ცნობილი ადამიანების სახლები ხშირად საგამოფენო დარბაზს უფრო ჰგავს, ვიდრე საცხოვრებელ სივრცეს. თუმცა ემა რობერტსის ჰოლივუდური თავშესაფარი სრულიად განსხვავებულია, ის მყუდრო და სახასიათოა. ემა რობერტსმა სახლი 2021 წელს შეიძინა და მისმა ინტერიერმა მსოფლიო გამოცემების ყურადღება მაშინვე მიიპყრო. ახლახან კი ინფორმაცია გავრცელდა, რომ მსახიობმა სახლი 4.8 მილიონ დოლარად გაყიდა.
სახლი, სადაც ემა ოჯახთან ერთად დროს ატარებდა და ბავშვობის ჰობის, თოჯინების კოლექციის შეგროვებას აგრძელებდა, ახლა უკვე ახალი მფლობელის განკარგულებაშია.
სხვადასხვა დიზაინის სანათები, კომფორტული სავარძლები, ანტიკვარული ნივთები და ლაგუნის სტილის აუზი სახლს კიდევ უფრო მყუდროს ხდის.
ემა რობერტსი, რომელიც რომანტიკულ კომედიებსა და სერიალ American Horror Story-ში შესრულებული როლებითაა ცნობილი, სახლში სამი წლის შვილთან, როუდსთან ერთად ცხოვრობდა.
სახლის ინტერიერზე დიზაინერებმა ლუიზა პირსმა და ემილი უორდმა იზრუნეს. ემას ბავშვობაში ხშირად უწევდა საცხოვრებლის შეცვლა, ამიტომაც დიზაინერებთან ერთად, ყველანაირად შეეცადა, რომ ამ სახლში ყველაფერი მყუდრო და ძალიან პერსონალური ყოფილიყო.
დიზაინერები პირსი და უორდი ცნობილები არიან თბილი და დახვეწილი ინტერიერების სახლებით, სადაც ბოჰემური, მე-20 საუკუნისა და ვინტაჟური სტილი ჰარმონიულად ერთიანდება. მათ კლიენტებს შორის არიან დაკოტა ჯონსონი, ქეით ჰადსონი და ლეონარდო დიკაპრიო.
„გვსურს, სახლს ისეთი იერი შევძინოთ, თითქოს უკვე ნახევარი საუკუნეა რაც დგას,“ – პირსი.
სწორედ ამ იდეის გათვალისწინებით, რობერტსის სახლი სავსეა ვინტაჟური ავეჯით, რესტრავრირებული ნივთებითა და საინტერესო ისტორიის მატარებელი აქსესუარებით.
მისაღებ ოთახში თაროებზე წიგნებია შემოლაგებული, იქვეა ემას ოცნებების დაფა, ხის კარადებზე კი დები ჰარისა და ჯონი მიჩელის ფოტოებია განთავსებული. ერთ-ერთ კედელზე კი განსაკუთრებული ნამუშევარია გამოფენილი – ჯულიან ვასერის მიერ გადაღებული ჯოან დიდიონის ცნობილი ფოტო.
სახლში მხოლოდ ძვირადღირებული ან ექსკლუზიურად დამზადებული ნივთები არ გვხვდება. როგორც რობერტსი ჰყვება, როცა დიზაინერებს ჰკითხა, სამზარეულოს კუნძული სპეციალურად შეუკვეთეს თუ არა, მათ გაეცინათ და უთხრეს, რომ ავეჯის ეს დეტალი Urban Outfitters-იდან იყო, რომელიც ხალგაზრდული, ხელმისაწვდომი და მასობრივი წარმოების ბრენდად ითვლება.
როუდსის ოთახის კედლები ტყის თემატიკითაა გაფორმებული და ჭერზე მფრინავი იხვებია გამოსახული. „მჯერა, რომ ბავშვობის ოთახში რაც კედელსა ან ჭერზე გაქვს, სამუდამოდ გრჩება მეხსიერებაში. ამიტომ მინდოდა როუდსის ოთახი მყუდრო და სახალისო ყოფილიყო,“ – ემა რობერტსი.
ემა რობერტსის სახლი მაგალითია, რომ ნამდვილი ფუფუნება მყუდრო გარემოშია. ყველაზე ლამაზი სახლი კი სწორედ ის სივრცეა, სადაც სიცოცხლე იგრძნობა.
Ph: Michael P.H. Clifford/ AD
ლოს-ანჯელესში გამართულ Academy Museum Gala 2025-ზე ჰოლივუდის წამყვანი მსახიობები და მოდის სახლები შეიკრიბნენ, რათა აღენიშნათ კინოს კულტურა და წარმოეჩინათ მაღალი მოდის თანამედროვე ტენდენციები.
TheDiary Concept House თბილისის შუაგულში მდებარე მულტიფუნქციური სივრცეა, სადაც ერთიანდება კონცეპტუალური მაღაზია, ყავის ბარი, ფოტო და ვიდეო სტუდია და ონლაინ ჟურნალი The Diary. აქ ტარდება ღონისძიებები, გამოფენები და ბრენდების პრეზენტაციები, ხელმისაწვდომია ქართული დიზაინის ნამუშევრები და სტუმრებს შეუძლიათ ისიამოვნონ ყავით ან ღვინით.
ევროკომისიამ საცალო პარტნიორებისთვის ფასების ფიქსირების გამო Gucci, Chloé და Loewe 157 მილიონი ევროს ოდენობით დააჯარიმა. ეს შემთხვევა ცხადყოფს, თუ როგორ ეჯახება ფუფუნების სამყაროს იმიჯის შენარჩუნება ბაზრის სამართლიანობის პრინციპებს და სად გადის ზღვარი ექსკლუზიურობასა და კანონის დარღვევას შორის.
