პარიზის მოდის კვირეულის ძირითად განრიგში, ქართველი დიზაინერისა და ფოტოგრაფის საერთოდ ბრენდი Situationist უკვე მეორედ ვიხილეთ. მოდის სამყაროში კარგად ცნობილი და გავლენიანი სახელების გვერდით, Situationist-მა, მოდის კვირეულის ციებ-ცხელებაში შემოდგომა/ზამთარი 2021 წლის კოლექციის ლუქბუქი, პანდემიის ფონზე, ციფრულ ფორმატში წარადგინა.
ამ სეზონის Situationist-ის კოლექციის ვიდეო მოდის ანთროპოლოგიის ნიმუშს უფრო წააგავდა, ვიდრე უბრალოდ ლუქბუქს
Forbidden Family - აკრძალული ოჯახი, ასე ჰქვია 6-წუთიან ფილმს, რომელიც საქართველოს მაღალ მთაში იღებს სათავეს და ნელნელა ქვეყნის განსხვავებულ ბუნებას, ესთეტიკასა და იერსახეს გაგვაცნობს.
მოდური ჩვენება თოვლში, რომელიც ხილვისთანავე Jacquemus-ის უდაბნოში გამართული ჩვენებას გვახსენებს, თუმცა კონტრასტსაც იმთავითვე გვაგრძნობინებს, ქართული ცეკვისა და სამოსის ელემენტები, პოსტსაბჭოური არქიტექტურა და სახასიათო სახეები - ამ და კიდევ სხვა მნიშვნელოვანი დეტალებისგან შედგება ირაკლი რუსაძის შემოდგომა/ზამთარი 2021 წლის ლუქბუქი, რომელიც დავით გიორგაძისა და სალომე ფოცხვერაშვილის ნამუშევარს წარმოადგენს. ფილმის არანჟირება კი მუსიკოსის ნიკა მაჩაიძის შემოქმედებაა.
ირაკლი რუსაძისა და დავით გიორგაძის მიერ დაარსებული ბრენდი Situationist უკვე წლებია საქართველოს საზღვრებს გარეთ წარმატებით იყიდება და ყოველ ჯერზე ბრენდის სულისჩამდგმელები ცდილობენ საქართველოს კულტურა და ესთეტიკა მოდის სამყაროს თავისი დიდებულებით გააცნონ.
რევოლუციური სულის მქონე ბრენდის გუშინდელმა ჩვენებამ პარიზის მოდის კვირეულზე, უცხოური პრესის დადებითი გამოხმაურება უკვე დაიმსახურა.
Stranger Things-ის მეხუთე და საბოლოო სეზონის ტრეილერი უკვე გამოვიდა. ტრეილერში ჩანს, რომ ჰოკინსი სამხედრო კარანტინის ქვეშაა, ქალაქი ქაოსსა და შიშს აქვს მოცული, ხოლო პერსონაჟებს ვეკნასთან გადამწყვეტი ბრძოლა ელით.
Victoria’s Secret-ის 2025 წლის შოუ ნიუ-იორკში, 15 ოქტომბერს გაიმართება. ფერადი ფრთებით, ნოსტალგიური ელემენტებითა და ახალ ენერგიით სავსე პოდიუმზე ვიხილავთ ლეგენდარულ მოდელებსა და ახალ სახეებს, მათ შორის მატილდა გვარლიანს.
ლეგენდარული Ocean’s Eleven-ის ვარსკვლავები ეკრანებზე ბრუნდებიან. ჯორჯ კლუნი ადასტურებს, რომ Ocean’s 14-ის გადაღებები რამდენიმე თვეში დაიწყება. ამასთან, Warner Bros-ი Ocean’s-ის პრიქველზეც იწყებს მუშაობს, სადაც მარგო რობისა და ბრედლი კუპერს ვიხილავთ.
