გერმანულენოვანი ქართველი მწერალი და დრამატურგი, ნინო ხარატიშვილი, გერმანიის რაინლანდ-პფალცის ფედერალური მხარის ლიტერატურული პრემიით - კარლ ცუკმაიერის მედლით დაჯილდოვდა. გერმანული ენისა და მხატვრული სიტყვისადმი დამსახურებისთვის, ნინოს ჯილდოს ქალაქ მაინცში, ფედერალური მხარის პრემიერ მინისტრი მალუ დრეიერი გადასცემს.
„ნინო ხარატიშვილი განსაკუთრებული მთხრობელია, რომელიც ცხოვრების დიდი და პატარა ტრაგედიების შესახებ გვიამბობს. ის ისე ნათლად და დაუნდობლად გვიყვება ადამიანებზე, რომლებიც ცხოვრების ყველაზე რთული გამოწვევების წინაშე დგანან, რომ წიგნის ხელიდან გაშვებას ვერაფრით ვახერხებთ. მის რომანებში ბევრი ჩრდილია, მაგრამ უფსკრულების მიუხედავად წიგნებში იმედის შუქიც არასდროს ქრება. ამ ოპტიმიზმით, ის ძალიან ჰგავს კარლ ცუკმაიერს“ - განაცხადა მალუ დრეიერმა.
მწერალი, დრამატურგი და თეატრის რეჟისორი ნინო ხარათიშვილი დაიბადა თბილისში 1983 წელს და 2003 წლიდან ცხოვრობს გერმანიაში. სტუდენტობის დროს მან დააარსა გერმანულ-ქართული თეატრალური ჯგუფი და მალევე გაითქვა სახელი ჰამბურგში. ნინო საკუთარ თავს კულტურებს შორის საზღვრისპირა მგზავრად მოიხსენიებს. ხარატიშვილის რიგით მესამე რომანმა „მერვე სიცოცხლე (ბრილკას)“ მნიშვნელოვანი გარღვევა მოახდინა კრიტიკოსებსა თუ მკითხველში. 2014 წლის 1280 გვერდიანი ნამუშევარი მონუმენტური სოციალური რომანია, რომელიც მე-20 საუკუნის ქართული ოჯახის ცხოვრებას ექვსი თაობის მანძილზე აღწერს.
რიგით მეოთხე რომანი „კატა და გენერალი“, რომელიც 2018 წელს გამოიცა და რომელშიც მოქმედება ჩეჩნეთში ვითარდება, გერმანული წიგნის პრიზის მოკლე სიაში მოხვდა.
დიდი მწერლისა და დრამატურგის პატივსაცმად - კარლ ცუკმაიერის მედალი, 1979 წლიდან მოყოლებული, ტრადიციულად, ყოველ 18 იანვარს გაიცემა. წინა პრიზიორებს შორის არიან ავტორები ფრიდრიხ დიურენმატი, ჰერტა მიულერი, თომას ბრუსიგი და უვე ტიმი, მსახიობები კატარინა ტალბახი, მარიო ადორფი და ბრუნო განცი, მომღერალი და ავტორი სვენ რეგენერი და მუსიკოსი ლინდენბერგ პისი.
ნინო ხარატიშვილის შემოქმედების ტოპ 5 წიგნის შესახებ კი შეგიძლიათ ჩვენს სტატიაში წაიკითხოთ.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
აშშ-ში მიმდინარე არჩევნები მთელი მსოფლიოს ყურადღების ცენტრშია. ერთმანეთს მეორე ვადით არჩევაში ყოფილი და ამჟამინდელი პრეზიდენტები - დონალდ ტრამპი და ჯო ბაიდენი ეჯიბრებიან. რამდენიმე დღის წინ დემოკრატიული პარტიის ლიდერმა, ჯო ბაიდენმა საპრეზიდენტო კამპანიის ფარგლებში ღონისძიება გამართა. საღამო ნიუ იორკში, Radio City Music Hall-ში გაიმართა და ბაიდენთან ერთად მთავარი სტუმრები ბარაკ ობამა და ბილ კლინტონი იყვნენ.
ამერიკელი მომღერალი Lizzo, ინსტაგრამის მეშვეობით მოულოდნელ განაცხადს აკეთებს. ის ამბობს, რომ ტყუილებითა და ბრალდებებით დაიღალა და SHE QUITS. მუსიკის სამყარო და მისი გულშემატკივრები ცდილობენ, გაიგონ აპირებს თუ არა მომღერალი კარიერის დასრულებას, თუ ამ სიტყვების უკან სხვა გზავნილი იმალება.
