ემილი პარიზში VS LA FRANCE MOCHE
თუ ნამდვილი პარიზის გაცნობა გაინტერესებთ, სერიალს - "ემილი პარიზში" ნუ დაეყრდნობით. Netflix-ის შოუ საფრანგეთის დედაქალაქის მხოლოდ ყველაზე ბრჭყვიალა ნაწილს გვაჩვენებს.
| ანნა მათიაშვილი |
ვენეციის კინოფესტივალი წელს რიგით 81-ე გამოშვებით დაგვიბრუნდა. საერთაშორისო ფესტივალი 28 აგვისტოს გაიხსნა და 7 სექტემბერს იტალიელი რეჟისორის პუპი ავიტის ფილმით "The American Backyard" დაიხურება. იტალიის უმშვენიერესი ქალაქის წითელ ხალიჩაზე ჰოლივუდის ვარსკვლავები, ცნობილი მოდელები თუ მსახიობები თვალისმომჭრელი სამოსით გამოჩნდნენ, სტატიაში ჩვენს რჩეულებს გაგიზიარებთ.
55 წლის მსახიობი და პროდიუსერი კვლავ აგრძელებს ვარსკვლავებს შორის კაშკაშს. ღია ოქროსფერი Armani Privé-ს კაბა და ლუი ვიტონის მხრებზე გადაწეული ყელსაბამი მის ერთ-ერთ საუკეთესო ლუქადაც შეგვიძლია მივიჩნიოთ.
ბრაზილიელი მოდელი ვენეციაში კამერების წინაშე Ermanno Scervino-ს შავი, ნახევრად გამჭვირვალე კაბით გამოჩნდა. ვიქტორია სეკრეტის ყოფილი მოდელის სადა ლუქი მეტად ელეგანტურად ულამაზესმა ყელსაბამმა აქცია.
სილამაზის ეტალონი, მონიკა ბელუჩი კინოფესტივალზე რეჟისორთან, ტიმ ბარტონთან ერთად წარსდგა. იტალიელმა მსახიობმა არჩევანი ვივიენ ვესტვუდის დახვეწილ შავ კაბაზე გააკეთა. აღსანიშნავია, რომ ფესტივალი 28 აგვისტოს სწორედ ტიმ ბარტონის ახალმა ნამუშევარმა Beetlejuice, Beetlejuice გახსნა.
45 წლის ჩინელი მსახიობი და მოდელი წითელ ხალიჩაზე ერთ-ერთი ყველაზე დასამახსოვრებელი ლუქით მოგვევლინა. იგი ველვეტის არმანის სამოსითა და შავი მარაოთი გამოჩნდა. როგორც ცნობილია, წელს იგი კინოფესტივალის ჟიურის ფუნქციას შეასრულებს.
საკულტო Wednesday Addams-ის როლის შემსრულებელი მსახიობი ფესტივალის გახსნით ცერემონიასა და ტიმ ბარტონის ფილმის პრემიერას მომაჯადოებელი ლუქით დაესწრო. მსახიობს დიორის წითელი კაბა და ამავე ბრენდის სამკაული ამშვენებდა.
კანადელი მსახიობის, ტეილორ რასელის თეთრი კაბა Chanel Couture-ის ვინტაჟური კოლექციიდანაა. კაბა თავდაპირველად კლაუდია შიფერმა შანელის 1993 წლის ჩვენებაზე წარადგინა. Chanel-ის კაბას ტეილორმა Tiffany & Co-ს ყელსაბამი შეუხამა.
უინონა რაიდერი ვენეციაში Beetlejuice Beetlejuice-ის ქასთის ერთ-ერთი წევრის ამპლუაში გამოჩნდა. ამერიკელი მსახიობი კინოფესტივალის წითელ ხალიჩაზე გოთიკური სტილის შავი კაბით წარსდგა.
არ გამოგრჩეთ
5 ფილმი ვენეციის კინოფესტივალიდან
2024 წლის ვენეციის კინოფესტივალი 28 აგვისტოს დაიწყო და 7 სექტემბრამდე გაგრძელდება. ფესტივალზე მთავარი კონკურსის მონაწილე ფილმების ნაწილის პრემიერა უკვე შედგა. ჩვენ დღეს მარათონში ჩართული 5 ფილმის შესახებ მოგიყვებით.
სკანდალი ბლეიკ ლაივლის ახალი ფილმის გარშემო
Hollywood-ში ბლეიქ ლაივლის "დაქენსელებას" ცდილობენ. მსახიობი ოჯახური ძალადობის შესახებ გადაღებული ფილმის მთავარი გმირია, თუმცა საზოგადოების აზრით, მსახიობი პროექტს მხოლოდ საკუთარი ბრენდების პოპულარიზაციისთვის იყენებს.