იცოდით, რომ დღე-ღამეში (ძილის დროის გამოკლებით) ცხოვრებისთვის სულ რაღაც 1000 წუთი გვრჩება?! და ამ 1000 წუთიდან უმეტეს დროს იმდენად პრიმიტიულ და რუტინულ ქმედებებში ვხარჯავთ, რომ რეალურად "ცხოვრებისთვის" დროს აღარ ვიტოვებთ...
9 ივლისს, Dem Lab-ის ორგანიზებით, ბაზალეთის ტბასთან მდებარე ახალგახსნილ სივრცეში რელიეფი ბაზალეთზე, ღონისძიება სახელწოდებით "1000 წუთი, სად მიდის ჩვენი დრო?" გაიმართა. ღონისძიების მიზანი ციფრულ ეპოქაში ადამიანის ყველაზე დიდი გამოწვევის - დროის და მისი რაციონალური გამოყენების გზების შესახებ პირადი გამოცდილებების გაზიარება გახლდათ. "1000 წუთის" პარტნიორი მარკეტინგული სააგენტო Marketig Hub-ია.
სტრესის, დროის ქრონიკული დეფიციტის, ემოციური გამოფიტვის, შფოთვის მაღალი ხარისხის, სოციალური ქსელებისა და ტექნოლოგიების გავლენის ფონზე, ადამიანებს ძალიან ცოტა დრო გვრჩება იმისთვის, რომ ჩვენი ყველაზე ძვირფასი რესურსი სწორი მიზნით მივმართოთ და შედეგად, უფრო ხშირად ვიყენებთ ტრივიალურ გამოთქმას "დრო არ მეყო".
რატომ ხდება ისე, რომ ჩვენ გარშემო ადამიანები უფრო ეფექტურად ახერხებენ დროის გამოყენებას ვიდრე ჩვენ? მათი წარმატების მთავარი გასაღები დროის მენეჯმენტში - ანუ საკუთარი თავის და დროის მართვაში უნდა ვეძებოთ, რომელიც საშუალებას აძლევს ადამიანს საქმეების პრიორიტეტიზაციით დღის 1000 წუთი მაქსიმალურად საკუთარ საჭიროებებს მოარგოს, თუმცა დროის მენეჯმენტიც ვერ არის ის უნივერსალური გამოსავალი, რომლითაც საკუთარ პრობლემებს გადავჭრით, ყოველ შემთხვევაში არ არსებობს ერთი კონკრეტული ფორმულა საკუთარი თავის მართვისა, რომელიც თითოეულ ჩვენგანზე იმუშავებდა.
სწორედ ამ პირადი გამოცდილებებების გასაზიარებლად მოიყარეს თავი ბაზალეთზე ისეთმა სპიკერებმა, როგორებიც ზაზა ფაჩულია, შოთა არველაძე, ივა ფეზუაშვილი, მებო ნუცუბიძე, აჩიკო გულედანი, უჩა აბაშიძე და ტექნოლოგიებისა და ციფრული სფეროს სხვა წარმომადგენლები არიან.
ღონისძიების კიდევ ერთი მიზანი სტუმრებისთვის ერთი სტრესისგან თავისუფალი, განსატვირთი დღის მოწყობა გახლდათ. მარკეტინგულმა სააგენტომ - Marketing Hub სტუმრებისთვის ასევე Chill out ზონა Greenish Studio-სთან ერთად წარმოადგინა, სადაც სტუმრებს დასვენება და მშვიდ გარემოში კომუნიკაცია შეეძლოთ.
დღის მანძილზე ტერიტორიაზე განთავსებული კვების ობიექტების და ბარების გარდა, სტუმრებს საინტერესო, ე.წ. ვირკშოპებში ჩართვის საშუალებაც ჰქონდათ. მაგალითად კრივის ვორკშოპში ელენე ლოლაძესთან ერთად, ნეგატიური ენერგიისგან დაცლას ვისწავლეთ, ხოლო იოგას მარიამ დოლიძემ ბუნებასთან ჰარმონიაში იოგას დახმარებით შეგვიყვანა.
ღონისძიებას მხოლოდ ერთ ნიუანსს დავუწუნებდით - ქრონომეტრაჟს! მსგავსი ტიპის პროექტს 3000 წუთსაც კი სიამოვნებით დავუთმობდით, დიდი ხნის უნახავ კოლეგებსაც მეტად ვეკონტაქტებოდით, სტრესისგან დავიცლებოდით და საკუთარ დროს სხვა საოცარი სპიკერების მოსმენასაც უპრობლემოდ დავახარჯავდით.
დიზაინისა და არქიტექტურის კვირეული 15 მაისს დაიწყო და 18 მაისის ჩათვლით გაგრძელდება. The Diary-ის რედაქცია კვირეულის დამფუძნებელს, მარიამ ბოჭორიშვილს გაესაუბრა და ის უკეთ მოგვიყვება ამ ღონისძიების დეტალებსა და შემქმნელების დასახულ მიზნებზე.
ბოლო დღეების მანძილზე, მედია სამყარო გაღმა ნაპირიდან მოსულმა ბრჭყვიალა სიახლეებმა მოიცვა. მათ შორის, TheDiary-ის რედაქციამ Met Gala 2024-ის მთავარი აქცენტები მიმოიხილა. თუმცა, როცა ნიუ-იორკში, ცნობილი ადამიანების მილიონობით დოლარად შეფასებული კაბებითა და კოსტიუმებით, მეტროპოლიტენ მუზეუმის კიბეებზე პოზირების პარალელურად, სამყაროს მეორე მხარეს, ადამიანები ბომბებისგან თავშესაფარს ეძებდნენ.
IAWO - არასტანდარტული სიმღერა, უნიკალური ტექსტითა და მუსიკით, საერთო საქმის სიყვარულით გაერთიანებულმა გუნდმა შექმნა. ბოლო დღეებია LIO with ILA-ს მუსიკა თავისუფლებისთვის მერძოლი ხალხის ჰიმნად გადაიქცა. დღეს, The Diary-ის რედაქცია მუსიკალური პროექტის არტ-მენეჯერთან, თამარა ჯაჭვლიანთან, ინტერვიუს გთავაზობთ.
