პარიზის მოდის კვირეულის ფარგლებში, ეიფელის კოშკის ციალის ქვეშ, ენტონი ვაკარელომ Saint Laurent-ის 2024 წლის გაზაფხული/ზაფხულის კოლექცია წარადგინა. გასული სეზონის კოლექციისგან განსხვავებით, რომელშიც ვაკარელომ ჩაცმის ძლიერი სტილი განსაზღვრა და 80-იანი წლების მოდას თანამედროვე ადგილი მოუძებნა, დიზაინერმა ხედვა ახალი რაკურსით მიმართა და ყურადღება სტრუქტურასა და სიმარტივეზე გაამახვილა.
Saint Laurent-ის კრეატიული გენიოსის შთაგონებად, მამაკაცების მიერ დომინირებულ სფეროში პირველ მერცხლებად მოვლენილი ქალები, ამელია ერჰარტი (ავიაცია) და ადრიენ ბოლლანდი (ავტორბოლა) იქცნენ. მთლიანობაში, Saint Laurent SS24 კოლექცია მამაკაცურობისა და ქალურობის შერწყმას წარმოადგენდა, რაც ენტონი ვაკარელოსგან წარსულშიც არა ერთხელ გვინახავს. დიზაინერი გასული ღამის ჩვენებით თითქოს თავის საწყისს დაუბრუნდა და აქცენტი თანამედროვე ქალზე გაამახვილა (თუმცა ცხადია, ვაკარელოს ქალური, რბილი ელეგანტურობა, თავდაჯერებულობის ნაკლებობად არ უნდა მივიჩნიოთ).
კოლექციის 49 ლუქიდან, თითქმის ყველა მათგანმა მოახერხა სენ ლორანის კლასიკური სილუეტების გაცოცხლება (მათ შორის კაფტანის სტილის კაბები). რა თქმა უნდა, ვაკარელომ საკუთარი ესთეტიკაც შემატა სილუეტებს და მოდის სახლისთვის დამახასიათებელი, კრემისფერი აგურისფერი წითლით ჩაანაცვლა, ყვითელს კი ღრმა ოქროსფერი შემცვლელი მოუძებნა.
„(ამ კოლექციის) პოზიცია პრაგმატულია, მაღალი მოდით ინსპირირებული ფორმები და უფრო თავისუფალი სილუეტებით, ვიდრე წინა სეზონებში“.
თბილისიდან სულ რაღაც ერთი საათის სავალზე „შატო მერე“ მდებარეობს - თანამედროვეობისა და ტრადიციების სინთეზით შექმნილი სივრცე, რომელიც სასიამოვნო დასვენებას გვპირდება. შატო მერე 10 მაისს ნოდარიკო ხუციშვილის კონცერტს უმასპინძლებს და ქალაქის ხმაურით გადაღლილ, სიმშვიდეს მოწყურებულ სტუმრებს ელოდება.
შანელის 2025/26 წლის კრუიზის კოლექცია კომოს ტბის ფონზე, იტალიურ ვილაში წარადგინეს. შოუზე ვიხილეთ შანელის შავ-თეთრ ფერებში გამოწყობილი ქართველი მოდელებიც - მატილდა გვარლიანი და ნასტასია ლეგრან-ბაბლუანი.
იტალიური ფილერების ხაზი Stylema იმ იშვიათ პროდუქტებს შორისაა, რომლებიც საქართველოში MDR სერტიფიკატით გამოიყენება. იგი სრულად აკმაყოფილებს ევროკავშირის უსაფრთხოების და ხარისხის უმაღლეს სტანდარტებს. Stylema-ს ექსკლუზიური დისტრიბუტორია კომპანია „სკინოთეკა“.
