დედამიწის ერთ კუთხეში ქალი თმობს სამეფო ტიტულს რიგით ადამიანზე ქორწინებით და 1.4 მილიონი დოლარის კომპენსაციაზეც უარს აცხადებს, მეორე მხარეს კი ქალი სამუდამოდ უკავშირებს საკუთარ ცხოვრებას სამეფო ოჯახს, ორივე გადაწყვეტილების საბაბი, რა თქმა უნდა, სიყვარული გახლავთ.
იაპონიის პრინცესა მაკოს ისტორია ჩვენთვის უკვე კარგად გახდა ცნობილი, დღეს კი საბერძნეთისა და დენმარკის პრინცესა ნინას გაგაცნობთ, რომელმაც გასულ კვირას რჩეულზე - პრინც ფილიპოსზე იქორწინა. სამეფო წყვილის ქორწილი ათენში, Metropolitan Cathedral-ში გაიმართა, მიუხედავად იმისა, რომ სამეფო ოჯახი ქვეყნის სათავეში აღარ იმყოფება, საქორწინო ცერემონია ოჯახის ტრადიციების მიხედვით გაიმართა.
პრინცი ფილიპოსისა და პრინცესა ნინას პირველი და მოკრძალებული ქორწილი 2020 წლის დეკემბრის თვეში გაიმართა, ამ დროს მონარქებმა ხმამაღლა განაცხადეს, რომ ისინიც ჩვეულებრივი მოკვდავები არიან, ახლა კი როდესაც ფილიპოსა და ნინას შესაძლებლობა მიეცათ ფიცი საყვარელი ადამიანების გარემოცვაში განეახლებინათ - ასეც მოიქცნენ.
პრინცესა ნინათვის, რომელიც უწინ VistaJet-ის კრეატიულ დირექტორად მუშაობდა, მოდის სამყარო უცნობი ხილი ნამდვილად არ გახლდათ, მან ქორწილისთვის Chanel-ის დიდებული საპატარძლო კაბა მოირგო, რომელსაც პრინცესამ სამეფო ტიარა და ბრილიანტებითა და მარგალიტებით შემკული სამკაულიც შეუხამა.
სამეფო ოჯახში თავი ევროპის სხვადასხვა ქვეყნის მონარქებმა მოიყარეს, სტუმართა შორის გახლდნენ, პრინცესა ბეატრისი და პრინცესა ეუგენია მეუღლეებთა ერთად - დიდი ბრიტანეთიდან, ესპანეთის დედოფალი სოფია, ჰანოვერის პრინცი ქრისტიანი და პრინცესა ალესანდრა და სხვები.
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
ყველასათვის გასაგებ ენაზე რომ განვმარტოთ, "უცხოური გავლენის გამჭვირვალობის შესახებ" კანონის მიღება ნიშნავს მონიტორინგის ამოქმედებას, რაც შეეხება ყველას, ვისაც რაიმე სახით მიუღია უცხოური დაფინანსება, მათ შორის ორგანიზაციებს, რომლებიც უცხოური კაპიტალით ფინანსდება (არასამთავრობო ორგანიზაციები, იურიდიული საკონსულტაციო ფირმები და ა.შ.).
აშშ-ში მიმდინარე არჩევნები მთელი მსოფლიოს ყურადღების ცენტრშია. ერთმანეთს მეორე ვადით არჩევაში ყოფილი და ამჟამინდელი პრეზიდენტები - დონალდ ტრამპი და ჯო ბაიდენი ეჯიბრებიან. რამდენიმე დღის წინ დემოკრატიული პარტიის ლიდერმა, ჯო ბაიდენმა საპრეზიდენტო კამპანიის ფარგლებში ღონისძიება გამართა. საღამო ნიუ იორკში, Radio City Music Hall-ში გაიმართა და ბაიდენთან ერთად მთავარი სტუმრები ბარაკ ობამა და ბილ კლინტონი იყვნენ.
