წლევანდელი ვენეციის კინოფესტივალი, რომელიც 27 აგვისტოდან 6 სექტემბრამდე გრძელდება, კინოს მოყვარულებთან ერთად, როგორც ყოველთვის, მოდის ენთუზიასტების ყურადღების ცენტრშიც მოექცა. ცნობილი სახეები წყლის ტაქსებით მიემართებიან ფესტივალისკენ, რათა თავიანთი უახლესი ფილმების პრემიერებს დაესწრონ და წითელ ხალიჩაზე ფოტოგრაფების წინ იპოზიორონ.
წლევანდელ ხალიჩაზე კი ერთ-ერთი გამორჩეული შეილინ ვუდლია, რომელმაც რამდენიმე განსხვავებული და დასამახსოვრებელი იმიჯი მოირგო, რითაც საუკეთესოდ ჩაცმულთა შორის დაიმკვიდრა ადგილი.
მისი პირველი გამოჩენა ფილმ „ჯეი კელის“ პრემიერაზე შედგა, სადაც ჯორჯ კლუნი და ადამ სენდლერი მონაწილეობენ. ტრადიციული გრძელი კაბის ნაცვლად, ვუდლიმ თამამი არჩევანი გააკეთა და Kallmeyer-ის 2025 წლის შემოდგომის კოლექციის შავი ატლასის მოკლე კაბა მოირგო.
ეს ელეგანტური ლუქი იმდენად ეფექტური იყო, რომ დიზაინერის სახელის გარდა, ყველას შეილინის ვარჯიშის რუტინის გაგება მოგვინდა. მინიმალისტური იმიჯი მსახიობმა ნახევრად აწეული ვარცხნილობითა და Bvlgari-ს ძვირფასი სამკაულებით გაამდიდრა, მათ შორის იყო ულამაზესი Serpenti Jewelry ყელსაბამი, საყურეები და ბეჭედი. ამ თამამმა არჩევანმა დაამტკიცა, რომ შეილინის თავდაჯერებულობა ნებისმიერ ჩაცმულობას განსაკუთრებულს ხდის.
მისი მეორე გამოჩენა ფილმის Motor City პრემიერაზე სრულიად განსხვავებულ ესთეტიკას გადმოსცემდა. შეილინმა დღისით Celine-ის 2026 წლის გაზაფხულის კოლექციის სპილოსძვლისფერი სამოსითა და ბეწვის ქურთუკით, ხოლო საღამოს კლასიკური ვენეციური გლამურით მოხიბლა საზოგადოება.
 |
 |
Motor Cuty-ს პრემიერაზე ვარსკვლავი Fendi-ს 2026 წლის Resort კოლექციის გრძელი, ბრჭყვიალა სეკინებით გაწყობილი კაბით გამოჩნდა. ღრმა დეკოლტემ და თავისუფალმა სილუეტმა მის სიმაღლესა და მოხდენილობას გაუსვა ხაზი, კაბა კი ზუსტად საჭირო დოზით ბრწყინავდა.
Roger Vivier Epine-ის სანდლებსა და Bvlgari-ს სამკაულებთან ერთად, ეს ლუქი უნაკლო ელეგანტურობის მაგალითი იყო. ის არ ყოფილა გადატვირთული, არამედ ბუნებრივი და დამაჯერებელი სითამამის მატარებელი, რითაც შეილინი წლევანდელი ფესტივალის მოდის საუკეთესო მომენტებში ნამდვილად ჩაიწერება.
Lisi Wonderland-ის თავდაგასავალს ლეგენდარული ფრანგული კონიაკის სახლი - Hennessy წელს პირველად შეუერთდა. ფესტივალი დიდი ხანია გასცდა მხოლოდ მუსიკალური ღონისძიების ჩარჩოებს - ის თავისუფლების, კრეატიულობისა და თანამედროვე ურბანული კულტურის მთავარ სიმბოლოდ იქცა. სწორედ ამიტომ, Hennessy-ის ფესტივალზე გამოჩენა აბსოლუტურად ბუნებრივი და ორგანული ნაბიჯი იყო.
Balenciaga-ს მაღალი მოდის კოლექციის ჩვენება პარიზში, Cité internationale universitaire-ის ბაღებში გაიმართა და თითქოს პასუხია კითხვაზე, როგორი შეიძლება იყოს Balenciaga დემნას შემდეგ. პიჩოლის პასუხი რომანტიკულია, მაგრამ არა სენტიმენტალური.
ზენდაია „ოდისეას“ პარიზის პრემიერაზე Givenchy Haute Couture-ის 1997 წლის ლუქით გამოჩნდა, რომელიც Alexander McQueen-ის პირველი კოლექციიდანაა Givenchy-ისთვის.
