ნინიკო ის გოგოა, პროექტებს გეგმავს და ჭერში აწყობს - ყოველ შემთხვევაში სხვები ასე ეუბნებიან.
თვითონ ჰგონია, რომ ის გოგოა, რომელსაც გეგმა არასდროს ჰქონია.
არც ორგანიზაციის შექმნა დაუგეგმავს და არც იმაზე უფიქრია, როგორია იყო მენეჯერი - თან კარგი... ამ სფეროში და ამ პოზიციაზე (დემოკრატიის ლაბორატორიის დირექტორი) კიდევ იმიტომ მოხვდა, რომ მოსწონდა ახალი რამეების გაგება, სხვადახსვა სფეროში საკუთარი თავის მოსინჯვა და თვალსაწიერის გაფართოება.
რას აკეთებს?
ამ კითხვაზე ერთი, ძალიან ლაკონიური პასუხი აქვს - ცხოვრობს. საქმე კიდევ მისი ცხოვრების განუყოფელი ნაწილია. მუშაობა 17 წლისამ დაიწყო და მას მერე არ გაჩერებულა. იყო მკვლევარი, ჟურნალისტი, გრაფიკული დიზაინერი, პროექტების, საზოგადოებასთან ურთიერთობისა და გაყიდვების მენეჯერიც კი.
შუალედებში ხატავდა, მღეროდა და ფოტოებს იღებდა ბაბუამისის "ზენიტით".
ამბობს, რომ ამ მრავალფეროვანმა გამოცდილებამ მიიყვანა კომუნიკაციებამდე, იმ აზრამდე, რომ ნებისმიერ პროდუქტს, სჭირდება სწორ აუდიტორიამდე, სწორ დროს, სწორი ფორმით მიტანა. დემლაბშიც ზუსტად ამას აკეთებს - უფრო სწორად, ერთად აკეთებენ.
ამ წუთას ნინიკოს ორგანიზაციაში 15 ადამიანია, რომელებიც ხედავენ ქვეყანაში არსებულ აქტუალურ გამოწვევებს და უპირისპირებენ კომუნიკაციის ხან კლასიკურ და ხანაც ექსპერიმენტულ ხერხებს.
რას აპირებს?
რაც აქამდე არ დაუგეგმავს, ახლა აანაზღაურა. უაახლოესი 5 წლის განმავლობაში შესასრულებელი, ყველა გეგმა ერთ გრანდიოზულ, საყოველთაო მიღწევაში, საზოგადოების (ან სულაც სამყაროს) გაუმჯობესებაში საკუთარი მცირე წვლილის შეტანას ემსახურება.
გეგმებში შედის და ზაფხულამდე უნდა და-LAUNCH-ოს:
• ციფრული პლატფორმა, მსჯელობისა და მოსაზრებების გაზიარებისთვის;
• აპლიკაცია დეზინფორმაციასა და Fake News-თან დასაპირისპირებლად;
• გამოცდილების გაზიარების კურსი გოგონების ეკონომიკური გაძლიერებისთვის;
• ღია სივრცე სადაც შეიგიძლია იმუშაო, იფიქრო და, რა თქმა უნდა, დაისვენო.
ორი დის მიერ წამოწყებული სტარტაპი უკვე შვიდი წელია, რაც ქართველი მომხმარებლის საყვარელ პროდუქტს ქმნის. საყვარელი ადამიანების გახარება თუ გსურთ, ნეონ გალერის აუცილებლად უნდა ესტუმროთ. და თუ ახალი საქმის წამოწყებაა თქვენი ამჟამინდელი მიზანი, მაშინ სალომესა და ნინუცას რჩევები ძალიან გამოგადგებათ!
ნინეა პირველი ქართული ბრენდია, რომელიც სახლში ჩასაცმელ სამოსს გვთავაზობს. ბრენდი სამი მეგობარი გოგოს შექმნილია, რომლებმაც ოცნება აიხდინეს და უკვე აქვთ საქმე, სადაც არჩევანში თავისუფლები არიან, წესებს თავად ადგენენ და წარმატების ფორმულასაც თავად ქმნიან.
2023 TheDiary-სთვის სიახლეებით დახუნძლული წელი აღმოჩნდა. თუმცა საინტერესო კოლაბორაციების და მნიშვნელოვანი თანამშრომლობების ფონზე, არ დაგვიწყებია ჩვენთვის, ერთ-ერთი ყველაზე ღირებული რუბრიკა: GOGO!, რომლის დახმარებითაც TheDiary დაარსების დღიდან ცდილობს მხარი დაუჭიროს და გააძლიეროს ანტრეპრენერი ქალები და მათი ძვირფასი წამოწყებები. ათეულობით შთამაგონებელი ისტორიის მოსმენის შემდეგ, გვინდა ის გოგოები გამოვარჩიოთ, რომლებმაც თავიანთი მიზანსწრაფულობით, მრავალმხრივი აზროვნებითა და შრომით, შთაგვაგონეს ჩვენც და ჩვენი მკითხველიც.