დღეს GOGO-ს რუბრიკაში ქართველ დიზაინერ ლია გოგლიძესა და მის უნიკალურ ბრენდ LIYA-ზე მოგიყვებით. 2017 წელს დაფუძნებული ბრენდი ქმნის დახვეწილ სამოსს, აქსესუარებსა და გამორჩეულ ფეხსაცმელს, რომელიც თავდაჯერებულ, ძლიერ და თავისუფალ ქალებს თვითგამოხატვის შესაძლებლობას აძლევს.
LIYA: „ბრენდის სტილი გამოირჩევა თავისი მინიმალისტური, მაგრამ სახასიათო ესთეტიკით, სადაც ყოველი დეტალი ნაფიქრი და გააზრებულია“.
ლია გოგლიძემ მოდის დიზაინი Polimoda-სა და IED Milano-ში შეისწავლა. ევროპაში მიღებულმა გამოცდილებამ გავლენა იქონია მის სტილზე, რაც LIYA-ს კოლექციებში კონსტრუქციულ ფორმებსა და უმაღლესი ხარისხის სტანდარტებში აისახა. თბილისში დაბრუნების შემდეგ, დიზაინერმა ბავშვის სამოსზე დაიწყო მუშაობა, თუმცა მალევე ფოკუსი ქალის ტანსაცმელზე გადაიტანა – ასე შეიქმნა LIYA, რომელმაც სწრაფად მიიპყრო საერთაშორისო პრესისა და მოდის მოყვარულთა ყურადღება. დღეს კი, ბრენდი მოდის კვირეულებზე ახალ და მრავალფეროვან კოლექციას წარადგენს.
LIYA: „მოდის კვირეულები LIYA-სთვის უმნიშვნელოვანესი პლატფორმაა, რომელიც ბრენდს საერთაშორისო პრესასა და აუდიტორიასთან აკავშირებს".
„ეს არის ცოცხალი იდეების გაზიარებისა და ტენდენციებზე თვალის დევნების საუკეთესო საშუალება“.
LIYA-ს ნამუშევრებში ხშირად გვხვდება მისი სავიზიტო ელემენტი – გული, რომელიც სხვადასხვა ფორმითა და დანიშნულებით ჩნდება. ერთ-ერთი ყველაზე გამორჩეული მოდელი კი cowboy boots-ია, რომელიც არასდროს კარგავს აქტუალობას.
ბრენდის კოლექციებში ხშირად ჩნდებიან ისეთი ცნობილი სახეები, როგორიცაა ლილი კოლინზი, იორდანიის დედოფალი რანია თუ სტილის ინსპირაცია Gossip Girl-იდან კელი რუტერფორდი. LIYA აქტიურად თანამშრომლობს სხვადასხვა ცნობილ ბრენდთან და საინტერესო კოლაბორაციებსაც გვთავაზობს.
ლია გოგლიძისა და მისი გუნდის წარმატების ისტორია შთაგონების წყაროა ყველა იმ დიზაინერისთვის, ვისაც საკუთარი სათქმელის გლობალურ სცენაზე გაჟღერება სურს. მათ კი LIYA-ს გუნდისგან ასეთ რჩევას ვუტოვებთ: „გქონდეთ მკაფიო კონცეფცია და ვიზუალური იდენტობა. იფიქრეთ ხარისხსა და დეტალებზე. ნუ შეუშინდებით ექსპერიმენტებს – ინდივიდუალიზმი თუ კრეატიულობა ყოველთვის დასაფასებელია. წარმატებისთვის მთავარი კი, მოთმინება და მუდმივი განვითარებაა“.
დადგა დრო, როცა ქართულ ბაზარზე შეგვიძლია ვიყიდოთ ყველაფერი, იქნება ეს ტანსაცმელი, აქსესუარები თუ სამკაულები და ამაყებმა ვიაროთ ეროვნული წარმოების პროდუქციაში გამოწყობილებმა. დღეს, რუბრიკაში GOGO! სწორედ ასეთ ქართულ ბრენდსა და მის თანადამფუძნებელს, დეა მხითარიანს გაგაცნობთ.
The Diary აგრძელებს ქართველი გოგოების წარმატებაზე საუბარს. ამჯერად, ელენე გიორგაძეს გაგაცნობთ, რომელიც 2016 წლიდან ბრენდ Lename-ს ქმნის. ელენე თანამედროვე ქალებს საინტერესო და უნიკალური დეტალებით მდიდარ, მოდერნულ თუ კლასიკურ კოლექციებს სთავაზობს.
"აურა" ონლაინ მაღაზიაა, სადაც ბუნებრივი სალბების, არომატული ჩხირების, სურნელოვანი ნელსაცხებლებისა თუ საკმევლის შეძენას შეძლებთ. პროდუქცია თქვენს ცხოვრებას სიმშვიდეს შემატებს, უარყოფით აურას განწმენდს და მენტალურ თუ ფიზიკურ ჯანმრთელობას გაგიუმჯობესებთ, ეს ყველაფერი კი გამორჩეული სურნელების ფონზე მოხდება.
