სმარტფონებზე ფასების სწრაფი ზრდის ნათელი მაგალითი Samsung-ის უახლესი, მოსაკეცი დივაისია, რომლის ფასიც 2 400 დოლარი გახლავთ. ამავდროულად, წამყვანი კომპანიები ბაზარზე ახალ ბიუჯეტურ ვერსიებს გვთავაზობენ, რომელთა ტექნიკური, თუ ვიზუალური მონაცემებიც ბევრი არაფრით ჩამოუვარდება ფუფუნების საგნად ქცეულ ტელეფონებს. ჩვენ იმ სმარტფონებს გაგცნობთ, რომელთა ფასიც 100-დან 500 დოლარამდე მერყეობს და ტექნიკის მაღაზიებში საქართველოშიცაა ხელმისაწვდომი.
NOKIA 1.3 DUAL SIM
ოპერატიული მეხსიერება: 1 GB
შიდა მეხსიერება: 16 GB
მთავარი კამერა: 8 MP
ეკრანის გაფართოება: 720x1520 Pixels
წლების მანძილზე NOKIA-ს არა ერთი ბიუჯეტური სმარტფონის რევიუ გვინახავს, მაგრამ nokia 1.3 Dual sim პირველია, რომლის ღირებულებაც 135$-ს ქვემოთაა. 5.7 ინჩიანი, კომპაქტური სმარტფონი ანდროიდის ახალ ვერსიაზე - Android Go მუშაობს, რაც Android 10-ის შედარებით მსუბუქი ვერსიაა, რომელიც დაბალი სიმძლავრის მოწყობილობებისთვის შეიქმნა.
XIAOMI POCOx3 NFC
ოპერატიული მეხსიერება: 6 GB
შიდა მეხსიერება: 64 GB
მთავარი კამერა: 64+13+2+2
ეკრანის გაფართოება: 1080 x 2400 pixels
პოკო კიდევ ერთი ცხელი გარიგებით დაბრუნდა. Poco X3 NFC რამდენიმე ისეთ ფუნქციას გვთავაზობს, რომლებსაც Android- ის უფრო ძვირადღირებული ტელეფონებისგან ველით. მაგალითად, Snapdragon G სერიის პროცესორისა და 120 ჰერციანი ეკრანის წყალობით, მარტივად იგრძნობა ხარისხი, სიმძლავრე და შესრულება. ანდროიდი ასევე გამოირჩევა ელემენტის შესანიშნავი ხანგრძლივობით. მოკლედ, თუ ბიუჯეტურ ვერსიას ეძებთ, ეს თქვენთვის შესანიშნავი ვარიანტია.
GOOGLE PIXEL 4A
ოპერატიული მეხსიერება: 6 G
შიდა მეხსიერება: 128 GB N1
კამერა: 12.2 MP, f/1.7, 28mm (wide), 1/2.55".
ეკრანის გაფართოება: 1080 x 2340 pixels
Google-მა ახალი ბიუჯეტური მოდელით საკუთარი რეკორდი მოხსნა. გასულ წელს კომპანიამ ორი იდენტური სმარტფონი - Pixel 3A (399$) და 3A XL (479$) გამოუშვა, რომელთა შორის განსხვავება მხოლოდ ზომა გახლდათ. ამ ღირებულების სმარტფონები დიდად სახარბიელო ხარისხის კამერებით არ გამოირჩევა, მაგრამ Google Pixel 4A-ს გამოშვებით, ბრენდმა თამასა საკმაოდ ზემოთ აწია. გარდა იმისა, რომ სმარტფონის მთავარი კამერა გადასარევ ფოტოებს იღებს, ის წინამორბედებზე დაახლოებით 50$-ით იაფია, ხოლო მისი ელემენტი მთელი დღე ძლებს.
SAMSUNG GALAXY A42 5G
ოპერატიული მეხსიერება: 4GB
შიდა მეხსიერება: 128 GB
მთავარი კამერა: 4K@30fps
ეკრანის გაფართოვება: 720x1600px
Samsung-მა კი ბიუჯეტური გაყიდვების ახალი ჰიტი Galaxy A42 5G-ის სახით შემოგვთავაზა. პროდუქტის ღირებულება 470$-ს შეადგენს და მისი მახასიათებლებიდან გამომდინარე, შეიძლება ჩავთვალოთ, რომ Samsung-მა ყველა რეკორდი მოხსნა. სმარტფონი 6,6 დიუმიანი Super AMOLED ეკრანითაა წარმოდგენილი. მოწყობილობის გადაღებას კი 4 კამერიანი ძირითადი მოდული უზრუნველყოფს, რომლის ძირითადი ლინზაც 48 მეგაპიქსელია.
სოციალური, პოლიტიკური და გარემოსდაცვითი გამოწვევებით სავსე მსოფლიოში, მხატვრები და მოდის დიზაინერები უფრო და უფრო ხშირად მიმართავენ თავიანთ ხელობას, როგორც სოციალური პროტესტისა და აქტივიზმის საშუალებას. ყოველდღიური ჩაცმულობა ბევრმა ადამიანმა ხელოვნებად აქცია, თვითგამოხატვის მთავარ საშუალებად.
საქართველოში, ისევე როგორც მსოფლიოში, IT სფეროსადმი ინტერესი დღითი-დღე იზრდება. ერთად, გავეცნოთ ამ სფეროსთან დაკავშირებულ ძირითად ინფორმაციას და ვნახოთ ის პოზიციები, რომლებიც დასაქმების მხრივ ყველაზე მოთხოვნადი და მაღალ ანაზღაურებადია.
ვენეციის ბიენალე 60-ე გამოშვებით ბრუნდება. ფესტივალის ბრაზილიელმა კურატორმა, ადრიანო პედროსამ ფესტივალის თემატიკად “Foreigners Everywhere” დაასახელა და აღნიშნა, რომ ბიენალეს წლევანდელი გამოშვება ხალხის ყურადღებას განსაკუთრებით ისტორიულად მარგინიზებული ერების არტისტებისკენ მიაპყრობს.
