დუა ლიპა: საცურაო კოსტიუმების ტრენდსეტერი
პოპვარსკვლავი დუა ლიპა არა მხოლოდ მუსიკის, არამედ ზაფხულის მოდის ტრენდებსაც განსაზღვრავს. მისი სტილის განსაკუთრებული ნაწილი საცურაო კოსტიუმებია, რომლებიც უკვე დუას საზღვაო ლუქების განუყოფელ ელემენტად იქცა.
ჰავაიზე Le Splash კოლექციის წარდგენის შემდეგ, სიმონ პორტ ჟაკმუსმა არლში, სამხრეთ საფრანგეთში, მარილის მთებზე მიიწვია სტუმრები და მათ 2022 წლის შემოდგომა/ზამთრის კოლექცია სახელწოდებით Le Papier გააცნო.
ვირტუოზმა შემოქმედმა სიმონ პორტ ჟაკმუსმა, თავისი საზრიანობითა და სოციალურ მედიაში ულტრა ცნობადობით, დიდი ხნის წინ მოახერხა ლოკალური ლეიბლის გლობალურ ჰიტად ქცევა. მხოლოდ ამ თავბრუდამხვევი წარმატებით აიხსნება Jacquemus-ის ახალ კოლექციის ჩვენებაზე წინა რიგებში მსხდომი ტინა კუნაკი და ვენსან კასელი, ვიქტორია ბექჰემი, წამყვანი გამოცემების რედაქტორები, სტილისტები, ინფლუენსერები და ბაიერები. სიმონმა კიდევ ერთხელ შეძლო და ახალი კოლექციისთვის იდეალური ლოკაცია შეარჩია, 2022 წლის შემოდგომა/ზამთრის თეთრ სილუეტებში გამოწყობილი მოდელები მარილის მთებს შორის გადაადგილდებოდნენ და სრულყოფილ ჰარმონიას ქმნიდნენ.
ამ კოლექციაზე მუშაობა აკვიატებით დავიწყე, მსურდა ყველაფერი სუფთა თეთრი ფურცლიდან გამეგრძელებინა - განაცხადა დიზაინერმა.
ტიულის ფატებში გამოწყობილმა მოდელებმა ჯერ თეთრი ფერის სილუეტები წარადგინეს, რასაც კონტრასტული შავი ფერის დეტალებიც მოჰყვა, თუმცა ნაზი რძისფერი ფერები ამ შემთხვევაშიც იყო შენარჩუნებული. ჩვენების ჰაილაითი Jacquemus x Nike Humara-ს კოლაბორაციის ფეხსაცმელები გახლდათ, რომლებიც დღევანდელი დღიდან გაიყიდება.
არ გამოგრჩეთ
ქუჩის სტილის ინსპირაცია კოპენჰაგენის მოდის კვირეულიდან
ჩრდილოეთ ევროპული მოდის ყველაზე დიდი მოვლენა, კოპენჰაგენის მოდის კვირეული, ყოველწლიურად ამტკიცებს, რომ სკანდინავიელებმა ჩაცმა საუკეთესოდ იციან. ამას მოდის კვირეულისკენ მიმავალი დანიელების ქუჩის სტილიც მოწმობს.
როგორ იქცა 2500 ლარიანი შლაპუნა სტატუსის სიმბოლოდ
როგორ იქცა The Row-ს Dune შლაპუნა სეზონის ყველაზე მოთხოვნილ მოდელად და რა გზით გახდა უბრალო საზაფხულო ფეხსაცმელი ფარული ფუფუნების სიმბოლო.