„ახალი წელი ახალი პროექტით“ - ქართველი სამრეწველო დიზაინერი, ზვიად ციკოლია სუნამოს წარმოებას იწყებს. სიახლე, დიზაინერმა საზოგადოებას სოციალური ქსელის მეშვეობით გაუზიარა და მაღალი ინტერესიდან გამომდინარე, რამდენიმე დეტალიც გაუმხილა.
სამი განსხვავებული არომატი და ქვევრის ფორმის ფლაკონები, რომლებიც დიზაინერის შემოქმედებით ხელწერადაც შეგვიძლია მივიჩნიოთ, უკვე მზადების პროცესშია. როგორც ზვიად ციკოლია აცხადებს, მისი არომატები შექმნილი იქნება სპეციალურად ციკოლიასთვის და ის არცერთი სხვა ცნობილი თუ ნაკლებად ცნობილი ბრენდის არომატს არ გაიმეორებს.
სპილენძისფერი, ოქროსფერი, ვერცხლისფერი და გამჭვირვალე ფლაკონები თავიანთი ხის სადგამებით საქპატენტმა უკვე დაარეგისტრირა და მათი ფოტო Facebook-ის ოფიციალურ გვერდზეც განათავსა.
"საქპატენტში რეგისტრირებულ დიზაინებს ახალი, ორიგინალური ფორმის პროდუქტი შეემატება... რეგისტრაციის თაობაზე საქპატენტის ექსპერტიზამ დადებითი გადაწყვეტილება გამოიტანა" - ნათქვამია ფოტოსურათის აღწერაში.
ჯერჯერობით უცნობია, როდიდან დაიწყება ციკოლიას პირველი სუნამოს გაყიდვა ან რა ეღირება დიზაინერის ახალი პროდუქტი, თუმცა მისი თავისუფალი, ინოვაციური აზროვნებისა და დახვეწილი შემოქმედების გავლენით, ეჭვიც არ გვეპარება, რომ დიზაინერი ძალიან საინტერესო, დასამახსოვრებელ და უნიკალურ არომატებს შემოგვთავაზებს.
ზვიად ციკოლიას სახელი დიზაინის სფეროში ყოველთვის ახალ სიტყვასთან ასოცირდება. პირველი გამოფენიდან მოყოლებული, რომელიც დიზაინერმა 1986 წელს ფოთში გამართა, ზვიად ციკოლიას სახელმა დიდებისა და პოპულარობის მოპოვება დაიწყო. მას შემდეგ, რაც დიზაინერის მიერ შექმნილი თვითმფრინავი ფრანკფურტის აეროპორტში დაჯდა, მოგვიანებით „ბუგატის“ თემით ინსპირირებული პროტოტიპი შექმნა ან ცხოვრებაში მისთვის ყველაზე მნიშვნელოვან პროექტზე - „დიდგორზე“ იმუშავა, ზვიად ციკოლიამ საათების ცნობილი კომპანია Tsikolia-ც დაარსა.
ბრენდი Tsikolia-ს ქვეშ დიზაინერი უკვე რამდენიმე წელია ამოუწურავი ფანტაზიით, როგორც ქალებისთვის, აგრეთვე მამაკაცებისთვის ორიგინალური დიზაინის საათებს ქმნის. Tsikolia-ს დიზაინებს უნიკალურობას ისიც მატებს, რომ თითოეული მათგანის დიზაინი ზვიად ციკოლიასთვის კონკრეტულ მოვლენას, ისტორიულ ფაქტს ან ტრანსპორტს უკავშირდება.
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
ყველასათვის გასაგებ ენაზე რომ განვმარტოთ, "უცხოური გავლენის გამჭვირვალობის შესახებ" კანონის მიღება ნიშნავს მონიტორინგის ამოქმედებას, რაც შეეხება ყველას, ვისაც რაიმე სახით მიუღია უცხოური დაფინანსება, მათ შორის ორგანიზაციებს, რომლებიც უცხოური კაპიტალით ფინანსდება (არასამთავრობო ორგანიზაციები, იურიდიული საკონსულტაციო ფირმები და ა.შ.).
