„გამოხატე სიძლიერე თითოეულ ნაბიჯში“ - ქალის ფეხსაცმლის ქართული ბრენდის ANNA Shoes-ის ისტორია 20 წლის წინ იღებს სათავეს. პირველივე დღიდან ხარისხზე, დახვეწილ ვიზუალსა და ხელმისაწვდომ ფასებზე ორიენტირით, ბრენდმა ადგილობრივ ბაზარდე დამკვიდრება მარტივად მოახერხა. ANNA Shoes-ის თითოეული ფეხსაცმელი ხელნაკეთია და ხშირ შემთხვევაში ის ინდივიდუალურად იქმნება მომხმარებლისთვის.
როგორც ANNA Shoes-ის დამფუძნებელი, თამარ ჩუბინიძე ჩვენთან საუბრისას აღნიშნავს, ბრენდმა ორი ათწლეულის მანძილზე მოახერხა და საკუთარ თავში, იდეალურად გააერთიანა ქართველი ქალის ხასიათი, „ნაზი და ამავდროულად, ძლიერი და თავდაჯერებული შტრიხებით“.
აღიარებული ხარისხი და მრავალწლიანი პრაქტიკა
„ჩვენი გუნდის მთავარ საზრუნავს სწორედ რომ ხარისხი წარმოადგენს, რასაც საკმაოდ წარმატებით ვართმევთ თავს ამ წლების მანძლზე. სწორედ ამიტომ, ათი ათასობით მიმდევარი და ერთგული მომხმარებელი გვყავს მთელი ქვეყნის მასშტაბით, ზოგიერთ მათგანს კი ათეულობით ფეხსაცმელიც კი აქვს ANNA shoes-ის კოლექციიდან“.
დიზაინში ასახული ინდივიდუალიზმი
არსებობის 20 წლის მანძილზე, ბრენდმა შექმნა საკუთარი ნიშა და წარმოების სტანდარტი. „მიუხედავად იმისა, რომ თითოეული ფეხსაცმელი განსხვავებულია, ჩვენს ყველა ნამუშევარს აერთიანებს დამახასიათებელი დეტალები, რომლითაც მომხმარებელი ჩვენს ხელწერას მარტივად ამოიცნობს. უფრო კონკრეტულად რომ ვისაუბროთ, ჩვენი კოლექციები ძალიან ჰგავს და გამოხატავს ქართველი ქალის ხასიათს - ნაზი და ამავდროულად, ძლიერი და თავდაჯერებული შტრიხებით“.
კომპანიის დევიზიც სწორედ ეს არის „გამოხატე სიძლიერე თითოეულ ნაბიჯში“!
ინტერგრაცია მოდის ინდუსტრიასთან
„რადგანაც ბრენდი მოდის ინდუსტრიაში ოპერირებს, პერიოდულად, ჩართულები ვართ ქართველი დიზაინერების ჩვენებებში და თითქმის ყოველი სეზონის დასაწყისში, მომხმარებლებს ვაცნობთ, თუ რა სიახლეები მოუმზადა ANNA shoes-მა მათ“.
სამომავლო გეგმები
„სამომავლოდ, გვსურს, თანამედროვე ტექნოლოგიების დახმარებით, წარმადობის ზრდა, თუმცა ხელნაკეთი და ქარხნული ფეხსაცმლის ხარისხი ძალიან განსხვავებულია და ყველანაირი პროცესის ავტომატიზირებას, ამ ეტაპზე, არ ვაპირებთ, რადგან ჩვენი ნიშა სწორედ ის არის, რომ თითოეული ნამუშევარი არის ხელნაკეთი და განაკუთრებული ზრუნვითა და გულისყურით შექმნილი იმ ადამიანთათვის, რომელთა ნდობა და სიყვარულიც მრავალწლიანი დაუღალავი შრომით მოვიპოვეთ“.
ორი დის მიერ წამოწყებული სტარტაპი უკვე შვიდი წელია, რაც ქართველი მომხმარებლის საყვარელ პროდუქტს ქმნის. საყვარელი ადამიანების გახარება თუ გსურთ, ნეონ გალერის აუცილებლად უნდა ესტუმროთ. და თუ ახალი საქმის წამოწყებაა თქვენი ამჟამინდელი მიზანი, მაშინ სალომესა და ნინუცას რჩევები ძალიან გამოგადგებათ!
ნინეა პირველი ქართული ბრენდია, რომელიც სახლში ჩასაცმელ სამოსს გვთავაზობს. ბრენდი სამი მეგობარი გოგოს შექმნილია, რომლებმაც ოცნება აიხდინეს და უკვე აქვთ საქმე, სადაც არჩევანში თავისუფლები არიან, წესებს თავად ადგენენ და წარმატების ფორმულასაც თავად ქმნიან.
2023 TheDiary-სთვის სიახლეებით დახუნძლული წელი აღმოჩნდა. თუმცა საინტერესო კოლაბორაციების და მნიშვნელოვანი თანამშრომლობების ფონზე, არ დაგვიწყებია ჩვენთვის, ერთ-ერთი ყველაზე ღირებული რუბრიკა: GOGO!, რომლის დახმარებითაც TheDiary დაარსების დღიდან ცდილობს მხარი დაუჭიროს და გააძლიეროს ანტრეპრენერი ქალები და მათი ძვირფასი წამოწყებები. ათეულობით შთამაგონებელი ისტორიის მოსმენის შემდეგ, გვინდა ის გოგოები გამოვარჩიოთ, რომლებმაც თავიანთი მიზანსწრაფულობით, მრავალმხრივი აზროვნებითა და შრომით, შთაგვაგონეს ჩვენც და ჩვენი მკითხველიც.
