ზაფხული ზენიტშია და როცა შესაძლებლობა გვაქვს, დღე აუზთან ან სანაპიროზე უნდა გავატაროთ – მივიღოთ ზამთრისთვისაც საკმარისი ვიტამინი D და კარგი განწყობის მარაგიც შევივსოთ.
TheDiary-ის რედაქციამ სანაპიროზე წასაღები ათი აუცილებელი ნივთი შეარჩია:
მზისგან დამცავი საშუალება
პირველი, რაზეც უნდა ვიზრუნოთ, მზისგან დაცვაა. მზე კარგია, დამწვრობა – არა. შეარჩიეთ ფართო სპექტრის, წყალგამძლე SPF 30 ან SPF 50, სახლიდან გასვლამდე წაისვით და სანაპიროზე ყოფნისას ყოველ ორ საათში განაახლეთ.
 |
|
ტუჩის SPF
სახისა და ტანის მზისგან დაცვაზე ზრუნვისას ტუჩები ხშირად გვავიწყდება. ტუჩის კანი განსაკუთრებით ნაზია, ამიტომ ჩანთაში აუცილებლად უნდა გვქონდეს SPF-ის შემცველი ბალზამი და დღის განმავლობაში პერიოდულად განვაახლოთ.
 |
|
მზის სათვალე
მზის სათვალე მხოლოდ მოდური აქსესუარი არ არის – ის თვალებს მზის ულტრაიისფერი სხივებისგან იცავს და ნებისმიერ ლუქს დასრულებულ იერს აძლევს. 2026 წლის ზაფხულში განსაკუთრებით აქტუალურია დიდი ფორმები, ფერადი ლინზები და ჩარჩოები.
 |
|
საცურაო კოსტიუმი
საცურაო კოსტიუმების არჩევანი თითქმის უსასრულოა – მინიმალისტური მოდელებიდან ფერად ბიკინებამდე. თარგისა და ფერის არჩევანს თქვენ გიტოვებთ.
 |
|
ზღვის პირსახოცი
შეარჩიეთ მსუბუქი, ფერადი და დიდი მოდელი. პრინტი კი შეგიძლიათ საცურაო კოსტიუმსა და ჩანთას შეუხამოთ ან არა, ზაფხულის ლუქი ხომ სრულს თავისუფლებას გვაძლევს.
 |
|
ჩალის ქუდი
ჩალის ქუდი ნებისმიერ საზაფხულო ლუქს უხდება და, ამასთან, სახესა და კისერს მზის პირდაპირი სხივებისგან იცავს.
 |
|
ფლიპ-ფლოპები
ტყავის მძიმე ფეხსაცმლის ნაცვლად სანაპიროზე მსუბუქი რეზინის სანდლები შეარჩიეთ. Havaianas უკვე დიდი ხანია ზაფხულის განუყოფელ ბრენდად იქცა და სხვადასხვა ფერისა და ფორმის მოდელს გვთავაზობს.
 |
|
ზღვის ჩანთა
ზღვის ჩანთა სანაპიროს ლუქის ერთ-ერთი მთავარი აქსესუარია. ის საკმარისად ფართო უნდა იყოს, რათა მასში პირსახოცი, მზისგან დამცავი საშუალებები, წიგნი და ყველა აუცილებელი ნივთი თავისუფლად მოთავსდეს.
 |
|
ტანისა და თმის მისტი
ტანისა და თმის მისტი ზღვიდან ამოსვლის შემდეგ მსუბუქი განახლებისთვის გამოგვადგება. ზაფხულში განსაკუთრებით სასიამოვნოა ციტრუსოვანი და ნაზი ყვავილოვანი არომატები. თმისთვის შეარჩიეთ სპეციალური, მსუბუქი ფორმულა, ხოლო ამ ზაფხულის ჩვენი ფავორიტი ესპანური ბრენდია Equivalenza.
 |
|
საზაფხულო საკითხავი
ამ ზაფხულისთვის ჩვენი პირველი არჩევანია ენდრიუ შონ გრირის Villa Coco – იტალიურ გარემოში განვითარებული ახალი რომანი, რომელიც საზაფხულო მოგზაურობის განწყობას უხდება. მეორეა კლერ პაუელის All In – ამბავი, რომელიც ევროპის მდიდრულ სასტუმროში, ერთ ცხელ უქმეებზე ვითარდება და ოჯახურ თუ სასიყვარულო ურთიერთობებს მსუბუქი იუმორით აკვირდება. ორივე წიგნი 2026 წლის გამორჩეულ საზაფხულო საკითხავებს შორის მოხვდა.
 |
|
Lisi Wonderland-ის თავდაგასავალს ლეგენდარული ფრანგული კონიაკის სახლი - Hennessy წელს პირველად შეუერთდა. ფესტივალი დიდი ხანია გასცდა მხოლოდ მუსიკალური ღონისძიების ჩარჩოებს - ის თავისუფლების, კრეატიულობისა და თანამედროვე ურბანული კულტურის მთავარ სიმბოლოდ იქცა. სწორედ ამიტომ, Hennessy-ის ფესტივალზე გამოჩენა აბსოლუტურად ბუნებრივი და ორგანული ნაბიჯი იყო.
Balenciaga-ს მაღალი მოდის კოლექციის ჩვენება პარიზში, Cité internationale universitaire-ის ბაღებში გაიმართა და თითქოს პასუხია კითხვაზე, როგორი შეიძლება იყოს Balenciaga დემნას შემდეგ. პიჩოლის პასუხი რომანტიკულია, მაგრამ არა სენტიმენტალური.
ზენდაია „ოდისეას“ პარიზის პრემიერაზე Givenchy Haute Couture-ის 1997 წლის ლუქით გამოჩნდა, რომელიც Alexander McQueen-ის პირველი კოლექციიდანაა Givenchy-ისთვის.
