ზაფხულის სიცხეები ნელ-ნელა პიკს უახლოვდება. ტემპერატურის მატებასთან ერთად, ჰიდრატაცია, მზისგან დაცვა და მსუბუქი, კომფორტული სამოსი ყოველდღიური რუტინის აუცილებელი ნაწილი ხდება. თუმცა კომფორტი სულაც არ ნიშნავს სტილზე უარის თქმას – პირიქით, სწორად შერჩეული სამოსის დეტალი შეიძლება ლუქის საუკეთესო ნაწილიც კი გახდეს.
The Diary-ს რედაქცია საზაფხულო სანდლების ხუთ ტრენდს გაგაცნობთ, რომელიც ამ სეზონის ყველაზე მოთხოვნადი და პრაქტიკული არჩევანია.
ფლიპ-ფლოპები ქალაქში
ფლიპ-ფლოპებმა პლაჟიდან ქალაქის ქუჩებში გადმოინაცვლა. სხვადასხვა ბრენდი ამ სტილის სანდლების მრავალფეროვან დიზაინს გვთავაზობს, მათ შორის რბილი ტყავით, ზამშით, სხვადასხვა ტიპისა და სიმაღლის ქუსლებით. მათი დახვეწილი, მარტივი დიზაინი სანდლებს ყოველდღიური ლუქის შეუმჩნეველ, მაგრამ მნიშვნელოვან დეტალად აქცევს – ძალიან უხდება როგორც შორტებს, ისე გრძელ, გამოსასვლელ კაბებს.
 |
|
 |
|
ულტრა ბრტყელი სანდლები
ამ ზაფხულს ულტრა ბრტყელი სანდლები ყველაზე კომფორტული და ტრენდული არჩევანია. გარდა Hermès-ის ცნობილი სანდლებისა, სხვა ბრენდებიც უამრავ არჩევანს გვთავაზობენ. შეგხვდებათ მოდელები კოჭზე მოსახვევი თასმებით, ე.წ. Jelly Shoes ან მეტალის დეტალებით გაფორმებული ფეხსაცმელები.
 |
|
 |
|
 |
|
მეთევზის სტილი
ზღვასთან ასოცირებული დიზაინი ზაფხულის ტრენდებში ყოველთვის იგრძნობა, თუმცა, წელს მეთევზის ესთეტიკა განსაკუთრებულად ყურადღების ცენტრშია. მეთევზეების საქმიანობიდან წამოღებულია ბადეების დიზაინიც, რომელიც სანდლების მოდელებში სხვადასხვა ინტერპრეტაციით გვხვდება.
 |
|
 |
|
 |
|
სანდლები, რომლებიც სუნთქავს
ამ სეზონზე ბადის ეფექტი სანდლების დიზაინის ერთ-ერთ მთავარ ელემენტად იქცა. დაბალი ან მაღალი ქუსლი და მოქსოვილი ზედაპირი მათ ნებისმიერი დღისთვის იდეალურ ვარიანტად აქცევს, იქნება ეს ოფისის ჩვეულებრივი დღე თუ საზაფხულო ქორწილი.
 |
|
 |
|
ფოჩებიანი სანდლები
თუ ზაფხულში წინამო არაკომფორტული სატარებელია, სამაგიეროდ, იგი ფეხსაცმელების დიზაინში ამართლებს. ფოჩებიანი სანდლები ამ სეზონის ერთ-ერთი გამორჩეული ტრენდია.
 |
|
 |
|
დღეს, ჩვენი რედაქცია შემოდგომის ლუქების შთაგონებას გთავაზობთ. ტემპერატურის დაცემასთან ერთად, დროა, გარდამავალი სეზონის ლუქებზე ფიქრიც დავიწყოთ. სეზონის სტილის განუყოფელი ნაწილი კი კაბისა და ჩექმების მარტივი და ელეგანტური კომბინაციაა.
მოდის ისტორიაში არმანის სახელი განსაკუთრებულ ადგილს იკავებს. ის იმ დიზაინერთა შორისაა, რომლებმაც ეპოქის მიმართულება შეცვალეს. ჯორჯო არმანიმ მამაკაცის კოსტუმს ახალი სახე მისცა, ქალთა მოდაში კი თავდაჯერებული და ელეგანტური სტილი დაამკვიდრა. არმანის სახელი სამუდამოდ უკვდავყოფილია როგორც მოდის, ისე კულტურის ისტორიაში.
ანა ვინტურმა ამერიკული Vogue-ის სარედაქციო კონტენტის ახალი ხელმძღვანელი წარადგინა. ვინტური მოდის ყველაზე გავლენიან ჟურნალს არ ტოვებს, თუმცა ამერიკული გამოცემის საქმიანობას ამიერიდან 39 წლის ქლოე მალი გაუძღვება.
