალი კოლექციები როგორც ყოველდღიურ, ისე მამაკაცის ფორმალურ სამოსს მოიცავს.
ბექჰემის თქმით, ბოლო წლებია მოდის სამყაროში მეტი დროისა და ენერგიის ჩადება და გავლენიან ბრენდებთან თანამშრომლობა სურდა. "BOSS-თან კოლაბორაცია ძალიან მსიამოვნებს. ამ ბრენდის გუნდის კრეატიულობამ, ამბიციამ და სურვილმა, იყოს საუკეთესო, ნამდვილად გამაოცა" - ამბობს დევიდ ბექჰემი.
"დევიდ ბექჰემი არამხოლოდ სპორტში, არამედ მოდის სამყაროში აღიარებული ფიგურაა"
ეს სიტყვები Hugo Boss-ის აღმასრულებელი დირექტორს, დენიელ გრიდერის ეკუთვნის. დენიელის აზრით, ბექჰემის პიროვნული თვისებები ბრენდის სულისკვეთებასა და ფილოსოფიას იდეალურად ერგება და მათი თანამშრომლობა საინტერესო შედეგსაც გამოიღებს.
სანამ ბექჰემის კოლექციებს ვიხილავდეთ, მანამდე Hugo Boss-ის საშემოდგომო კამპანიაზე მოგიყვებით. ბექჰემთან ერთად, სარეკლამო კამპანიაშია ნიგერიელი მომღერალი Burna Boy და სამხრეთ კორეელი მსახიობი და მოდელი Lee Jong-Suk მონაწილეობენ. Hugo Boss-ის წარმდგენი იქნება იტალიელი ჩოგბურთელი Matteo Berrettini, რომელიც ბრენდის საათების, სამკაულისა და სათვალეების კოლექციებს წარადგენს. ბრენდის სახედ ბრუნდება ბრაზილიელი სუპერმოდელი ჟიზელ ბუნდჰენი, რომელსაც გვერდს ნაომი კემპბელი დაუმშვენებს.
ამ სეზონზე ბრენდმა "Be Your Own Boss"-ის კამპანია ახალი სლოგანით - It’s for Life განაახლა. კამპანიის მიზანია, ხალხს მოუწოდოს, მთელი ცხოვრების მანძილზე საკუთარი პრინციპების ერთგულნი დარჩნენ. კამპანია სოციალურ ქსელებში ოფიციალურად ოთხშაბათს დაიწყება. პარალელურად 15 უდიდეს ქალაქში ბოსისა და მის პარტნიორ მაღაზიებში შემოდგომის კოლექციაც გაყიდვაში ჩაეშვება.
მაისის სამი დღის განმავლობაში აზერბაიჯანის დედაქალაქი იქცევა მოდის, ხელოვნებისა და ტექნოლოგიების საერთაშორისო პლატფორმად, სადაც დიზაინერები და კრეატიულ ინდუსტრიებთან დაკავშირებული ადამიანები შეხვდებიან ერთმანეთს.
Sex And the City-ს სპინოფი And Just Like That მესამე სეზონით ბრუნდება და მანჰეტენის თავგადასავლებში გვეპატიჟება. სეზონის პრემიერა 29 მაისს პლატფორმა Max-ზე შედგება. წინ გველის 12 ეპიზოდი — სავსე ზაფხულის ცხელი დღეებითა და უფრო ცხელი ღამეებით, რთული სასიყვარულო ურთიერთობებითა და ოჯახური დრამებით.
ჰარი პოტერის სერიალის პირველი ვარსკვლავური შემადგენლობა უკვე ცნობილია. ნახეთ, ვინ შეასრულებს დამბლდორის, სნეიპის, ჰაგრიდისა თუ მაკგონაგელის როლებს ახალ ეკრანიზაციაში.
