11 წლის ანდრია ფუტკარაძე რიგით 22-ე საბავშვო ევროვიზიის გამარჯვებულია. ანდრიამ კონკურსის სცენაზე სიმღერა "დედას" შეასრულა და 12 ევროპული ქვეყნისგან უმაღლესი 12 ქულა დაიმსახურა.
საქართველო გუშინდელი გამარჯვებით საბავშვო ევროვიზიის რეკორდსმენი ქვეყანა ხდება. ანდრია უკვე მეოთხე ქართველია, რომელმაც უპირობო ტრიუმფი მოიპოვა. მომავალ წელს კონკურსს საქართველო უმასპინძლებს.
მადრიდის სცენაზე სულ 17 ქვეყნის წარმომადგენელმა იმღერა. ანდრიამ ყველაზე მეტი, 239 ქულით პორტუგალიისა და უკრაინის მონაწილეებს გადაასწრო და პირველი ადგილიც დაიმსახურა.
"ამ გამარჯვებას ვუძღვნი მთლიან საქართველოს, ჩემს ქვეყანას და ყველა დედას"- ამბობს ანდრია გამარჯვების შემდეგ.
ანდრია ქართული საბავშვო კონკურსის, "რანინას" აღმოჩენა, გამარჯვებული და ევროვიზიის საგზურის მფლობელია, რომელმაც ქართული სიმღერით, საქართველოს მეოთხე გამარჯვება მოუტანა.
სცენაზე ანდრიასთან ერთად გაბრიელ მაჩაბლის შესრულებაც ვიხილეთ. გაბრიელი მოცეკვავეა და ევროვიზიის სცენაზე მუსიკალური ნომერი თავისი ცეკვით გააფორმა.
Victoria’s Secret-ის 2025 წლის შოუ ნიუ-იორკში, 15 ოქტომბერს გაიმართება. ფერადი ფრთებით, ნოსტალგიური ელემენტებითა და ახალ ენერგიით სავსე პოდიუმზე ვიხილავთ ლეგენდარულ მოდელებსა და ახალ სახეებს, მათ შორის მატილდა გვარლიანს.
ლეგენდარული Ocean’s Eleven-ის ვარსკვლავები ეკრანებზე ბრუნდებიან. ჯორჯ კლუნი ადასტურებს, რომ Ocean’s 14-ის გადაღებები რამდენიმე თვეში დაიწყება. ამასთან, Warner Bros-ი Ocean’s-ის პრიქველზეც იწყებს მუშაობს, სადაც მარგო რობისა და ბრედლი კუპერს ვიხილავთ.
პოპვარსკვლავი და მსახიობი სელენა გომესი და მუსიკალური პროდიუსერი ბენი ბლანკომ 27 სექტემბერს სანტა-ბარბარაში დაქორწინდნენ. ინტიმურ ცერემონიას 170 სტუმარი ესწრებოდა.
