ავტორი: ხათო გაბისონია
მსოფლიო პანდემიასთან თითქმის 3 წლიანმა ჭიდილმა, მუდმივმა შიშმა და ფსიქოლოგიურმა დაძაბულობამ ჩვენს საზოგადოებაში დეპრესიული ფონის გაჩენას შეუწყო ხელი და თითქოს უკვე არსებული სტრესის ნაირსახეობები საკმარისი არ იყო, ახლა პოსტ-პანდემიური სტრესიც დაგვემატა; ყველანი მოულოდნელად აღმოვჩნდით გამოუვალ მდგომარეობაში, რომელიც დღითი დღე უფრო ძლიერად მოქმედებს ჩვენს განწყობაზე და შრომისუნარიანობაზეც.
საბედნიეროდ, სტრესის მართვის ხერხები არსებობს და მათგან ყველაზე ეფექტური ფიზიკური ვარჯიშია. რატომ უნდა ვივარჯიშოთ სტრესის დროს, როდესაც მთელი სხეულით ვგრძნობთ, რომ ძალები ისედაც არ გვაქვს? - ეს ბოლო დროს ყველაზე ხშირად დასმული შეკითხვაა, რომელიც ჩემი მოსწავლეებისგან მესმის და ვეცდები დღეს თქვენთვის ამ კითხვაზე გავცე პასუხი.
რა გავლენას ახდენს სტრესი ჩვენს ორგანიზმზე
სტრესის დროს ორგანიზმში დიდი რაოდენობით გამოიყოფა ადრენალინი და კორტიზოლი, რაც ჩვენი იმუნიტეტის დაქვეითებას უწყობს ხელს. ამის პარალელურად, საგრძნობლად იზრდება არტერიული წნევა და შაქრის დონე სისხლში. ამ ყველაფრის ფონზე კი კორტიზოლის რაოდენობის ზრდა ორგანიზმში კუნთოვანი სხეულის დაშლას იწვევს, რასაც ავტომატურად მოჰყვება ნივთიერებათა ცვლის პროცესის დარღვევა და მივდივართ ჭარბი წონისკენ.
ფიზიკური ვარჯიში, როგორც ბერკეტი
აქტიური ფიტნეს დატვირთვა ბლოკავს კორტიზოლის გამოყოფას და არეგულირებს შაქრის დონეს სისხლში. რეგულარული ვარჯიში დადებითად მოქმედებს ჩვენს ნერვულ სისტემაზე, ის გვეხმარება გავთავისუფლდეთ დაძაბულობისგან, შფოთვისა და ბრაზისგან, ფიტნესის დროს გამომუშავებული ბედნიერების ჰორმონის - ენდორფინის დამსახურებით კი სრულყოფილი ვარჯიშის შემდეგ გუნება-განწყობის ცვლილებასაც აუცილებლად ვიგრძნობთ.
რომელი ვარჯიშია რეკომენდებული სტრესის დროს
თამამად შემიძლია ვთქვა, რომ აერობიკული დატვირთვა (სირბილი, ცურვა, ველო აერობიკა, ზუმბა და სხვა) ძლიერ მღელვარებასა და დეპრესიულ ფონს იდეალურად უმკლავდება. აგრეთვე, საკმაოდ ეფექტური ხერხია კარდიო ვარჯიშებიც, ის ხელს უწყობს ცხიმის წვას და აძლიერებს გულ-სისხლძარღვთა სისტემას.
კვების როლი
დასასრულ კი, კვების რაციონის როლზე მინდა გავამახვილო ყურადღება. თუ სტრესთან საბრძოლველად ვარჯიშის გზას აირჩევთ, უნდა გაითვალისწინოთ ის ფაქტიც, რომ ფიზიკურ დატვირთვასთან ერთად თქვენს კვებაზეც უნდა იზრუნოთ. გირჩევთ, მიიღოთ B ვიტამინის შემცველი პროდუქტები, ისეთები, როგორებიცაა ბარდა, თხილი, ლობიო, ბურღულეული, ბრინჯი, სოიო და მრავალი სხვა, ასევე აუცილებლად გაამდიდროთ თქვენი რაციონი ცილოვანი პროდუქტით, რადგან ის კორტიზოლის გამოყოფას უშლის ხელს.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
