ძვირფასო მკითხველო, ინგლისური არისტოკრატიის ცხოვრებაში ინტრიგებისა და სიყვარულის მორიგი სეზონი იწყება. სანამ გარეთ ზამთრის სუსხი მძვინვარებს, ბრიჯერტონების სამყაროში ვნებები ახლა იწყებს დუღილს. Netflix-მა 2026 წლის ერთ-ერთი ყველაზე მნიშვნელოვანი პრემიერა უკვე დააანონსა და ცნობილი გახდა, რომ სერიალის მეოთხე სეზონი ორ ნაწილად გამოვა: პირველ ეპიზოდებს მაყურებელი 29 იანვარს იხილავს, დასკვნით ნაწილს კი 26 თებერვალს.
ამჯერად ყურადღების ცენტრში ოჯახის მეორე ვაჟი, თავისუფლებისმოყვარული და ბოჰემური ბენედიქტ ბრიჯერტონი (ლუკ ტომპსონი) მოექცევა. მიუხედავად იმისა, რომ ბენედიქტი ყოველთვის გაურბოდა ქორწინებას, დადგა დრო, თავადაც გამოცადოს ის სიყვარული, რომელიც ოჯახის შექმნაზე დააფიქრებს, თუმცა ეს გზა იდუმალებით, სოციალური ბარიერებითა და დიდი მონატრებით იქნება სავსე.
ნიღბის მიღმა ყველაფერი შესაძლებელია.
მე-4 სეზონი ჯულია ქუინის მესამე წიგნს „ჯენტლმენის შეთავაზება“ ეფუძნება. სიუჟეტი ბენედიქტის გარშემო ვითარდება, რომლის ცხოვრებაც რადიკალურად იცვლება დედამისის მიერ გამართულ მეჯლისზე. სწორედ აქ ხვდება იგი მომხიბვლელ უცნობს, რომელსაც ყველა „ვერცხლისფერკაბიან ლედიდ“ მოიხსენიებს.
იდუმალი ქალბატონი სინამდვილეში სოფი ბეკია (იერინ ჰა) – მოახლე, რომელიც სასტიკი დედინაცვლის ტყვეობაშია. ახალი სეზონი მაღალი საზოგადოების „კულისებს“ დაგვანახებს და კონკიას კლასიკურ ზღაპარს მე-19 საუკუნის სოციალურ რეალობასთან გააერთიანებს. ამ სეზონის მთავარი წყვილის როლებში ლუკ ტომპსონი (ბენედიქტი) და იერინ ჰა (სოფი ბეკი) მოგვევლინებიან. ასევე ვიხილავთ ახალ პერსონაჟს, ქეითი ლიუნგის განსახიერებით.
ფანტაზიას შეუძლებელი შეუძლია რეალობად აქციოს.
გამოჩნდებიან ენტონი (ჯონათან ბეილი) და ქეითი (სიმონ ეშლი), ასევე ვიხილავთ პენელოპასა და კოლინს, რომლებიც უკვე მშობლების როლს ირგებენ, და ელოიზასა და ფრანჩესკას, რომელთა პირადი ისტორიებიც სულ უფრო საინტერესო ხდება. როგორც ვიცით, ეს სეზონი განსაკუთრებით ემოციური და ვიზუალურად შთამბეჭდავი იქნება. სიუჟეტის ცენტრალური მოვლენა, ნიღბების მეჯლისი, მაყურებლისთვის კოსტიუმების დაუვიწყარ შოუდ იქცევა. ამასთან, უკეთ გავიცნობთ ბენედიქტის შინაგან სამყაროსა და ბუნებას.
გადაღებები 2025 წლის ივნისში დასრულდა, პირველი თიზერი Netflix-მა შობის დღესასწაულზე გამოაქვეყნა, ჩვენ კი, იანვრის ბოლოს დაველოდოთ.
Cover Photo: Liam Daniel/ Netflix
ტეილორ სვიფტისა და ტრევის კელსის ქორწილი Madison Square Garden-ში გაიმართა. ორდღიანმა ღონისძიებამ ნიუ-იორკი ვარსკვლავური სტუმრებისა და გულშემატკივრების ყურადღების ცენტრში მოაქცია.
2026 წლის ნახევარი თითქმის გასრულდა და დიდ ეკრანებზე უკვე ვიხილეთ ისეთი ფილმები, როგორებიცაა The Devil Wears Prada 2 თუ Toy Story 5. ახლა კი, როდესაც წლის პირველი ნახევარი თითქმის დასრულდა, გადავხედოთ იმ ყველაზე მნიშვნელოვან კინოპრემიერებს, რომლებიც 2027 წლამდე გველოდება.
11-12 ივლისს კიკეთის ფერმა „მუსიკალურ დღეებს“ უმასპინძლებს. ცოცხალი მუსიკის, ბუნების, გემრიელი კერძებისა და გასართობი აქტივობების წყალობით, ფესტივალი საუკეთესო მიზეზია, უქმე დღეები კიკეთის ფერმის სიმწვანეში გავატაროთ.
