კინომსახიობთა გილდიის დაჯილდოებაზე ჰოლივუდის ფეშენისტა მსახიობები მაღალი მოდის სამოსით იწონებდნენ თავს. SAG Awards-ის სტუმრები წითელ ხალიჩაზე დახვეწილი, ნატიფი სამოსით იყვნენ წარმოდგენილი. ალი ვონგის გამოჩენა წითელ ხალიჩაზე საღამოს მთავარ მომენტად იქცა. მსახიობს, რომელიც ნომინირებული გახლდათ სატელევიზიო სერიალებში ქალი მსახიობის გამორჩეული როლისთვის, ჰოლანდიელი დიზაინერის Iris van Herpen კაბა ემოსა.
ხაზი უნდა გავუსვათ მარგო რობის ბარბისებრ კაბას. და ზოგადად, არაერთი მსახიობი იწონებდა თავს წითელ ხალიჩაზე საკუთარი ფილმით ინსპირირებული ლუქით. მათ შორის იყო დანიელ ბრუკსიც, რომელსაც კრისტიან სირიანოს იასამნისფერი კაბა ეცვა. მსახიობის ბოლო ფილმია The Color Purple.
საღამოს ულამაზეს კაბებსა და კოსტიუმებს შორის რებელა ბილი აილიშს გამოარჩევდით, რომელმაც კლასიკურ სამოსს სკოლის მოსწავლის სამოსით ინსპირირებული ლუქი არჩია.
აქვე აღვნიშნავთ, რომ საღამოს მთავარი ტრენდად ხელთათმანები გამოიკვეთა. ჯოი კინგი, კათრინ ჰანი, ლავერნ კოქსი, ბარბრა სტრეიზანდი და სხვა მსახიობები დაჯილდოების ტრენდსეტერები აღმოჩნდნენ. საინტერესოა, აისახება თუ არა ხელთათმანების ტრენდი ქუჩის მოდაზე.
The Devil Wears Prada-ს მსახიობები 18 წლის შემდეგ კინომსახიობთა გილდიის დაჯილდოებაზე ერთ-ერთი ნომინაციის გამოსავლენად შეიკრიბნენ. ჰოლივუდის საუკეთესო სამეული from head to toe ისე გამოიყურებოდნენ, როგორც ამანდა პრისლი იამაყებდა.
დაჯილდოებაზე ემი ბლანტს Louis Vuitton-ის წითელი კაბა ემოსა და Tiffany & Co-ს ბრილიანტები ჰქონდა ასხმული. ენ ჰეთეუეის კი ატელიე ვერსაჩეს ლურჯი კაბა 2015 წლის გაზაფხული-ზაფხულის კოლექციიდან და ის შეუდარებლად გამოიყურებოდა. რაც შეეხება მერილ სტრიპს, კინომსახიობთა გილდიის დაჯილდოებაზე ეშმაკს ნამდვილად ემოსა Prada!
SAGAwards-ის წითელი ხალიჩის საუკეთესო ლუქები:
1. კერი მალიგანი, Armani
2. კოლმან დომინგო, Off-White
3. ემილი ბლანტი, Louis Vuitton
4.ელიზაბეტ დებიკი, Armani
5. თეო აიერი, Kwasi Paul
6. ტაილერ ჯეიმს უილიამსი, Amiri
7. ბრი ლარსონი, Versace
8. შტორმ რეიდი, Balmain
9.ჯერემი ალენი უაიტი, Saint Laurent
10. მედდი ზიგლერი, Alexander McQueen
დიზაინერი ლუკა მიქაძე ყაზახეთის მოდის კვირეულზე 2025 წლის კოლექციით წარსდგა, რომელიც ქუჩის სტილსა და თავისუფლების იდეას აერთიანებს. ჩვენთან ინტერვიუში ის კოლექციის შთაგონებაზე, სამუშაო პროცესსა და ემოციურ გზავნილზე გვიამბობს.
თანამედროვე ფეხბურთელები სტილის ახალ არქეტიპებს ქმნიან: დევიდ ბექჰემი, ექტორ ბელერინი, კრიშტიანუ რონალდუ, პოლ პოგბა და სხვა სპორტსმენები style icon-ებად იქცნენ. ზოგიერთი მათგანი კი — როგორც ხვიჩა კვარაცხელია — საკუთარ პლატფორმას იყენებს იმისთვის, რომ ქუჩაში ან სოციალურ მედიაში ისევე შთამბეჭდავად გამოიყურებოდეს, როგორც მოედანზე.
Weekend Max Mara-ს საზაფხულო კოლექცია, სახელწოდებით A Weekend with Ashley Park, ჰაეროვან, კომფორტულ და ელეგანტურ სამოსს გთავაზობთ, რომელიც იდეალურია როგორც ქალაქის ცხელ ქუჩებში, ისე ზღვის ლაჟვარდოვან სანაპიროზე სასეირნოდ.
