დიახ, მოდას დიზაინერები და მოდის სახლები ქმიან, მაგრამ პროდუქტებს, რომლებსაც ყველგან და ყოველთვის ვხვდებით, ინფლუენსერები და ცნობილი ადამიანები გვირჩევენ. The Diary ყოველ პარასკევს კვირის fashion ITEM-ს შემოგთავაზებთ, რომელმაც ვარსკვლავური Look-ებიდან ჩვენს ყოველდღიურობაში გადმოინაცვლა.
ამ კვირის fashion აითემი ბოტეგა ვენეტას სარდინის ჩანთაა, რომელმაც პოპულარობა ჯერ კიდევ 2022 წლის გაზაფხულზე მოიპოვა, როდესაც გამორჩეული ტექნიკით შექმნილი ტყავის ჩანთა MFW-ის შემოდგომის სეზონის ჩვენებებზე გამოჩნდა. წარმოუდგენელი იყო, მაგრამ ბრენდის ახალმა კრეატიულმა დირექტორმა - მეთიუ ბლეიზმა "ჰიტი პროდუქტის" შექმნა პირველივე კოლექციაში მოახერხა.
ამას ისიც დაემატა, რომ 2023 წელს ქენდალ ჯენერმა თავისი "კოლგოტიანი" ლუქით სრულიად ინტერნეტი შეძრა. მოდელი LA-ში საყიდლებზე მთლიანად Bottega Veneta-ს ლუქში გამოწყობილი გამოჩნდა. ქენდალმა თეთრ პერანგზე გადაცმულ შავ პულოვერს შავი, გამჭვირვალე კოლგოტი, მაღალ ქუსლიანი ფეხსაცმელი და ბრენდის ცნობილი სარდინის ჩანთა შეუხამა. გარდა იმისა, რომ ეს LOOK-ი მოდის ინდუსტრიაში "უშარვლო" ტრენდის საწყისი გახდა, ბოტეგას ოქროსფერ სახელურიან ჩანთასაც მეგა პოპულარობა მოუტანა.
მას შემდეგ Bottega Veneta-ს Sardine bag-ით ხელში არა ერთი ცნობილი სახე ვიხილეთ, მათ შორის ქენდალის უმცროსი და - კაილი, ჰეილი ბიბერი, როზი ჰანტინგტონ უაიტლი და სხვ.
SHOP THE ITEM
VINSTYLE ქართული ვინტაჟური ბრენდია, რომლის ესთეტიკა მინიმალისტურ და ექსპრესიულ მოდას აერთიანებს. ბრენდის დამფუძნებელმა გოგოებმა მოდისადმი საერთო სიყვარული ბიზნესად აქციეს. მათი კურატორობით VINSTYLE-ის კოლექციებში თავმოყრილია 1970, 80 და 90-იანი წლების მოდის ელეგანტური ნამუშევრები.
„ლილიენი“ თბილისის გულში დაფუძნებული ქართული მოდის ბრენდია, რომელიც ქალის სილამაზესა და თავდაჯერებულობას უნიკალურ კოლექციებში აერთიანებს. თითოეული დიზაინი ესკიზიდან იწყება და რეალობად, ფრთხილად შერჩეული ქსოვილებითა და ოსტატობით იქცევა.
Euphoria-მ მას ფართო აუდიტორიას გააცნო, მაგრამ დღეს ჯეიკობ ელორდი უკვე იმ მსახიობთა რიგშია, ვინც თანამედროვე ჰოლივუდის მიმართულებას განსაზღვრავს.
