პარიზში პარალიმპიური თამაშები ოფიციალურად გაიხსნა. პირველივე დღეს, საქართველოს სახელით მოასპარეზე ანა ჯაფარიძემ ბრინჯაოს მედალი მოიპოვა.
ქართველი პარატაეკვონდოისტები პარალიმპიადაზე პირველად ასპარეზობენ. ქართული დელეგაციის ყველაზე ახალგაზრდა წევრი ანა ჯაფარიძე პარატაეკვონდოისტია, რომელმაც მსოფლიო მასშტაბის შეჯიბრებაზე დებიუტი წარმატებით დააგვირგვინა. მესამე ადგილისთვის ბრძოლაში ანამ ეგვიპტელი პარასპორტსმენი დაამარცხა და საქართველოს პირველი მედალი მოუპოვა.
დაჯილდოების ცერემონიაზე ანას კუთვნილი ჯილდო ცნობილმა მსახიობმა, ჯეკი ჩანმა გადასცა. პირველი შეხვედრა ქართველ პარასპორტსმენს აშშ-ს წარმომადგენელთან ჰქონდა, მეოთხედფინალში ვიცე-ჩემპიონი მერიემ ბეთულ ჩავდარი დაამარცხა, ნახევარფინალში კი ირანელ პარასპორტსმენთან დამარცხდა.
ანა ჯაფარიძე ქართველი პარასპორტსმენების გზას ღირსეულად აგრძელებს და რიგით მესამე ხდება, რომელმაც პარალიმპიადაზე მედლის მოპოვება შეძლო. ტოკიოს თამაშებიდან ნინა თიბილაშვილი და ინა ქალდანი სახლში ვერცხლის მედლებით დაბრუნდნენ. ანა კი ისტორიაში პირველად, პარალიმპიადიდან ბრინჯაოს მედლით დაგვიბრუნდა.
„უკეთესი შედეგის მიღწევაც შემეძლო, მაგრამ ამჯერად ბრინჯაოს მედალს დავკმაყოფილდები, უკეთესი შედეგებისთვის კი მომავალში ვიბრძოლებ. მინდა, ეს ჯილდო ჩვენი ტაეკვანდოს კლუბის პატარა წევრს, ლუკა ლაშხს მივუძღვნა, რომელიც ახლა საავადმყოფოშია. ჩვენი გუნდის სხვა წევრებს ვუსურვებ დიდ წარმატებას და საქართველოს სახელისა და დროშის მაღლა აწევას“ - ამბობს ანა პირველ არხთან ინტერვიუში.
ანა საქართველოს მთავრობისგან დაპირებულ პრიზს - 250 000 ლარს მიიღებს.
მაისის სამი დღის განმავლობაში აზერბაიჯანის დედაქალაქი იქცევა მოდის, ხელოვნებისა და ტექნოლოგიების საერთაშორისო პლატფორმად, სადაც დიზაინერები და კრეატიულ ინდუსტრიებთან დაკავშირებული ადამიანები შეხვდებიან ერთმანეთს.
Sex And the City-ს სპინოფი And Just Like That მესამე სეზონით ბრუნდება და მანჰეტენის თავგადასავლებში გვეპატიჟება. სეზონის პრემიერა 29 მაისს პლატფორმა Max-ზე შედგება. წინ გველის 12 ეპიზოდი — სავსე ზაფხულის ცხელი დღეებითა და უფრო ცხელი ღამეებით, რთული სასიყვარულო ურთიერთობებითა და ოჯახური დრამებით.
ჰარი პოტერის სერიალის პირველი ვარსკვლავური შემადგენლობა უკვე ცნობილია. ნახეთ, ვინ შეასრულებს დამბლდორის, სნეიპის, ჰაგრიდისა თუ მაკგონაგელის როლებს ახალ ეკრანიზაციაში.
