ისი პარიმ შატო მუხრანში მაკო და მე, იქ, სადაც ძირითადად ქართული სამეფო ოჯახის ლეგენდების აღმოსაჩენად დავდივართ რედაქციასთან ერთად, პაკო რაბანის ახალი სუნამოს Fame-ს სურნელის შესაგრძნობად მიგვიწვია.
მთელი საღამო ფრანგული სტილითა და კულტურით იყო გაჟღენთილი. ბაგრატიონთა ისტორიის ლაბირინთებში დაკარგულ სტუმრებს პარფიუმერულ მაღაზიათა ქსელი ჯერ შატო მუხრანის "შამპანურით" გაგვიმასპინძლდა, შამპანური ხომ მეფეთა სასმელია, მეფეა სასმელების, როგორც ფრანგი მწერალი, გი დე მოპასანი აღნიშნავდა ხოლმე; მოგვიანებით კი, სასახლის ერთ-ერთ დარბაზში ასევე ფრანგული სადილი გაგვიშალა, რომელიც შატო მუხრანის შესანიშნავი ღვინოების თანხლებით ხანგრძლივ ბაასსა და ვახშამში გადაიზარდა. შეუძლებელია განსაკუთრებულად არ აღვნიშნო შეფი, ალექსანდრე ტატიშვილი, რომელმაც ფრანგული რეცეპტების შესანიშნავი კერძებით თავი სამუდამოდ დაგვამახსოვრა.
საკმაოდ რთული აღმოჩნდა კერძების შემდეგ საპრეზენტაციო დარბაზში გადანაცვლება, თუმცა, იქ პაკო რაბანის ახალი სუნამოს გასაოცარი სურნელი ტრიალდება და გვიმხობდა. ისი პარის კონტენტის მენეჯერმა, ლინა ქალდანმა კი სუნამოს კონცეფცია დეტალურად გაგვაცნო.
FAME, ზუსტად გამოხატავს პაკო რაბანის მიერ წარმოდგენილ ქალს, ნათელი, თავდაჯერებული და მრავალმხრივ ნიჭიერი ქალბატონი, რომელიც დიზაინერის მთავარი მუზაა.
პრეზენტაციის შემდეგ კი ყველაზე სასიამოვნო მომენტი დადგა, საჩუქრები, საჩუქრები და კიდევ საჩუქრები, რომლებიც არც არასდროს დამთავრდა!
ჰო, ასევე ძალიან საინტერესო იყო საჰაერო ბუშტები, რომლებსაც გრანდიოზული ფეიერვერკის თანხლებით სურვილები ჩავუთქვით და ჰაერში გავუშვით. ვნახოთ, ვნახოთ რა ძალა აქვს ისი პარის სურვილების ბუშტებს, ის კი ნამდვილად მეთქმის რომ პაკო რაბანის Fame ამ დღიდან ჩემი სუნამოების ტოპ 10-ში საპატიო ადგილს იკავებს.
წვეულების ფოტოების დასათვალიერებლად კი ალბომი ჩასქროლეთ:
მხიარული. მგრძნობიარე. ძლევამოსილი. სამუდამოდ პარიზული. ის არის მუზა, ნამდვილი ვარსკვლავი. მისი სახელია FAME, საოცნებო სურნელი ქალბატონებისთვის PACO RABANNE-სგან.
რა თქმა უნდა ფლაკონი პაკო რაბანის საკულტო სტილითაა შთაგონებული. სამუდამო აღფრთოვანების ობიექტი. ნამდვილი მოტივაცია ჩვენი ეგოსთვის.
დიზაინერის შთაგონების წყარო მოდის პიონერი და ქალურობის ახალი ერას დამაარსებელი ქალბატონები არიან.
დღევანდელი ახალგაზრდული სულისკვეთება, კავშირები, ულტრა-კრეატიული თანამედროვე ქალი, ავანგარდული და ინსტინქტური ქალურობის გამომომხატველი სურნელით, რომელიც ბრჭყვიალა სამოსშია გამოწყობილი.
FAME, ზუსტად გამოხატავს პაკო რაბანის მიერ წარმოდგენილ ქალს, ნათელი, თავდაჯერებული და მრავალმხრივ ნიჭიერი ქალბატონი, რომელიც დიზაინერის მთავარი მუზაა.
ლოს-ანჯელესში გამართულ Academy Museum Gala 2025-ზე ჰოლივუდის წამყვანი მსახიობები და მოდის სახლები შეიკრიბნენ, რათა აღენიშნათ კინოს კულტურა და წარმოეჩინათ მაღალი მოდის თანამედროვე ტენდენციები.
TheDiary Concept House თბილისის შუაგულში მდებარე მულტიფუნქციური სივრცეა, სადაც ერთიანდება კონცეპტუალური მაღაზია, ყავის ბარი, ფოტო და ვიდეო სტუდია და ონლაინ ჟურნალი The Diary. აქ ტარდება ღონისძიებები, გამოფენები და ბრენდების პრეზენტაციები, ხელმისაწვდომია ქართული დიზაინის ნამუშევრები და სტუმრებს შეუძლიათ ისიამოვნონ ყავით ან ღვინით.
ევროკომისიამ საცალო პარტნიორებისთვის ფასების ფიქსირების გამო Gucci, Chloé და Loewe 157 მილიონი ევროს ოდენობით დააჯარიმა. ეს შემთხვევა ცხადყოფს, თუ როგორ ეჯახება ფუფუნების სამყაროს იმიჯის შენარჩუნება ბაზრის სამართლიანობის პრინციპებს და სად გადის ზღვარი ექსკლუზიურობასა და კანონის დარღვევას შორის.
