#კულინარია

რეცეპტი: არაქისის კარაქის ჩიზქეიქი

გაზიარება:

დესერტებზე, უგემრიელეს ნუგბარზე უარის თქმა ყოველთვის რთულია და არის დღეები, როდესაც უარის თქმის ნაცვლად სახლში მყუდროდ მოვეწყობით და ჩვენს ყველაზე ნანატრ რეცეპტებს შევასხამთ ფრთებს. დღეს, If.ge-თან ერთად, სწორედ ასეთ რეცეპტს გთავაზობთ - უგემრიელესი არაქისის ჩიზქეიქის, რომელიც ყველაზე გრილ დღესაც კი გაგიფერადებთ და საშუალებას მოგცემთ ცხოვრებით აქ და ახლა დატკბეთ.

ინგრედიენტები: 

  • მიწის თხილის კარაქი 1 ს.კ.
  • კრემ ყველი 200 გრ.
  • შაქარი 50 გრ.
  • ვანილი მწიკვი
  • კარაქი 40 გრ.
  • ორეო 150 გრ.

მომზადების წესი:

ჯამში მოათავსეთ კრემ ყველი, შაქარი, მიწის თხილის კარაქი და ვანილი. მიქსერის საშუალებით კარგად აურიეთ.

ორეოს გამოაცალეთ შიგთავსი და კარგად დააქუცმაცეთ. დაყარეთ ღრმა თეფშზე და მოასხით გამდნარი კარაქი. თეფშზე კარგად გადაანაწილეთ და დაპრესეთ. ზემოდან დაადეთ მიღებული მასა. მოათავსეთ საყინულეში 3 სთ. ან მაცივარში 5-6 სთ.

ზევით