დასავლური მედიის ცნობით, ცნობილ ქართველ მოჭადრაკეს ნონა გაფრინდაშვილსა და ერთ-ერთ ყველაზე პოპულარულ საკაბელო არხ Netflix-ს შორის სასამართლო დავა მორიგებით დასრულდა, თუმცა რაზე შეთანხმდნენ მხარეები ეს ჩვენთვის უცნობია.
„მხარეები მოხარულები არიან, რომ საკითხი გადაიჭირა“ – განაცხადა ნონა გაფრინდაშვილის ინტერესების წარმომადგენელმა - ადვოკატმა ალექსანდერ რუფუს-ისაქსმა, იგივე განცხადება გააკეთეს Netflix-ის წარმომადგენლებმაც.
ნონა გაფრინდაშვილმა Netflix-ის წინააღმდეგ სასამართლო დავა 2021 წლის სექტემბერში წამოიწყო, საქმე საკაბელო არხის ერთ-ერთ ყველაზე პოპულარულ მინისერიალ „ლაზიერის გამბიტს“ შეეხებოდა, რომელიც გამოგონილი ვუნდერკინდი მოჭადრაკე ქალის, ბეთ ჰარმონის (ანია ტეილორ-ჯოი) ცხოვრებაზე მოგვითხრობს, რომელიც ჯერ აშშ-ის, შემდეგ მსოფლიო ჭადრაკის ოლიმპიადებზე იმკვიდრებს ადგილს.
სერიალის ფინალურ სერიაში, სადაც ბეთი რუს მეტოქეს და გროსმაისტერს უპირისპირდება, გაჟღერებულია ნონა გაფრინდაშვილის სახელი, თუმცა დამახინჯებულად. სერიალში ლეგენდარულ ქართველ მოჭადრაკეს რუსად მოიხსენიებენ და იმასაც ამბობენ, რომ მას არასდროს უთამაშია მამაკაცებთან, რაც სრული სიცრუეა. თუ „ლაზიერის გამბიტის“ მოქმედებები 1968 წელს ვითარდება, ამ პერიოდში ნონას უკვე 50-ზე მეტ მამაკაცთან ჰქონდა ნათამაშები.
ქართველი მოჭადრაკე ამერიკული კომპანიისგან ზიანის ანაზღაურების სანაცვლოდ 5 მილიონ დოლარს მოითხოვდა. რამდენიმე თვეში Netflix-მა სარჩელის შეწყვეტასთან დაკავშირებით შუამდგომლობა დააყენა, თუმცა ამერიკის შეერთებული შტატების სასამართლომ იგი არ დააკმაყოფილა. ერთწლიანი დავის შემდეგ კი, როგორც ჩანს, მხარეები შეთანხმებამდე მივიდნენ.
ნონა გაფრინდაშვილი ცოცხალი ლეგენდაა ჭადრაკის ისტორიაში: მსოფლიოს პირველი ყველაზე ახალგაზრდა ჩემპიონი, პირველი ხუთგზის მსოფლიო ჩემპიონი, პირველი დიდოსტატი ქალი, პირველი დიდოსტატი ქალი ვაჟთა შორის და ქალთა საჭადრაკო ოსკარის პირველი მფლობელი.
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
ყველასათვის გასაგებ ენაზე რომ განვმარტოთ, "უცხოური გავლენის გამჭვირვალობის შესახებ" კანონის მიღება ნიშნავს მონიტორინგის ამოქმედებას, რაც შეეხება ყველას, ვისაც რაიმე სახით მიუღია უცხოური დაფინანსება, მათ შორის ორგანიზაციებს, რომლებიც უცხოური კაპიტალით ფინანსდება (არასამთავრობო ორგანიზაციები, იურიდიული საკონსულტაციო ფირმები და ა.შ.).
