ვენეციის კინოფესტივალი მიმდინარეობს და წითელ ხალიჩაზე მომხდარი ამბები განხილვის მთავარი საგანია. რამდენიმე დღის წინ, ჯორჯ და ამალ კლუნებს ბრეტ პიტი, ახალ შეყვარებულთან, ინეს დე რამონთან ერთად პაემანზე შეუერთდა. საღამოს ფოტოები ინტერნეტ სივრცეს ვირუსულად მოედო.
ჰოლივუდის გლამურულ სამყაროს თავისი საფასური აქვს. ვარსკვლავების პირადი ცხოვრება ყოველთვის მედიისა თუ პაპარაცების ყურადღების ქვეშაა. ამჯერად, ეპიცენტრში ბრედ პიტი და ინეს დე რამონი მოექცნენ. ბრედ პიტის ურთიერთობები ყოველთვის უდიდეს ინტერესს იწვევდა, ანჯელინა ჯოლისთან განქორწინების შემდეგ კი, ეს ინტერესი კიდევ უფრო გაიზარდა.
Wolfs-ის პრემიერაზე მისული წყვილის დებიუტი წითელ ხალიჩაზე ვიხილეთ. გუშინ ბრედ პიტი Louis vuitton-ის შავი სმოკინგით იყო წარმოდგენილი და 1970-იანების სტილით ინსპირირებული ფართო ტოტებიანი შარვალი ეცვა. ინესი თავიდან ბოლომდე თეთრებში იყო შემოსილი, ხელში კი ოქროსფერი ჩანთა ეკავა.
როგორც ცნობილია, ინესი ინგლისურ, ესპანურ, ფრანგულ და გერმანულ ენებს ფლობს და ჟენევის უნივერსიტეტის კურსდამთავრებულია. 2013 წელს ინესმა ბიზნეს ადმინისტრირების ბაკალავრის ხარისხი მიიღო. ამის შემდეგ პროფესიული კარიერა მოდისა და სამკაულების ბიზნესში გააგრძელა. ამჟამად ის ლოს-ანჯელესის ბრენდის, Anita Ko-ს ვიცე პრეზიდენტია. ჯორჯსა და ამალთან ერთად გადაღებულ პაპარაცულ ფოტოებში ჩანს, რომ ინესს სწორედ Anita Ko-ს სამკაულები უკეთია. ამ ბრენდის სამკაულებს ხშირად ატარებენ ცნობილი ადამიანები, მათ შორის კაია გერბერი, ჯონი დეპი თუ დეიზი ედგარ-ჯონსი.
მოდის სამყაროში წარმატებების გარდა, ინესი ინტეგრირებული კვების სერტიფიცირებული ქოუჩია. ბრედ პიტთან ურთიერთობამდე ინეს დე რამონი დაქორწინებული იყო მსახიობ პოლ უესლისზე, რომელიც სერიალ „ვამპირის დღიურებში“ შესრულებული როლითაა ცნობილი. წყვილი 2019 წელს დაქორწინდა, თუმცა 2022-ში განშორების შესახებ გაავრცელეს ინფორმაცია.
ინეს დე რამონი და ბრეტ პიტი ერთად პირველად 2022 წლის ნოემბერში, ლოს-ანჯელესში, ბონოს კონცერტზე შენიშნეს. წყვილი ერთად დააფიქსირეს 2023 წელს მექსიკაში მოგზაურობის დროსაც. წითელ ხალიჩაზე გამოჩენით წყვილმა ურთიერთობას ჰოლივუდის ენაზე ოფიციალური სახე მიანიჭა.
მერაბ დვალიშვილმა UFC 306-ზე, ლას-ვეგასიდან ჩემპიონის სტატუსი და დამსახურებული ქამარი წამოიღო. ჩემპიონობამდე განვლილი რთული გზით მან ყველას აჩვენა, რომ თავდადებით, გამძლეობითა და საკუთარი თავის ურყევი რწმენით, ყველაზე რთული ოცნებების მიღწევაც კი შესაძლებელია.
გამოფენა "მდელო ნადავლისთვის" 13 ოქტომბერს, ართბითის გალერეაში გაიხსნა. ერთი თემის ირგვლივ 3 არტისტის, ანა გზირიშვილის, ნინა კინწურაშვილისა და შარლ დეიეჟიტერის ნამუშევრები საგამოფენო დარბაზში 25 ოქტომბრამდე იქნება წარმოდგენილი.
1991 წელს მადონა მაიკლ ჯექსონთან ერთად ოსკარების წითელ ხალიჩაზე თეთრი, მბრწყინავი კაბით გამოჩნდა. გუშინ კი, პოპის დედოფლისთვის შექმნილი კაბა 2024 წლის კაშკაშა ვარსკვლავმა, საბრინა კარპენტერმა MTV VMAs-ის დაჯილდოებაზე მოიგო.
