ქართველი ბიჭი, რომლის შესახებაც დღეს მოგიყვებით, Gen Z-ის ტიპური წარმომადგენელია, რომელსაც ადრეული ასაკიდან გაუჩნდა თანამედროვე ტექნოლოგიების მიმართ “გადამეტებული” ინტერესი, 3 წლის ასაკიდან დამოუკიდებლად იყენებს მისთვის საინტერესო ყველა გაჯეტს და მასაც ხშირად სჭირდება იმის შეხსენება, რომ “ჯერ უნდა იმეცადინოს”.
სულ ცოტა ხნის წინ Youtube-ზე ახალი ტექნოლოგიური არხი - The Tech Playground გამოჩნდა, სადაც თანამედროვე გაჯეტების შესახებ საკუთარ აზრს და გამოცდილებას 8 წლის პეტრე იმედაშვილი გვიზიარებს, რომელიც ოჯახთან ერთად ამერიკის შეერთებულ შტატებში ცხოვრობს. პატარა ტექ რევიუერი ცნობილი ქართველი რეჟისორის - დავით იმედაშვილის და ტელეწამყვანის - ანნა იმედაშვილის შვილია.
პირველი საბავშვო Tech Review არხის საშუალებით ინტერნეტ მაყურებელი სმარტფონების, ტაბლეტების, სათამაშო მოწყობილობების, თუ სხვა თანამედროვე ტექნოლოგიების შესახებ ინფორმაციას ბავშვური გულწრფელობით მიიღებს. ეს გახლავთ Youtube არხი ბავშვებისა და მათი მშობლებისთვის, რომელიც 8 წლის ბიჭის პირად გამოცდილებაზეა აგებული.
შოუს ელემენტებით გაფორმებული სერიები ყოველ ოთხშაბათ დღეს აიტვირთება და ტექნოლოგიურ სიახლეებს, Unboxing ვიდეოებს, თუ სხვა საინტერესო ამბებს შემოგვთავაზებს. ცნობილი ტექ რევიუერების არხებისგან განსხვავებით, Youtube მაყურებელი პეტრესგან თანამედროვე გაჯეტების ყველაზე გულწრფელ, ბავშვურად პირდაპირ და განსხვავებულ შეფასებას მოისმენს. 8 წლის წამყვანი ამა თუ იმ პროდუქტის მნიშვნელობას მშობლებსაც აუხსნის და შეეცდება ბავშვის ტექნოლოგიებთან ურთიერთობა სულ სხვა კუთხით დაგვანახოს.
The Tech Playground ამერიკული კომპანიის - Gravity Umbrella-ის ერთ-ერთი პირველი პროდუქტია. საერთაშორისო ბრენდის სახელის ქვეშ ფროდაქშენ სტუდია, კრეატიული სააგენტო და კიდევ არა ერთი მიმართულებაა გაერთიანებული.
ანდრია სახაროვის სახელობის ჯილდო 1988 წელს ევროპის პარლამენტის მიერ დაარსდა და ყოველწლიურად ადამიანის უფლებების და ძირითადი თავისუფლებების დაცვის, დემოკრატიის განვითარებისა და კანონის უზენაესობის დაცვის, საერთაშორისო სამართლის პატივისცემისა და უმცირესობის უფლებების დაცვის სფეროებში წარმატების შემთხვევაში გაიცემა.
დამარცხება არავის უყვარს და სინამდვილეში ფრაზა “არა უშავს” სრული ფარსია! თუმცა მარცხი საკუთარ შეცდომებზე სწავლის ყველაზე დიდი იარაღია. მამოტივირებელი შესავლის შემდეგ იმასაც შეგახსენებთ, რომ სარაგბო სამყარო საქართველოს ეროვნული ნაკრებისგან იმაზე გაცილებით მეტს ელოდა, ვიდრე „სტად დე ფრანსზე“ გამართულ შეხვედრაზე ვიხილეთ.
8 სექტემბერს რაგბის მსოფლიო ჩემპიონატი გაიხსნა, თუმცა ბორჯღალოსნების სამშობლოში რაგბის ციებ-ცხელება დღეს, 9 სექტემბერს, ავსტრალიისა და საქართველოს ეროვნული ნაკრებების შერკინებით იწყება. ჯგუფური ეტაპის შეხვედრა 20:00 საათზე დაიწყება, პირდაპირ ტრანსლაციას კი პირველი არხი გვთავაზობს.
