უელსის პრინცესას სტილმა მნიშვნელოვანი გავლენა მოახდინა მოდის ინდუსტრიაზე. ყოველი მისი გამოჩენა საზოგადოებაში 1980-იან და 1990-იან წლებში, მოდისა და სტილის ნამდვილი ზეიმი იყო. დიანა სამოსის შერჩევისას ითვალისწინებდა სამეფო ოჯახის მოთხოვნებს, იმ ეპოქისთვის პოპულარულ თანამედროვე ტრენდებსაც ადევნებდა თვალს და ქმნიდა საკუთარ, განუმეორებელ სტილს, რომელმაც ათ წლეულებს გაუძლო. სწორედ ამიტომ, მნიშვნელოვანია ტრენდების გათვალისწინებისას საკუთარი ინდივიდუალობა შევინარჩუნოთ. ტრენდები გარდამავალია, სტილი კი სამუდამო!
TheDiary-ს რედაქცია წარმოგიდგენთ პრინცისა დიანას ინსპირაციით შერჩეულ საზაფხულო ლუქებს:
Yellow Submarine
დიანამ ყვითლის ყველაზე ღია ტონალობის კომბინეზონს ოქროსფერი აქსესუარები შეუხამა. მათ შორის ქამარიც ოქროსფერია. პატარა ზომის საათი, რომელიც პრინცესას მაჯას ამშვენებს, 2024 წლის ყველაზე ტრენდული აქსესუარია.
Tropical Vibes
შავისა და თეთრის შეხამება - კლასიკაა, დამატებითი აქსესუარებით ან პრინტით კი თქვენი სამოსი შეგიძლიათ Chic გახადოთ.
Here I Go Again
ზოგჯერ ჯინსი და სადა, თეთრი პერანგი ან მაისურიც საკმარისია რომ Iconic ლუქი შექმნათ. პრინცესა დიანას მსგავსად, თქვენც შეგიძლია აქსესუარები მაქსიმალურად შეზღუდოთ, ან პირიქით, მასიური ყელსაბამი ან სამაჯური შემატოთ ლუქს. სწორად შერჩეული აქსესუარი არასდროს არ არის ზედმეტი.
California Dreamin'
2024 წელს მუხლებზე გადაჭრილი შარვალი acca კაპრი კვლავ ტრენდშია. Thediary-ს რედაქციისთვის პრინცესა დიანას ეს ლუქი, რომელიც 1983 წელს ემოსა, არის Iconic. წითლის, შავი კაპრის, დაბალ ქუსლზე წითელი ფერის ფეხსაცმლისა და ვარცხნილობის შეხამება იდეალურ Fashion მომენტს ქმნის.
Summertime Blues
ცისფერი კვლავ მოდაშია და განსაკუთრებით კი Baby Blue. მე-21 საუკუნის 30-იანების ტრენდის მიხედვით ამ ლუქს თეთრი სანდლების ნაცვლად თეთრ სპორტულ ან ბალეტის ფეხსაცმელს შევუხამებდით და Voilà!
Walking on Sunshine
მონოქრომული ფერები ყოველთვის უსაფრთხოა, თუმცა აქსესუარებისა და სამკაულების სწორი შერჩევით, ერთი შეხედვით სრულიად არაფრით გამორჩეული ლუქი, შესაძლოა მოდის ჟურნალების ყველაზე განხილვად გვერდებზეც მოექცეს.
Kokomo
საცურაო კოსტიუმი ლეოპარდის პრინტით პრინცესა დიანას სინონიმია. თუკი დიანას მსგავსად ყურადღების მიპყრობის არ გეშინიათ, მაშინ თამამი და უნიკალური პრინტები თქვენი შესაფერია.
დღეს, ჩვენი რედაქცია შემოდგომის ლუქების შთაგონებას გთავაზობთ. ტემპერატურის დაცემასთან ერთად, დროა, გარდამავალი სეზონის ლუქებზე ფიქრიც დავიწყოთ. სეზონის სტილის განუყოფელი ნაწილი კი კაბისა და ჩექმების მარტივი და ელეგანტური კომბინაციაა.
მოდის ისტორიაში არმანის სახელი განსაკუთრებულ ადგილს იკავებს. ის იმ დიზაინერთა შორისაა, რომლებმაც ეპოქის მიმართულება შეცვალეს. ჯორჯო არმანიმ მამაკაცის კოსტუმს ახალი სახე მისცა, ქალთა მოდაში კი თავდაჯერებული და ელეგანტური სტილი დაამკვიდრა. არმანის სახელი სამუდამოდ უკვდავყოფილია როგორც მოდის, ისე კულტურის ისტორიაში.
ანა ვინტურმა ამერიკული Vogue-ის სარედაქციო კონტენტის ახალი ხელმძღვანელი წარადგინა. ვინტური მოდის ყველაზე გავლენიან ჟურნალს არ ტოვებს, თუმცა ამერიკული გამოცემის საქმიანობას ამიერიდან 39 წლის ქლოე მალი გაუძღვება.
