ბრიტანეთის მონარქიას მდიდარი და მომხიბლავი ისტორია აქვს, სავსეა სკანდალებით, სასიყვარულო ისტორიებით, ძალაუფლებისთვის ბრძოლითა და ოთხფეხა მეგობრების მიმართ განსაკუთრებული სიყვარულით!
გავიხსენოთ, დღევანდელი მონარქის, ელისაბედ II ძაღლებისადმი განსაკუთრებული დამოკიდებულება. დედოფლის ოთხფეხა მეგობრები სამეფოს ოჯახის ნამდვილ წევრებად ითვლებიან.
თუმცა, შეგვიძლია ღრმად წარსულშიც გადავინაცვლოთ და ბრიტანელი მონარქების საოჯახო „ალბომები“ დავათვალიეროთ. ჯერ კიდევ მე -17 საუკუნეში სამეფო ოჯახის პორტრეტზე მეფე ჩარლზ I- ის სამი შვილი მათი ოჯახის ოთხფეხა წევრებთან ერთად არიან აღბეჭდილი. ვიტყოდით, რომ სამეფო ოჯახის პატარა წევრები და მათი უფრო მეტად პატარა მეგობრები ერთმანეთის გვერდიგვერდ საკმაოდ კომფრტულად გრძნობენ თავს.
სპანიელის ჯიშის პოპულარიზაცია მოახდინა ამ პატარა ბიჭმა ნახატიდან (მომავალში მეფე ჩარლზ II). წყაროების მტკიცებით, მან განკარგულებაც კი გამოსცა, რომლის მიხედვით მეფე ჩარლზის სპანიელებს ნებისმიერ საჯარო ადგილზე უშვებდნენ, მათ შორის პარლამენტის სახლში.
მას შემდეგ მეფეები და დედოფლები ბრიტანეთის მონარქიაში ერთმანეთს ცვლიდნენ. ზოგი მათგანი ისტორიაში ოქროს ასოებით იწერებოდა, ზოგი კი მივიწყებას მიეცემოდა, თუმცა, დღესაც უცვლელი რჩება მათი განსაკუთრებული სიყვარული ოთხფეხა მეგობრების მიმართ.
სამეფო კორგი - უელსური კორგი პემბროკის ჯიშისაა, რომლებიც სამეფო ოჯახის წევრებად ჯერ კიდევ ელისაბედ II მამის - მეფე ჯორჯის დროს გახდნენ. ცნობილი ფაქტია, რომ ელისაბედ II-ს საკუტარი კროგები ოჯახის წევრებზე ნაკლებად არ უყვარს და მათ თითქმის ყველაფრის უფლებას აძლევს - ოფიციალურ შეხვედრებზე დასწრების უფლებასაც კი.
დაათვალიერეთ ბრიტანეთის სამეფო ოჯახის ფოტოალბომი, სადაც ისინი თავის ოთხფეხა მეგობრებთან ერთად არიან აღბეჭდილი:
HER STORE 2016 წლიდან დახვეწილ და თანამედროვე სამკაულებს გთავაზობს. ამ წლების განმავლობაში კი, ვერცხლით, ტიტანითა თუ ოქროთი დაფარული დიზაინებით და უნიკალური სამკაულების კოლექციებით HER STORE უამრავი ქალისთვის საუკეთესო არჩევანი გახდა.
წლევანდელმა ოსკარებმა უკვე ჩაიარა და უამრავი განსახილველი თემაც დაგვიტოვა. გამარჯვებულების დასახელებასთან ერთად, განსაკუთრებულად ველოდით წითელი ხალიჩის საუკეთესო ლუქებს. და აი, ის დროც დადგა – შევაფასოთ, რომელი ვარსკვლავის ჩაცმულობა გამოირჩეოდა ყველაზე მეტად.
Dolce & Gabbana-ს 2025-2026 წლის შემოდგომა-ზამთრის კოლექცია Cool Girls - თავდაჯერებულობა, ფუფუნება და თანამედროვე ესთეტიკა. გაიგეთ, როგორ აერთიანებს ბრენდი ტრადიციასა და ინოვაციას.
