ჯადოსნური ქარავნის, ფერადი ილუსტრაციების, სასაჩუქრე ბარათებისა და სანტას პოსტერების გარეშე არ არსებობს Coca-Cola. თვითონ Coca-Cola-ს გარეშე კი, ახალი წლის დღესასწაული უბრალოდ წარმოუდგენელია. ბრენდი, რომელმაც ბავშვობა გაგვილამაზა და სადღესასწაულო მაგიის რწმენა ჩაგვინერგა, კომპანია, რომელმაც გვასწავლა, რომ ოცნებები ხდება, საჭიროა ძლიერ გვჯეროდეს მათი, ინსპირაციული გზავნილების შექმნას თითქმის საუკუნის წინ შეუდგა.
რა თქმა უნდა, Coca-Cola დღესაც აქტიურად აგრძელებს საშობაო/საახალწლო კამპანიას და არა ერთ სადღესასწაულო ვიდეორგოლს გვიზიარებს შთამაგონებელი ტექსტითა და დასამახსოვრებელი მუსიკით. თუმცა, საუკუნის წინ ალბათ ამ ყველაფერს კიდევ უფრო განსხვავებული მუხტი ჰქონდა. მაშინ, როდესაც სარეკლამო პოსტერებზე ჰადდონ სანდბლომის სანტა პირველად გამოჩნდა და ათწლეულები საზოგადოებას საახალწლო განწყობას უქმნიდა.
პირველი სადღესასწაულო პოსტერი ჰადდონმა 1931 წელს შექმნა - პირველი „ადამიანური“ სანტა, 6 ფუტის სიმაღლის მამაკაცი მოციმციმე თვალებით. ამ პერიოდში სანდბლომმა მოდელად პენსიაზე გასული გაყიდვების მენეჯერი გამოიყენა. მოდელის გარდაცვალების შემდეგ, მხატვარ-ილუსტრატორი დიდხანს ეძებდა მის შემცვლელს. ერთხელაც მეგობარმა ჰადდონს ურჩია, რომ სანტასთვის საკუთარი სახე გამოეყენებინა და მხატვარმა ამ გზას მიმართა.
3 ათწლეულის განმავლობაში, 60-იან წლებამდე ჰადდონ სანდბლომი ყოველწლიურად ქმნიდა Coca-Cola-ს სარეკლამო პოსტერებს. სწორედ სანტა კლაუსის მისეულმა ხედვამ, მისმა დამაჯერებლობამ და ენთუზიაზმმა შექმნა კონცეფცია, რომელმაც საუკუნეებს გაუძლო.
დღეს, ჩვენი რედაქცია შემოდგომის ლუქების შთაგონებას გთავაზობთ. ტემპერატურის დაცემასთან ერთად, დროა, გარდამავალი სეზონის ლუქებზე ფიქრიც დავიწყოთ. სეზონის სტილის განუყოფელი ნაწილი კი კაბისა და ჩექმების მარტივი და ელეგანტური კომბინაციაა.
მოდის ისტორიაში არმანის სახელი განსაკუთრებულ ადგილს იკავებს. ის იმ დიზაინერთა შორისაა, რომლებმაც ეპოქის მიმართულება შეცვალეს. ჯორჯო არმანიმ მამაკაცის კოსტუმს ახალი სახე მისცა, ქალთა მოდაში კი თავდაჯერებული და ელეგანტური სტილი დაამკვიდრა. არმანის სახელი სამუდამოდ უკვდავყოფილია როგორც მოდის, ისე კულტურის ისტორიაში.
ანა ვინტურმა ამერიკული Vogue-ის სარედაქციო კონტენტის ახალი ხელმძღვანელი წარადგინა. ვინტური მოდის ყველაზე გავლენიან ჟურნალს არ ტოვებს, თუმცა ამერიკული გამოცემის საქმიანობას ამიერიდან 39 წლის ქლოე მალი გაუძღვება.
