დავით კომას პირველი კოლექცია Blumarine-ისთვის ახალი და გამორჩეული ეპოქის დასაწყისს აღნიშნავს. ბრენდის ისტორიულ მემკვიდრეობასა და თანამედროვე ინოვაციებს შორის მან ჰარმონიული ბალანსი დაიჭირა. ქართველმა დიზაინერმა Blumarine-ის ქალის რომანტიკული და თამამი ხასიათი ახალ სიმაღლეებზე აიყვანა, შთაგონებად კი მილანის ქუჩების თანამედროვე სტილი იქცა.
ჩემთვის ერთ-ერთი ყველაზე მნიშვნელოვანი იყო იმ პირველ შთაბეჭდილებაზე დაფუძნებული იდეის შენარჩუნება, რომელიც მილანში ცხოვრებისას ჩამომიყალიბდა, - დევიდ კომა.
Pre-Fall 2025 კოლექციაში კომამ Blumarine-ის დამახასიათებელი ტრადიციული ელემენტები თამამი და თანამედროვე მიდგომებით განავითარა. ფუმფულა ბეწვით გაფორმებული კარდიგანები და ვარდის მოტივები, რომლებიც ბრენდის კოლექციებში ადრე ხშირად გვხვდებოდა, ახალ სამოსსა და აქსესუარებში ახალ სიცოცხლეს იძენს.
დავით კომამ კოლექციაში გამოიყენა მრავალფეროვანი მასალები, მათ შორის ქაშმირის ეფექტის მქონე ქსოვილები, ტყავი და ჯინსი, ტრადიციული სილუეტების თანამედროვე ინტერპრეტაციისთვის. მის დიზაინში Y2K ესთეტიკაც აისახება: ჯინსებზე და ფეხსაცმელებზე ბრენდის ლოგო, ასევე ელეგანტური და დახვეწილი პატარა შავი კაბები, რომლებიც შესაფერისია როგორც საღამოს, ასევე ყოველდღიური სტილისთვის.
„იუმორი და თავშეუკავებელი ხასიათი ნამდვილად ბრენდის დნმ-ის ნაწილია. Blumarine-ის ქალი შეიძლება იყოს სტილის დედოფალი, მაგრამ ის არასდროს აღიქვამს რამეს ზედმეტად სერიოზულად,“ – დევიდ კომა.
აქსესუარებიც განსაკუთრებულ ყურადღებას იმსახურებს: ტუჩების ფორმის Kiss Me ჩანთა, ქამრები და ყელსაბამები „Woof“ და „Miao“ წარწერებით, რომლებიც ხაზს უსვამენ კოლექციის იუმორისტულ და თამამ ხასიათს. კოლექციაში ცხოველური მოტივები და შინაური ცხოველებისთვის განკუთვნილი აქსესუარებიც გვხვდება – მათ შორის ვარდის ფორმის ვერცხლის დეტალებით გაფორმებული საყელოები.
დავით კომას Blumarine-ის ახალმა ხედვამ ბრენდის იდენტობა კიდევ უფრო გამოკვეთა – თამამი და იუმორით სავსე სტილით, რომელიც თანამედროვე მოდის სამყაროს სერიოზულობას ამსუბუქებს. მისი შემდეგი კოლექცია, რომელიც მილანის მოდის კვირეულზე იქნება წარმოდგენილი, უდავოდ დიდი მოლოდინების საგანი გახდება.
წლევანდელმა ოსკარებმა უკვე ჩაიარა და უამრავი განსახილველი თემაც დაგვიტოვა. გამარჯვებულების დასახელებასთან ერთად, განსაკუთრებულად ველოდით წითელი ხალიჩის საუკეთესო ლუქებს. და აი, ის დროც დადგა – შევაფასოთ, რომელი ვარსკვლავის ჩაცმულობა გამოირჩეოდა ყველაზე მეტად.
Dolce & Gabbana-ს 2025-2026 წლის შემოდგომა-ზამთრის კოლექცია Cool Girls - თავდაჯერებულობა, ფუფუნება და თანამედროვე ესთეტიკა. გაიგეთ, როგორ აერთიანებს ბრენდი ტრადიციასა და ინოვაციას.
თბილისის ყველაზე ესთეტიკური რესტორნები – უნიკალური ინტერიერი, გემრიელი კერძები და განსაკუთრებული ატმოსფერო. აღმოაჩინეთ საუკეთესო კაფეები და რესტორნები, სადაც თანამედროვე ესთეტიკა ძველი თბილისის ხიბლს ერწყმის.
